الكتب وصلت بس للاسف حطمتني

[HaMaD2oO8]

السلام عليكم ورحمة الله وبركاته

الكتب وصلتني للمواد التالية
نحو
صرف
صوتيات
صرف
علم اصوات

لكن للاسف انا من النوع اللي مطبق كلمة انتساب بحذافيره ههه يعني سيلف ستدي لكن وقفتني المواد هذي للاسف صعبة وتحتاج مدرس متمكن لكن مازاد الطين بلة لم اجد مدرس خصوصي
والوقت مر ومادري وش الحل ?

هل ادرس نفسي يعني مع نفسي هههه

[انترنت]

باقي وقت دور لك على مدرس وشد حيلك وفالك التوفيق .

[ام حمدان]

وعليكم السلام ورحمة الله وبركاته

اخ حمد

لاتتحطم ولا شي

الانتساب بشكل عام self-study
تعودنا نعتمد على انفسنا ونفهم نفسنا بنفسنا

انا وحده من البنات الي يحضرون الدورات لكن طبعا مو كل شي ينشرح

تشرح فقط اهم الاساسيات والباقي علينا

ومو كل الاستاذات تخرج من المحاضره واحنا فاهمين عليها

عندي احد هالمواد حضرت او ماحضرت كله واحد :(

وحسيت اني متحطمه وانا من النوع الي مايحب يتعامل مع مدرسات ابد
بس افتكرت ان اكيد الكتاب مفصل المعلومات بس يحتاج قرايه اكثر من مره وتركيز وإن شاء الله افهم المطلوب
خاصه اني مجربه هالشي في كتاب اللينقويستك والفونتكس والمورفولجي

يعني صدقني تقدر تفهم بنفسك بدون ماتحتاج مدرس إن شاء الله

اهم شي راجع قبل ماتبدا في كل واحد فيهم الفصل التابع للماده في كتاب اللغويات لان كل هالمواد تعاملك على انك فاهم الاساسيات

وحسب مااذكر انك مااخذت اللغويات صح ؟

يمكن لهذا السبب انت تشوف انه صعب تفهمهم لحالك

فذاكر الاساسيات اول شي من كتاب اللغويات وبعدها ابدا في الفروع وامورك بعدها إن شاء الله سهالات

واللغويات عندك في قسم الملخصات روابط كثير تفيدك في شرحها اطلع عليه



ملاحظة : انا من المعارضين لدراسه الصوتيات وعلم الاصوات في نفس الترم لانه بجد يلخبطون والمفروض تدرس اول شي الصوتيات وبعدها تقدر تفهم علم الاصوات
لكن انتوا مو حابين الدكتور محمد فوزي يطير منكم لذلك مصرين تدرسون علم الاصوات
فانصحك بعد ماتفهم اساسيات الصوتيات من كتاب اللغويات تذاكر كتاب الصوتيات وبعدها علم الاصوات وربي يعينك ويسهلهم عليك
موفق وربي يسهل امرك

[منتسـب]

ذاكر لنفسك واختبر لنفسك بس لاتغش من نفسك ^_^

كلنا اول مانشتري الكتب تنسد نفوسنا بس شوي شوي مع مساعدة الاخوان والاخوات بالمنتدى تتذلل الصعاب باذن الواحد الاحد

واذا شفت صعوبه مرة احضر الدورة التأهليه مع الدكتور وبيركز على اشياء معينه وبتعدي ان شاء الله

[نايف 26]

أخي حمد هل علم الأصوات طبعة98 أو 2010 وأعاننا الله على إجتياز المواد ؟
ومن أي مكتبة اشتريتها؟
أنا أتصل على خوارزم ولا يردون منذ اكثر من اسبوع.

[HaMaD2oO8]

اشكركم اخواني جميعا لكن بلاسف انا من سكان منطقة الجوف لايوجد بها سوا مدرسي الثانويات لايفهمون من الانجليزي الا اسمه
وانا الصراحة من محبي مواد الادب لكن اللغويات اتهرب منها لانها تحتاج لحفظ وشرح
اللغويات ما اخذتها اختي والسبب طارق سيدة

[e.academic]

