رأيكم بهذه المواد ؟؟

[red flower]

السلام عليكم ورحمة الله وبركاته


كل عام وانتو بخير بمناسبة انتهاء الفصل الدراسي الاول
وكل ترم وانتو بخير

حابه استفسر عن ماده راح تكون نازله لي الترم الجاي ان شاءالله

طبعا احنا دفعة 06 المشؤومه
كل المواد واللخبطه صايره علينا

فـ حأكتب لكم المواد بأسمائها مو بأرقامها لان الارقام اتغيرت مع لخبطة الخطط

المهم

اول مادة ذكاء صناعي ARTIFICIAL INTELLIGENCE 1

هندسة برمجيات SOFTWARE ENGINEERING 1

شبكات COMPUTER NETWORKS 1

هياكل بيانات 2 و خوارزميات ALGORITHMS & DATA STRUCTURES 2

مقدمة ادارة مشاريع النظم INTR.TO SOFTWARE PROJECT MANGE


آخر ماده شكلها جديده .. مااظن كانت في خطة علوم حاسبات القديمه ؟!
لأنها من قسم is




عموما هذي هي المواد
واتمنى تفيدوني عنها
بالذات البنات .. عشان اعرف رأيكم بخصوص اللي يدرسوها







وشكرا

[Silent Hill]

اول مادة ذكاء صناعي ARTIFICIAL INTELLIGENCE 1

بصراحه تحس انك تدرس حاسب لمن تدرس مثل هالمواد..

وانا ان شاء لله مشروع التخرج الي حسويه بيكون ذكاء اصطناعي..

بتتعلمي في الماده كيفية بناء النظم الخبيره والاستراتجيات المتبعه في عملية البناء..

طبعا هناك العديد من الخوارزميات المتبعه في الذكاء الاصطناعي ..

وبتتعلمي كيف تستفيد من knowledge base عملية الاستنتاج المستخدم في النظام الخبير..

الماده حلوه وما ادري كيف عند البنات.. ايش طريقة التدريس الي بيستخدموها وايش المنهج..

هندسة برمجيات SOFTWARE ENGINEERING 1

ماده حلوه وسهله.. بتتكلم عن مراحل بناء النظام من تحليل وتصميم وصيانه..

وبتتعلمي فيها كيف تضعي scope معين للنظام من خلال جمع البيانات..

وتحديد متطلبات والمخرجات المفترض ان يقوم بها النظام..

شبكات COMPUTER NETWORKS 1

ماده مفيده لو كان في خبير شبكات وفي تطبيق فعلي على الشبكات بالكليه..

بس على الوضع الحالي الماده تكملت عدد لا اكثر..

هياكل بيانات 2 و خوارزميات ALGORITHMS & DATA STRUCTURES 2

الماده اكمال لهياكل البيانات المستوى الاول..

وبتتعلم في كم طريقه لهيكلة البيانات.. كمثال ال hash tables وال sperat changing ..

مقدمة ادارة مشاريع النظم INTR.TO SOFTWARE PROJECT MANGE

زي ما قلتي الماده جديده وما كانت موجوده من قبل..

ابحثي في النت اكيد بتلقي مقدمه عن الي بتتكلم عنه الماده بناءا على عنوانها..

بالتوفيق للجميع..

[red flower]

شكرا اخوي

يعطيك العافيه على تجاوبك


وانتظر تجارب واراء البنات

[Nosa]

"اول مادة ذكاء صناعي artificial intelligence 1"
ما اقدر افيدك فيها كثير .. لاني لسه ما اخدتها وان شاء الله رح اخدها معاكي الترم الجاي
بس اللي اعرفه عنها زي ما ذكر الاخ سايلنت
وطبعا تدرسها د. لمياء .. اكيد اخدتي معاها اوبريتنق وما يحتاج اقولك عنها :)
والمادة لها بروجكت


"هندسة برمجيات software engineering 1"
المادة دي تعتبر امتداد ومكلمة لمادة السيستم اناليسز لو كنتي اخدتيها
اول تركيزنا كان على جمع المعلومات عن النظام ومشاكله وتحليلها
والآن زي ما ذكر الاخ انه بتحددي سكوب للنظام وكيف تعملي الديزاين على حسب الريكوايرمنت المطلوب
وكيف تمثلي دا الشي وكمان تعملي تستينق عشان تتاكد انه شغال حسب المطلوب

المادة مع د. مي واتوقع درستي معاها وتعرفي اسلوب شرحها :)
بس اهم شي انها جدا محترمة ومتعاونة
وفي بروجكت عليه 30 درجة
تختاري نظام وتطبقي عليه اللي بتدرسيه .. صح تعبنا فيه شويتين
بس الدكتورة ساعدتنا في النهاية وقيمتنا على المجهود وانه كامل ومتسلم في الوقت وما نقصت حتى لو في اخطاء


