سؤال مهم عن عقيده اسلاميه

[بنت الاقصى]

السلام عليكم ورحمه الله وبركاته
كيفكم ان شاء الله بخير
ممكن سؤال كيف هي ماده عقيده اسلاميه كماده حره
او ماده فقه السيره
اذا في احد منكم اخذها ممكن يقلي تجربته فيها
لو سمحتم ممكن تردوا علي اليوم قبل ما يقفل الحذف والاضافه
وشكرا
جزاكم الله خيرا

[سـمـرـرـر..!]

ادا قصدك اي افضل منهم .. يعني تختاري وحده منهم..؟؟ فإختاري فقه السيره..

لأنو ماده العقيده .. ماده يبغالها تركيز .. مكثفه.. سهله لاكن تتعب بالحفظ. لأنها كثيره مرا.. الملزمه الوحده توصل 300 او 400 صفحه.. وكلها حفظ ..

اما فقه السيره اختاريها وانا اضمنها لك..

هدي الماده مرا سهله .. كل المعلومات اللي في راسك عن الرسول في الإبتدائي .. والمعلومات العامه.. هي اللي رح تدرسيها .. وهدي ماده زي القراءه.. الأستاده بس تقرااا .. كأنها محاضره في مسجد..

تتكلم عن مولد الرسول .. وتشأته.. ورحلته .. والهجره..واإسراء والمعراج.. واحداث من حياته.. كلنا نعرفها.. انا درستها عند استاده لطيفه المريكي.. هدي الأستاده تتحط عالجرح يبرا.. مرا عسوووله وطيبع لأبعد الحدود.. وتعيد الإختبار الف مرا لو تحبي

وماده العقيده مرا حلوه بس ماتنفع لك كماده حره.. لانها حفظ كبير.. اخدتها عند استاده .. نور مصيري

بالمناسبه انا اداب الفيصليه يمكن انتي غير .. واكيد رح يكونو استاداتكم غير ..

موفقه يارب..

..~

[بنت الاقصى]

شكرا سمر
اذا ممكن تقوليلي اكثر عن المادتين بما انك اخذتيهم
يعني كيف اختباراتهم كيف المواضيع في ماده عقيده
وهل ماده فقه السيره فيها عن الغزوات وتاريخها
واذا عندك نماذج للاسئله ممكن ترفقيها
وجزاك الله خيرا

[سـمـرـرـر..!]

العقيده كلها عن صفه من صفات الله.. واسماء الله الحسنى ..

يعني تاخدي صفه من صفات الله وتدرسيها .. ايش معناها .. وهل يصدق النسان بوجوده .. واقوال المذاهب الاربعه في كل صفه .. بعضهم صدقها .. ويذكرو الأدله على حجتهم... وبعضهم رفضها .. ويذكرو ادلتهم تدعم حججهم.. مثلا ..

الله له صفه اليد.. يعني له يد زي الإنسان.. وناس قالو لا يد يعني : انو له قدره.. وزي كدا كل صفه لها معارضين ومؤيدين..

كل الدروس كدا..

بس يبغالها تركيز.. عشان اتنسي ..

واختباراتها مرا سهله.. مرا سهله .. اللي تحفظ وتميز كل معلومه من التانيه رح تحل ..

والإختبار يكون موضوعي ومقالي .. يعني كلو صح وخطأ واختاري .. مع سؤال مقالي(يعني اجابته كتابه) .. بس هدا غالبا مايكون بغرض مساعده البنات .. الاستاده تحطو سهل..

وماده فقه السيره.. تديكي معلومات عن الغزوات .. ايوا فيها .. بس تقولك الأستاده لاتحفضي التواريخ.. اغلب اللي تجيبو .. : ايش سبب الغزوه.. او .. مين شارك في الغزوه وانتصر فيها؟؟ ومافي الا غزوهتبوك وبدر .. وكلها كم سطر .. ماتتجاوز نص صفحه..

اقولك الماده رهيبه بشكل..

مرا سهله .. معلومات نعرفها من زماااان

حتى تحسي انو حرام تضيعي وقت في دراستها ..

خديها رح ترفعك..

[سـمـرـرـر..!]

وبالنسبه للنماذج.. انا اعرف الأستاده معرفه شخصيه.. رح اسئلها ادا باقي عندها نماذج اختبارات .. يصير اخدها منها وانزلها لكي..

انا تحت امرك..

والله يوفقنا يارب..

..~

[بنت الاقصى]

شكرا كتير الك جزاك الله خيرا
ان شاء الله يكتب مساعدتك الي في موازين حسناتك
الله يسر عليك يارب