جميع مايخص عن خطه ب + انقلش 102

[بكرى أحلى]

السلام عليكم ورحمة الله وبركاته

اولا مبروك لكل من دخل الجامعه وجعلها ربي فاتحه علينا وعليكم ورزقنا من العلم من حيث لا نحتسب يارب
ثانيا قد سبق ونزلت كل شئ يخص خطه أ على الرابط هذا
http://www.skaau.com/vb/showthread.php?t=661890
وبالنسبه لخطه ب
الخطه هذي جدا جدا جدا سهله ولله الحمد
لكن يبغالها توكل على الله اولا واخيرا ومذاكره اول بأول , واجتهاد فقط
ولا يغرك او يشتتك اي احد يقول عنها صعبه لانه ماعنده سالفه

فأنصح كل واحد داخل على الدراسه انه يقفل اذانيه عن كل السلبيات اللي تنقال
انت توكل على الله واجتهد وربي مايضيع تعبك ابد ابد , ولكل مجتهد نصيب

ونصيحتي عامه للكل اذا احد صادفه لو سمح الله استاذ او استاذه ماتفهم لا يغتم ولا يحزن
يروح يدعي الله بالتوفيق ويدور على محاضرات مسجله , وجزى الله الخير كل من سجل هالمحاضرات
وساعد الطلاب والطالبات في موادهم , وهذا المنتدى ولله الحمد بجد ماقصروا كل شئ موجود فيه ماعليك غير تدعي الله لهم بالتوفيق دنيا واخره يارب

وبعد هالمقدمه راح انزل اغلب الاشياء اللي ساعدتني في هالخطه وبعض الواجبات حقتنا مع حلولها وبالتوفيق يارب للجميع

اول شئ مادة الاتصال .. مادة جدا جدا سهله وفقط يبغالها توكل على الله و حفظ اول بأول فقط معنى انه اغلب هالماده تحكي حياتنا اليوميه وطريقة تعاملنا وتدربك بعد على التعامل والاخلاق
وهذا رابط واجباتنا

http://arabsh.com/files/0d3e474a65fb/مهارات-اتصال-rar.html




ثانيا مادة التفكير .. ماده مافي اسهل منها ,, وامكن تشوفها دسمه لكن والله لو فهمتها راح تكون سهله والأهم راح تستفيد منها وممكن تكتشف نفسك وشخصيتك ومواهبك من هذي الماده
نصيحتي فيها اقرء هالماده ثلاث مرات والمره الرابعه مراجعه وبأذن الله تجيب فيها اعلى الدرجات
يعني افهم اولا وبعدين احفظ !!

http://arabsh.com/files/0d3e474a65fa/مهارات-تفكير-rar.html



مادة الاحصاء .. وماأدراك مامادة الأحصاء اللي سمعته تماما غير اللي شفته فكذا انصح وانصح وانصح لا تسمع اي سلبيه من احد
ماده مافي احلى منها ومافي أسهل منها بأذن الله ,, لكن يبغالها توكل على الله ودعاء بالفتح من الله ثم تركيز وفهم اول بأول فقط
ودفتر تنقل فيه كل شئ يكتبه الأستاذ او الأستاذه

وطريقتي لكم اول شئ اسمع المحاضره مره كأستوعاب ثم المره الثانيه دون كل شئ مثل ماقلت , ثالثا اذا دونت كل شئ من المحاضره على الدفتر فما راح يحتاج تجي للمحاضره مره ثالثه الا كتثبيت للمعلومه او للتأكيد
وحل الواجبات بنفسك , يعني ذاكر اول وبعدين حل الواجب ماتجي نهاية السنه بأذن الله إلا مراجعه وتثبيت للمعلومات

القوانين تجيك بورقة يوم الامتحان من غير ماتحفظها ماعليك غير انك تدرب وتفهم القانون والرموز وكيف تستخدمه فقط
وعليك بأسئلة اخر الكتاب تجي منها في الاختبار !!
وهذا رابط اللي ممكن يساعدك في الماده

http://arabsh.com/files/0d3e474a66f3/احصاء-‫‬-rar.html

وهذا رابط اسئله
http://arabsh.com/files/0d3e474a66fa/شرائح-لكامل-المنهج-وتمارين-ونماذج-rar.html



الانفلش 102 .. هم بعد سهله جدا جدا ,, لكن يبغالها مذاكره اول باول والقواعد لازم تفهمها اول بأول
اذا الاستاذ مافهمتوا شئ منه , مالك عذر دور لمحاضرات الانتساب
ونصيحتي لك انه بعد مذاكرتك للانقلش خلي لك دفتر تحط فيه ملخصك عن اللي فهمته من الانقلش بطريقة تفكيرك انت عشان اخر السنه يوم الاختبار بما أنه الاختبارات ضغط تجي انت بالنهايه تمر على الدفتر كتأكيد وتثبيت معلومات
وهذا رابط عن كل مايخص انقلش 102 , وفيه ملزمه تجي منها في الاختبارات
http://arabsh.com/files/0d3e474a66f2/english-102-rar.html

ونصيحتي لك احفظ المفرادات والفلوكابري والمضادات والمعاني من الكتاب في كل يونت مهمه ثم مهمه ثم مهمه اذا حفظتها راح يسهل لك الانقلش بشكل ماتتصوره بأذن الله ( وهي اصلا موجوده في الملزمه لكن بطريقة اسئله فاحفظها واحفظ معانيها بالعربي و الأنقلش )


وبالتوفيق يارب

واخير خلي دائما دعائك بكل سجده اللهم افتح علي فتوح العارفين وفهم النبيين وحفظ المرسلين .. سبحان الله هالدعاء معجزه
وادعي بعد اللهم انا نسألك الدرجات العلا في الدنيا والأخره يارب

والله يوفقنا ويسر لنا واياكم كل مايحبه ويرضاه يارب

[اسيرالبحر]

موضوع مفيد يعطيك العافية اختنا الغالية بالتوفيق لك يارب

[miss roze]

يعطيك العافيه

بالتوفيق

[أم رينا]

يعطيك الف عااااااااافية

ريحني كلامك كثير لأني كنت شايلة هم من كثر الكلام اللي واصلني عالمواد

والله يسهلها عليك وعلينا يارب :)

[بكرى أحلى]

الله يريحكم اكثر واكثر ويعافيكم
بالتوفيق يارب