"شبكات computer networks 1"
بتتكلم عن اساسيات تكوين الشبكة
والبروتوكولات المستخدمة في كل طبقة في المودل
وكيف تنتقل البيانات خلال الشبكة

المادة مع د. اعتماد فاضل .. شرحها حلوو بس سرريييع ومختصررر
وطبعا لازم تمسكي الكتاب لانه فيه كل شي .. هوا صح كبيييير وفيه دش كتيير بس اسلوبه بسيط وواضح

في لاب للمادة
فيه شوية عملي وشوية نظري
سوينا كيبلات وكمان عملنا شبكة صغير بين 3 اجهزة وشبكة وايرلس وعملنا شيرينق للملفات والنت
وفي واجبات تعتمد على البحث

وفي بحث عليه 15 درجة عن بروتوكول معين


"هياكل بيانات 2 و خوارزميات algorithms & data structures 2"
امتداد لهياكل 1
عن الترييز وتمثيلها والقرافز والاكتيفتيز

المادة مع د. زينب
وزي ما تعرفي عنها موادها خفيفة وسهلة وتتذاكر في ليلتها!


"مقدمة ادارة مشاريع النظم intr.to software project mange"

ما اخدتها ولا سمعت عنها والله


بالتوفيق .. واي استفسار انا حاضرة

[Silent Hill]

في لاب للمادة فيه شوية عملي وشوية نظري سوينا كيبلات وكمان عملنا شبكة صغير بين 3 اجهزة وشبكة وايرلس وعملنا شيرينق للملفات والنت وفي واجبات تعتمد على البحث

على كذا في فايده من الماده.. عكس الشباب والله مانستفيد منها شي ابد..

[red flower]

شكرا نوسا ياعسل


سوفت وير مع د. مي ؟!!!!!!!!!!!!!!!!!!
انا سمعت انها مع د. منال ومره فرحت

متأكده مي ماسكتها لحالها ؟
مره ماتعرف تشرح

الله يعين

وبعدين احنا الخطه الجديده خذفوا مادة سيستم اناليسز .. وحطوا بدالها خوارزميات1
كيف يعطونا ماده امتداد لها ويحذفوا الاصل
كليه متخلفه من جد



اما د. لمياء وذكاء صناعي
الله يعين بس
هذا الترم اخدت معاها o.s وكمان الترم الجاي اشوفها بوجههي
استغفر الله بس
لا شرح ولا اسلوب زي الناس في الكلام ولا حتى درجات




الله يستر
شكله الترم الجاي منيل



يسلمو حبيبتي على تفاعلك
وبالتوفيق للجميع



اذا ممكن بس تقوليلي لاب شبكات اخذتيه مع مين ؟

[mind glance]

اهلين رد فلاور
انا مع نوسا في كل اللي قالته
بس اضافة على مادة ذكاء اصطناعي... الدكتورة مرة مو شاطرة فيها
والبنات ما بيستفيدوا من المادة صح
وان شاء الله ما أخذها :d


بالنسبة لـ "مقدمة ادارة مشاريع النظم intr.to software project mange"
هذه مو هي cs453 ؟ مع د.ميسون
بس حتى لو هي ما اعرف المادة عن ايش :d

رد فلاور لاتزعلي انه سوفت وير مع د.مي
بالعكس هذه اكثر مادة تعرفلها الدكتورة..لأنه هذا تخصصها
بعدين التعامل مع د.مي مررة حلو بصراحة..انسانة في قمة الاحترام والذوق
بس هي الله يديها مررة هادية


يلا اتمنى لك التوفيق
وحاولي تستمتعي بأي شي عشان يخفف عنك شوية

[red flower]

^

احد يقدر يستمتع بأي شئ في كليتنا الجميله ؟؟؟؟


كفايه بس نشوف لمياء واشكالها عشان نستمتع


الله يعين

[mind glance]

ههههههههه
شاركي في النشاطات غيري جو
او كل فترة جيبي قهوة وكيك واجلسي اتونسي مع صحباتك
او سجلي في الدورات...ان شاء الله الترم التاني في دورات حلوة وجديدة
اخترعي اي شي...عيشي حياتك الجامعية

[Anemon]

السلام عليكم

بالنسبه لذكاء اصطناعي
في امل ان الماده ماتدرسها دكتوره لمياء السنه الجايه؟؟
لانها بصراحه ابدااا ماتعرف تشرح واسالتها مررره صعبه
فادا في احتمال انها ماتدرسها السنه الجايه ممكن ما اخد الماده الترم الجاي
وانا سمعت ان دكتوره فاطمه باعثمان كانت تدرس الماده كيف كان شرحها؟؟
يعني لمياء احسن ولا هيه