تسمع نصيحة اخوك ... انا مريت في هذه الحاله .. ليش تاخذ كل المواد لغويه ..لو شكلت كادب مع لغويه كان افضل .. المهم لازم تسوي لك جدول محترم .. كل ماده تاخذ تحضيرها 3 ساعات .. ويكون معك قاموس الكتروني او اكسفورد ومذكره واقلام وتبداء تسوي لك ملخص من الشي اللي انت فهمته في كل شابتر .. الشي الثاني اياك والمدرسين الخصوصيين لانهم ماهم دكاتره هم زيك خريجين بكالوريوس ..واسئلن انا مجرب مع مصري اخذته اسبوع وفحط معي في الماده وبعدين قالي انا مااقدر بسراحه اكمل معك المنهج طويل يعني بالعربي بيدرس على مستواه ثانوي ومتوسط .. الشي الثالث اختر الاوقات المناسبه للتحظير مثل بعد النوم او في اخر الليل . في جو هادي لان اللغة هي استماع وتحدث ونطق وفهم وحفظ وممارسة وترجمة وكتابه .. يعني كل الحواس لازم تكون شغاله صح .. الشي الرابع الاكل الصحي .. مثلا تاكل فواكه وخظروات .. وتشرب كميه كبيره من السوائل لانها تساعد على التركيز .. واياك والتدخين لانه يقلل من عملية التركيز .. واخير وهو اهم شي دعاء البدء في الذاكره ( اللهم اني اسألك فهم النبيين وحفظ المرسلين والملائكة المقربين اللهم اجعل السنتنا عامره بذكرك وقلوبنا بخشيتك واسرارنا بطاعتك انك على كل شي قدير وحسبنا الله ونعم الوكيل )وتذكر قول الرسو صلى الله عليه وسلم ( من سلك طريقا يلتمس فيه علما سهل الله له به طريقا الى الجنه ) والمثل اللي يقول (اطلب العلم ولو في الصين ) وتذكر قول الشاعر .. ياحامل الهم ان الهم منزاح ابشر بخير فان الفارج الله
ويقول الشاعر ... لاتحسبن المجد تمرا انت اكله لن تبلغ المجد حتى تلعق الصبر ..
هذه نصيحة مجرب على وشك التخرج .. ياليت احد نصحني كذا ... وبالتوفيق للجميع,,

[HaMaD2oO8]

المشاركة الأصلية كتبت بواسطة نايف 26 أخي حمد هل علم الأصوات طبعة98 أو 2010 وأعاننا الله على إجتياز المواد ؟ ومن أي مكتبة اشتريتها؟ أنا أتصل على خوارزم ولا يردون منذ اكثر من اسبوع.

هلا اخوي نايف والله الكتب رميتها بالسيارة منشان ماتضيق خاطري هههه والكتب اخذتها من ابو عبدالله

خوارزم معاملتهم سيئة جداا

[HaMaD2oO8]

اخوي اكاديميك وانا بعد خريج مثلك ههههههه
ونصيحتك من ذهب ياذهب ومبروك التخرج مقدما

[ال الشيخ]

المشاركة الأصلية كتبت بواسطة e.academic تسمع نصيحة اخوك ... انا مريت في هذه الحاله .. ليش تاخذ كل المواد لغويه ..لو شكلت كادب مع لغويه كان افضل .. المهم لازم تسوي لك جدول محترم .. كل ماده تاخذ تحضيرها 3 ساعات .. ويكون معك قاموس الكتروني او اكسفورد ومذكره واقلام وتبداء تسوي لك ملخص من الشي اللي انت فهمته في كل شابتر .. الشي الثاني اياك والمدرسين الخصوصيين لانهم ماهم دكاتره هم زيك خريجين بكالوريوس ..واسئلن انا مجرب مع مصري اخذته اسبوع وفحط معي في الماده وبعدين قالي انا مااقدر بسراحه اكمل معك المنهج طويل يعني بالعربي بيدرس على مستواه ثانوي ومتوسط .. الشي الثالث اختر الاوقات المناسبه للتحظير مثل بعد النوم او في اخر الليل . في جو هادي لان اللغة هي استماع وتحدث ونطق وفهم وحفظ وممارسة وترجمة وكتابه .. يعني كل الحواس لازم تكون شغاله صح .. الشي الرابع الاكل الصحي .. مثلا تاكل فواكه وخظروات .. وتشرب كميه كبيره من السوائل لانها تساعد على التركيز .. واياك والتدخين لانه يقلل من عملية التركيز .. واخير وهو اهم شي دعاء البدء في الذاكره ( اللهم اني اسألك فهم النبيين وحفظ المرسلين والملائكة المقربين اللهم اجعل السنتنا عامره بذكرك وقلوبنا بخشيتك واسرارنا بطاعتك انك على كل شي قدير وحسبنا الله ونعم الوكيل )وتذكر قول الرسو صلى الله عليه وسلم ( من سلك طريقا يلتمس فيه علما سهل الله له به طريقا الى الجنه ) والمثل اللي يقول (اطلب العلم ولو في الصين ) وتذكر قول الشاعر .. ياحامل الهم ان الهم منزاح ابشر بخير فان الفارج الله ويقول الشاعر ... لاتحسبن المجد تمرا انت اكله لن تبلغ المجد حتى تلعق الصبر .. هذه نصيحة مجرب على وشك التخرج .. ياليت احد نصحني كذا ... وبالتوفيق للجميع,,

كلامك عين العقل