جدول بطولة أندية العالم

[x_bioc]

يا رب انصر الاتحاد في المونديال



قولو آمين

[The_white_heart]

بالتوفيق للاتحاد

[داوود]

انا اشوف

انه الواحد يدعي من اجل الاتحاد او اي فريق

شي ماهو طيب انه ندخل امر عظيم وشي

الدعاء من انواع العبادة فا اشوف من الادب انه نصرفها في محلها

فا بعيد عن الامور الدينية وبما ان من يمثل الاتحاد ويعتمد عليهم

مثل ومي اللاعب الكاميروني او بدرينهو او تشيكو مجموعة من لاعيبة الاتحاد اللي من خلالهم فقط هم في الاساس ممكن يسوي شي

غير مسلمين ..... غهدا انب تاني يخليني ما ادخل نوع من انواع العبادة

في شي كله لعب ولهم

ورد عليك يا اكس بايوك

لمن قلت انتا بتتمنى ما بتتوقع

زي ما قلتلك.........منطقيا ........ 6 برازيلية في الاتحاد غير مستبعدة ... وصارت على مستوى المنتخب

بس اهم شي فوزو على الاهلي المصري اللي زي ما قال احد الاعضاء

اعتمد على نفس لاعبيه اللي بيلعب بيهم وما عمل انتدابات

طبعا منصور البلوي يناقض نفسه لمن تساله الصحافه وتقوله

ليه ما تعمل انتدابات من داخل الزطن يروح يرد ويقول

لاعبي الاتحاد اولى بالتتويج ... وبعد هذا التصريح

ينتدب 4 لاعبين اجانب..........!!!!!!!! قمة التناقض

[العاشق الساهر]

ان شاء الله يحقق الاتحاد أفضل النتائج
الف شكرا على التفصيل الجميل



سلامي

[داوود]

القلب الابيض


العاشق الساهر


شكرا لمروركم الطيب

[الشاكي]

زي ما قلتلك.........منطقيا ........ 6 برازيلية في الاتحاد غير مستبعدة ... وصارت على مستوى المنتخب

للمعلوميه

ثلاثه أرباع لعيبه المنتخب

واااااااااااااااسطه



بعدين الإتحاد أنا أشوفه (( بصراحه مو عشاني إتحادي )) أحسن من المنتخب

وإنتم تذكرو كأس الخليخ اللي المنتخب خرج من الدور الأول والإتحاد دوبو ماخذ كأس آسيا

أش قال ماجد عبدالله في التحليل

قال المفروض بأن المنتخب يأخذ حسين الصادق بما أنه في عنفوان حيويته وقوته

لكن الواسطه لها دور

هيا شوف بالله كوره بتخش الباب يقدر يمسكها بيده الدعيع يشوتها في الباب

وفي الأخير من يتحمل الخطأ

محمد نور



وهذي وجهت نظري يمكن ترضي البعض والبعض الآخر لا ترضيه

[داوود]

والله شوف

شخصيا

انا ما اقدر نفسيا كدا اتابع المنتخب وحسين عبدالغني ما بيلعب ليش؟

لانه انا اشوفه حاليا افضل لاعب سعودي ... واذا ماكان الافضل فهو من أحسن 10 لاعبين سعوديين

يعني بكل اطرق لازم حسين يكون في المنتخب بس ماهو في المنتخب

واللي بداله عبدالعزيز الخثران ... لا والهلاليين يقولوا الخثران احسن

والاتحاديين يوم طلع صالح الصقري خلوه احسن من عبدالغني

وهكذا حتى وصلت الدرجة ان يسرق لقب عبدالغني

الفتى الذهبي ويعطوه لنواف التمياط

انا ما انتقص شي من نواف ونواف من افضل لاعبين الوسط اللي مروا على المملكة ومايحتاج فيها لشهادة احد

يعني انا افضل مناف ابو شقير على الشلهوب

نواف على محمد نور ... ومن دي الامثلة

ابدا ما باتحيز لنادي معين

اللي يستحق يلعب في دا المكان هوا اللي يلعب

يعني وانا عارف يعارضني فيها مية الف شخص ...

ابغا اعرف على ايت اساس سامي الجابر في المنتخب لا

ويتغيب عن تدريبات الهلال ووديات الاخضر ويروح سفير للسعودين في البحرين لمؤازرتهم ضد ترنداد وتوباجو وفي الاخير

كل الصحافة تقولك سامي الجابر قائد الاخضر في المونديال الالماني

لا والادهى والامر يقارنوه بماجد عبدالله

المهم ياسيدي انا دوشت لك راسك

بس كل اللي ابغا اوضحوا حاجة معينة

في الامس القريب قبل مبراة العين والاتحاد اعرف مجموعة اماراتيين من منتدى لو تسمعهم

تحسب العين برازيل اسيا

وانا اقولهم صدقوني مستحيل تفوزوا على الاتحاد مستحيل من رابع المستحيلات لانه بالمنطق والعقل الاتحاد مرررة اقوى منكم هدا

فوق ما انو حيلعب على ارضو وبين جمهورو وهادي قوة تانية لاتحاد

انا الشي دا ابغا اقوله للاتحاديين هنا

لا تأملوا للدرجة دي انكم توصلوا للنهائي او تفوزوا على ساوباولو

مو لشي مو عشان احب الاتحاد او اكرهه عشان بكل بساطة

انا اشوف انه واقعيا معادلة انه الاتحاد يفوز على ساوباولو مستحيلة

[داوود]

للرفع

قربت البطولة

والتاريخية للتذكير...... في الانتظار

[الشاكي]

داوود

والله كانت قريبه

لكن خلها على ربك

الثالث ما أضن بأن النمور راح يسيبوه