الانتساب واكمال الدراسات العليا

[حمضيات]

السلام عليكم..
عندي استفسار واتمنى الاقي اجابه مش مجرد توقعات فقط..
هل خريجي نظام الانتساب يستطيعون اكمال الماجستير بالخااارج؟؟ قرأت في موقع التوجيه الجامعي أن من شروط اكمال الدراسات العليا بالخارج ان لاتكون دراسته للبكالوريوس عن بعد أو نظام جزئي أي الانتساب أو بالمراسله ..الخ
أي لابد أن تكون دراسسته بنظام كلي (انتظام)..
وياريت محد يجيب طاري الواسطه بالبعثات وأنو أشخاص طلعوا بعثه مثلا بالواسطه..لاني أتعامل بالنظام فقط وهل هذي الشروط والانظمه صحيحه؟؟
اأرجو الرد لمن يملك المعلومه والخبر الاكيد بهذا الشأن..
لكم ودي واحترامي..

[لولو الاموره]

للرفع

[رهـــووومه]

ان شالله تلقى اجااابه اخوووي والله يعين الجميع

[دعدعيه]

يعني الصراحه مادري وش اقولك , كأني لمست من كلامك بأنك ماتبغى أحد يقولك أنه غير مسموح , وقو أهيد , كل الأمور بسيطه. والحقيقة أنه عكس ذلك تماماً ... عشان أكون صادق معك , بحثت كثير بهالموضوع وكل يوم أبحث عن إجابة تختلف عن (أنه غير مسموح به) ومازلت مافقدت الأمل , وأحس المسألة فيها أخذ وعطا ومد وجزر لو كان الواحد بيطالب ومتحمس للحكاية , قبل شهر ..!! كان محطوط بالبنط العريض بموقع التعليم العالي بأنه غير مسموح لطلاب الانتساب أو التعليم عن بعد أو التعليم المفتوح أو المراسلة ... إلخ باستكمال الدراسة للدراسات العليا خارج المملكة بنظام الابتعاث. من بدأ المعرض الدولي للجامعات , الحقيقة إني بحثت عن هالشرط جاهداً , ولا حصلته .! فقلت لنفسي , جايز يكون مخبينه منا ولا منا .
صراحه استبشرت بحكاية إنه شالوه وماكان مثل أول.
.
حكاية إنك تكون شخص أكاديمي وحاصل على شهادة بكالوريوس , اعتقد بأنها في حد ذاتها حاجه مفرحه ولو أبى الكثير بحكم أنها عن طريق الانتساب , ولكن أقلها واصلنا تعليمنا ولا وقفنا عند حد معين والانسان بطبيعة الحال يموت ماخلص تعليم , فأنا الحقيقه مبسوط لكوني أدرس بكالوريوس انتساب , ولو إنه ما أدري عن حكاية استكمال الدراسة لمرحلة الدراسات العليا وش بيصير عليها , لسبب واحد اللي هو "أنا لا أعلم الغيب" ولا أدري وش بيصير بكرا , فلكن عشان الانسان يصعد السلم ؟ يجب عليه أن يركز كل التركيز على العتبة التي هو فيها حالياً , وغداً لناظره قريب. وعلى قولتهم , يخلق ما لا تعلمون.
.
حكاية نظامنا والواسطه, شيء مؤسف الحقيقه , فـ الواسطه تقتل الكفاءات عن نفسي لو كنت وزير للتعليم العالي , سأبتعث أي شخص "لديه الرغبه الأكيده" لمواصلة تعليمه سواء كان مكملها بنظام تفرغ ,؟ ولا ان شاء الله ليلي.
وعلى طاري ليلي , نظامنا ترا يبغالك تغني له , وياليل وياعين , ومطولك ياليل . لأن مثل المطاط , للي معه واسطه يكون قابل للتمدد , وللي ماشي بالنظام , يكون متقلص. فـ بحكاية إنه مامعنا واسطات وش نسوي يعني نموت؟ لا , عن نفسي راح أطالب بأعلى صوتي وأدخل على كل من لديه صلاحية فهم بالنهاية موظفين بالدوله والملك اللي موظفهم وهذي وظيفتهم .. خدمتنا .
.
حكاية إنه هل فيه ابتعاث للمنتسبين؟ في النظام حالياً ما شفنا شي يسمح. لكن الله سبحانه له حكمه في كل شيء , فـ لو تسكر باب؟ وحاولت فيه أكثر من مره ولا انفتح؟ , قف لوهله , وانظر حولك ... كلي ثقه بأنك ستجد باب آخر انفتح بنفس الوقت الذي أغلق ذاك الباب بوجهك.
عن نفسي , أنا متفائل , ولو ما صرفوا لي ابتعاث , راح أبدأ أجمع فلوس من الحين عشان أدرس على حسابي الخاص.
.
طولت في الكلام وأنا أصلن مو بعاده أشارك بمنتديات , وأدري إنك تبي جواب مختصر ... لكن الحقيقه سؤالك لامس الجرح ... ولكن "يفرجها الله بفرج من عنده"

شكراً لك
والله يوفق كل شخص لديه طموح بمواصلة دراسته وخدمة البلد هذا اللي له حق علينا.
كن بخير ياصديقي

[فتفيت السكر]

ألي اعرفه أنو جارة أختي درست إنتساب في ذا الجامعة تسويق والعام إبتعثت لإستراليا دراسات عليا
بس هي صغيرة في سنها ( يعني ما وصلت لثلاثين ) لأنو أعتقد في شرط لإكمال الدراسة بأن عمرك ما يتجاوز 30 سنه أعتقد ماني متأكده

[دعدعيه]

مايتجاوز 27 سنه وانتي الصادقه لمرحلة الماجستير , و30 سنه لمرحلة الدكتوراه .
لكن ارجع واقول , ديرتنا ديرة عجايب , ولافيه مستحيل خخخخخ

[شرقاوي منتسب]

نعم مسموح

وفيه كذا شخص هنا بالمنتدى بالنظام الماجستير ابتعاث
من ظمنهم المشرف يلدرم الله يحفظه ويوفقه


واذا مر على موضوعك راح يفيدك اكثر

ولرزق اولا واخيرا بيد الله فلا تكلي ولاتملي


دمتي بود

[أبو نجلاء]

انا سمعت اهم شي عمرك ما يتعدى 35 سنه ..
واحد كبير هههههههههههههه

[دعدعيه]

اليوم انا رحت لجناح برنامج خادم الحرمين الشريفين بالمعرض الدولي للتعليم العالي , وأفادني الموظف بأنه تقدر ومسموح في حالة إنك راح تدرس على حسابك الخاص , وتطلب ضمك للبعثه. ويختم كلامه يقول: والله لو عمرك 40 يقبلونك بس أهم شي تكون بجامعة معترف فيها وبتخصص مقبول.
هذا والله أعلم

[العلم والعالم]

أحب أطمنكم


عاااااااااااااادي برنامج خادم الحرمين يسمح بالقبول للإنتساب


أهم شي تنطبق عليك الشررروط وهي المعدل جيد جدا وأكثر وعمرك لا يزيد عن 27 سنة للماجستير و30 سنة للدكتوراه


وللتأكد من صحة كلامي


فأنا طالب متخرج إنتساب العام الماضي


والآن مقبول في برنامج خادم الحرمين للإبتعاث الخارجي لمرحلة الماجستير في أمريكا