بنات انتساب مستوى خامس وسادس افيدوني لو سمحتوا ..,,

[بانسيه]

ممكن تفيدوني بنات المستوى الخامس والسادس :

- مين افضل استاذه لمادة الريدنق 1 ( ريم فطاني _ ريم سائحي _ ناريمان محمد ) ؟؟؟
- وايش هيا طريقة الاسئله لو تتذكروا غير انو تجيب قطعه من برى المنهج وعليها اسئله ,, ؟؟؟

- ومادة الرايتنق 2 اخذتها مع مايا اليافي ,, ايش هيا مواضيع البرجراف اللي يجي بالاختبار ؟؟

- ومادة اللسننج والسبيكنج 2 على قد حبي لهذه الماده بس تجي اسئله ماتتوقعيها ,,اخذتها مع مس ريم سائحي ؟؟؟

كيف طريقة اسئلتها ايش اكثر شيء تركز عليه ؟؟؟


سامحوني على كثر الاسئله ,, والله يوفق اللي يرد ويفرج عنها كرب الدنيا ,,

[بانسيه]

[nanasmile]

الليسننق والسبيكنغ 2مرااا كويس مع مس ريم سائحي طريقتها يالاسئله حلووه .. بس لازم تكوني مزاكره كل شئ يعني ما تسيبي شئ .
. الله يوفقك .. هادا اللي اخدتوا بس من جدولك

[بانسيه]

الله يسعدك يارب يعني لازم نحفظ الكتاب حفظ ؟؟ اممممم اوكي ماتتذكري لو جزء من الاسئله !!!!

[nanasmile]

مو لازم تحفظي حفظ يعني .. تكوني ملمه فيه اجمالآآ .. افتكر اكتر شئ جابتو الديفنيشن "المعنى"
تكتر منو .. وكمان الريدكشن .. اسفه قلبووو بس وربي نسيت وهادا اللي ازكروا

[سلاف]

- مين افضل استاذه لمادة الريدنق 1 ( ريم فطاني _ ريم سائحي _ ناريمان محمد ) ؟؟؟
- وايش هيا طريقة الاسئله لو تتذكروا غير انو تجيب قطعه من برى المنهج وعليها اسئله ,, ؟؟؟

في المره الاوله كنت مع ريم بس ماعديته الاختبار كان مره صعب وكان الـf بالعشرات
مره ثانيه انا اخذته مع شادن مره تراعي بس الظاهر ذا السمستر ماتدي
طريقة الاسئله تديك بوكس فيه كلمات من الكتاب وانتي تكملي فراغات الجمل
ركزي على الصفات والاسماء والافعال لها تمارين في الكتاب احفضيها مثل اسمك من الشبتر السادس تلاقيها
كمان اوصلي تديك كلمات وتعاريف عليها بصراحه من الكتاب
والكلمات الشاذه تحيبها لها تمارين برضوه في الكتاب
هذا اللي اذكر طبعا كلامي هذا على اختباري مع شادن ام الاول اصلا ماذاكرت تمام ومدري وش كان فيه بس تقريبا نفس طريقة الاسئله
وعلى فكره ذاكري القطع والكلمات من موقع الكتاب الكل يقول تجي منها بس خليها بعد ماتشطبي الكتاب-
ومادة الرايتنق 2 اخذتها مع مايا اليافي ,, ايش هيا مواضيع البرجراف اللي يجي بالاختبار ؟؟
خليك مع مايا مره عسل وتراعي
والمواضيع جابتها من اهر تمرين من كل شبتر
هي تجيب موضوعين من الكتاب وموضوع من برا وانتي تختاري

- ومادة اللسننج والسبيكنج 2 على قد حبي لهذه الماده بس تجي اسئله ماتتوقعيها ,,اخذتها مع مس ريم سائحي ؟؟؟
كيف طريقة اسئلتها ايش اكثر شيء تركز عليه ؟؟؟

مدري عن ريم سائحي انا خذتها مع ريم فطاني



ربي ييسرلك امورك
وادعيلي همي ينفرج قريب

[بانسيه]

نانا الله يوفقك ويكتبلك الخير مرررة شكرا على تعبك معايا .,,

سلاف اسال الله العلي العليم رب العرش العظيم ان ييسر لك امرك ويفرج همك ويسخر لكي خلقه ,,

بس انتي قلتي ريم للريدنق اي وحده فيهم سائحي ولا فطاني ؟؟؟

[.. بيســـان ..]

ومادة اللسننج والسبيكنج 2 على قد حبي لهذه الماده بس تجي اسئله ماتتوقعيها ,,اخذتها مع مس ريم سائحي ؟؟؟ كيف طريقة اسئلتها ايش اكثر شيء تركز عليه ؟؟؟

أخدت آلمادة 2 مع مس سهام فطاني و جاتنا أسئلة ما تتوقعيها أبدا ..

و أخدت المادة 1 قبل كده مع ريم فطاني و كانت أسئلتها سههههههههلة الحمد لله ..

[بانسيه]

الله يسعدك يابيسان ويوفقك ,, شكرا ليكي

انا اخذت اللسننج والسبيكنج 1 قبل مع مس سهام فطاني وفعلا تجي اسئله غريبه مااتوقعتها !!

عشان كدا اضفت هذا الترم ا للسننج 2 مع مس ريم سائحي

[.. بيســـان ..]

الله يوفقك بآنسيه ،،