تخصص انجليزي

[989898]

السلام عليكم بنات ودي اتخصص انجليزي بس مادري دراسته صعبه مره او نص نص وايش اصعب مستوى وكيف اقدر اتجاوزه بدون رسوب كثير وكيف اقدر افهمه وانا منتسبه وكم يبغاله معدل عشان اقدر اتخصصه ومواد السنه التحضيريه فيها صعوبه اعطوني نبذه عن هذا التخصص بقدر اواصل فيه او انسحب سواء عندي خلفية اولا يعني نقدر نجتهد فيه او ادور غيرة ابرك لي

[شخصية مستهدفة]

وعليكم السلام ... هلابك أختي...
التخصص يبغاله مذاكرة أول بأول...لو الدراسة مرررررة صعبة ما كان فيه بنات اتخرجوا <<< هذولا اللي عندهم عزيمة و إصرار..
ولو سهل ما كان فيه بنات من المستويات الخامس و السادس انسحبوا <<<< هذولا اللي على بالهم انهم ما يقدرون عليه!!
أصعب مستوى ؟؟ مو أصعب لكن يبغاااااااااااااااااااااااااااااله مذاكرة أكثر الأربع مستويات الأخيرة..
نصيحتي اذا انتي حابة التخصص فالله يوفقك فيه...بس تشدين حيلك ولو لغتك الانجليزية مو قد كذا انك تقوينها في معهد أو تتوظفين أو حتى تتدربين في مكان كل اللي فيه يتكلم انجليزي...لأني أنا اللي أفادني أكثر شي اني كنت معلمة لغة انجليزية لمدة 3 سنين... صدقيني اللغة مو صعبة بس يبغالها ثقة بالنفس أكثر...
بالنسبة للمعدل أعتقد سمعت لازم يكون معدلك 4,50 أو تجيبين في مواد اللغة الانجليزية فوق 95 بالنسبة للسنه التحضيرية...
مواد السنة التحضيرية مررررررررررررررررررررررررررة سهلة...عن القواعد السهلة جداً..
طبعاً عزيزتي تقدري تجتهدي فيه ...وكل تخصص يبغاله مذاكرة صحيحة...
يبقالك شي واحد....((( الاستخارة )))....

بالتوفيق و أتمنى أكون أفدتك..

[989898]

مشكورة حبيبتي ردك برد قلبي انا كمان مارست التدريس 3 سنوات تعاقد هذي السنة الثالثة الله يوفقنا وياك امين

[بوليمر®]

ان شاء الله المواضيع هذي تفيدك

http://www.skaau.com/vb/showthread.php?t=50782

http://www.skaau.com/vb/showthread.php?t=74471

http://www.skaau.com/vb/showthread.php?t=21686

[989898]

جزاك الله خير الجزاء بوليمر