اسئله عن تخصص الشبكات

[مهندس شبكات المستقبل]

سلام عليكم ورحمة الله وبركاته

ازيكم يا شباب

تبعا دي اول مشاركه ليا في المنتدى

انا دحين في سنه ثالثه ثانوي
ودماغي مشغوووله بأموور الجامعه
والسنه التحضيريه والقدرات والتحصيلي والتراكمي
وربي جاني صداع مزمن من كتر التفكير
واكيييد معظمكم مر بدي المرحله

في البدايه
انا حبيت شغله الشبكات ووالمعلومات وادراة الإتصال والأشياء حقتها دي

في البدايه حاااب اقلكم نسبتي في الثانويه
نسبتي 93%
القدرات 78
التحصيلي : لسع ما اختبرناه

ابى اعرف نظام الجامعه في قسم تقنيه المعلومات
لأنو على حسب ما انا قريته لقيت هيا اللي فيها شبكات اكتر
ابى اعرف كم من معدل تبى في السنه التحضيريه
وكييف دراستها هل هيا صعبه ولا سهله
وهل تعتمد على الإنقليزي كتير
وكم عدد سنين الدراسه فيها ؟؟؟

وبسأل كمان

انا لو دخلت معهد الإداره
قسم ((تقنية شبكات الحاسب وانظمة التشغيل )) <<<شهاده جامعية متوسطه
وترى دراستها سنتين ونصف السنه
واخذت دورات مننيوهورايزن :

1. مبادئ شبكات الحاسب
2. مبادئ إدارة المجال Server Operation
3. CCNA(Cisco Certifited Networks)
4. Tactical Perimeter(SCNS - SCP)
5. Strategic Infrastructure security (SCNP - SCP)

هاذي الدورات كلها اخذتها
وصارت معايا الشهادات التاليه
CertificateN+ ( ComPTIA Certificate )MCP (Microsoft Certified Professional)CCNA CiscoSCNS, CertificateSCNP, Certificate


وجيت اكمل في الجامعه عشان آخذ شهادة البكلوريوس
واصير مهندس

في اي سنه رااااح اكمل في الجامعه يعني من اي سنه يخلوني ابدأ
وكيف حيحسبو المعدل حقي في السنوات اللي شالوها


اتمنى انكم فهمتو مقصدي واي شي ما فهمتوه تقولولي عليه
وانا ارجع اقوله تاني

واتمنى الكل يفدني

وما تبخلوا على اخوكم بأي معلومه

[it boy]

لا حبيبي

راح تبدء من جديد

[رفيــع الشانــ]

راح تبدا من جديد ولكن نصيحه اذا تبي علم لا تدخل الجامعه لان كلها دش مافي عمل على الواقع <<تضيع عمرك
واذا تبي تفهم وتشتغل خذ دورات افضل لك

دام معك دورات ما شاء الله حلوه دور وظيفه بالشركات راح تحصل بسهوله

[مهندس شبكات المستقبل]

يا الله من جديد وانا معايا دبلووووم
ليييييييييش كدا
؟؟؟؟


تيب ما جوبتوني على الأسئله التحضيريه ؟؟؟


وكمان شهاده بكلوريوس موو زي شهادة الدبلوووم ومعاها كم دوره
صح كلامي ولا لأ؟؟؟


اتمنى انكم تساعدووني وربي محتاار

ومعلييش اذا طفشتكم او ضيعت من وقتكم

[m99]

شهادة بكلوريوس مع دورات ... هذا الخيار الأفضل

[رفيــع الشانــ]

المشاركة الأصلية كتبت بواسطة m99 شهادة بكلوريوس مع دورات ... هذا الخيار الأفضل

اوك ما قلنا شي هي الخيار الافضل لكن حرام خمس سنوات يتعطل افضله يستثمرها دورات دام انه قادر عليها ماشاء الله

[مهندس شبكات المستقبل]

خخخخخخخخخخخ
وربي اتشتت

دنيا غريبه

ناس يقولو دبلوم ودورات وناس يقولو بكلوريوس ودورات

وانا من جد مستخسر 5 سنين

وكمان بسأل

صح الكلام ان الجامعه كلها دش في دش
؟؟؟

[gekko]

بسم الله الرحمن الرحيم

ماشاء الله باين عليك انك مجتهد ومُحب للشبكات.. الله يحفظك ويكرمك

من واقع خبرتي الطويلة في كلية الحاسب ((ستة سنوت وهذا الترم الأخير ان شاء الله)) باحاول اعطيك الي عندي وانصحك بالي اشوفه افضلك..

اول شىء الدورات الي عندك مره ممتازة خصوصاً ال CCNA
ولو تستمر على هذه الطريق وتاخذ شهادات اكثر واكثر صدقني راح تحب الشبكات اكثر والأهم انك راح تحصل وظيفة محترمة إن شاء الله..

وانا انصحك انك تكمل دوراتك بهذا الترتيب..
اول شىء تكمل دورات Microsoft,, انت قلت انه عندك MCP فيصير تروح على الي بعدها
MCSA
MCSE
ودورة MCSE من افضل دورات الشبكات في المجال العملي ومطلوبة في اغلب الشركات السعودية بحكم انها السيرفرات كلها على نظام Microsoft


وبعد ماتخلص من هذه الدورات روح على الي بعدها Cisco
انت عندك CCNA فيصير تروح على الي بعدها
CCNP
CCIE افضل واقوى دورة شبكات في العالم



هذا من ناحية الدورات ومن ناحية الجامعة انصحك انك تكمل بكالوريس بشده, اعتقد انك اذا ما دخلت الجامعة دحين راح تضطر بعدين تدخل.. يعني مالك غنى عن البكالوريس
بالإضافة انه راح تكون الفرصة متاحة لك بعدين انك تكمل ماستر إذا نويت..
والجامعة مو شرط تكون 5 سنوات.. إذا انك شديت على نفسك ممكن تخلصها في حدود 4 سنوات..


فتوكل على الله وابدأ في البكالوريس في اقرب وقت..
واحتمال انك تواجه مشكلة بسيطة في كليتنا الموقرة.. مافي قسم شبكات للأسف
فيصير عندك حلين يا انك تروح الرياض جامعة الملك سعود اعتقد فيها قسم شبكات والله أعلم
يا انك تدخل كليتنا وتتخصص تقنية معلومات وترضى بالموجود زي ما كلنا رضينا


واحسن نصية لك انك تدرس جامعة في الصباح وتخلي المساء دورات والله يوفقك دنيا وآخرة..


وأي سؤال ثاني نحن حاضرين
-------------------------------------------


سؤال خارج الموضوع.. إن شاء الله باختبر CCNA قريب,, أي نصائح بحكم خبرتك