لأهل الخبرة .. اللي ماهو راعي خبره لا يدخل

[عبدالعزيز هباش]

السلام عليكم

أول شي يامرحباً بالجميع أهل الخبره واللي ماعنده خبره ..~~>

الامر الاول لي اسبوعين مقدم معاملة اظافه ولا ردوا علي وش الحل ؟؟ وعندي مادة dn وابي احولها at

الامر الثاني ابي لي ماده حره وحلوه ( مقدمة في العلوم الطبيعيه أو الفكر الفلسفي أو الشباب وقيم المواطنة ) ؟؟

الامر الثالث باقي لي 33 ساعه من غير الترم هذا هل يمديني اخلصها ان شاء الله بالترم الجاي والصيفي ؟؟ وهل فيه فائده من استعجالي عليها من ناحية الترم التربوي والتعيين وما الى ذلك ؟؟

[المسعودي الهذلي]

انا ماني راعي خبره لكن اعتبرني ملقوف


بالنسبه للعلوم الطبيعيه والفكر الفلسفي وقيم المواطنه ليست موااد حره

اخذ بالك من هالامر المواد اللي فوق كلها مواد بديله لمواد كانت اجباريه فالخطه

بالنسبه لتخرج يمديك فالصيفي ان شاء الله
موفق خير يابو هباش

[sherlock]

كل المواد الثلاث مواد عامة وإجبارية للطلاب
إختر مادة منها وإبدأ مذاكرتها من الآن على مهلك تراها حلوه وخفيفة تحتاج لقراءة وتركيز
بالنسبة للتخرج يمديك بكل أريحية 3 أترام يعني الصيف الجاي اذا شاء الله
وتستطيع التسجيل في الدبلوم التربوي ابتداء من العام القادم بعد الصيف مباشرةً
ألزم ماعليك الآن وبما أنها ثلاث أترام هي أن ترفع معدلك بأقصى درجة وكلها سنة وتفتك وناخوك

[عبدالله بن عبدالرحمن]

المشاركة الأصلية كتبت بواسطة عبدالعزيز هباش السلام عليكم أول شي يامرحباً بالجميع أهل الخبره واللي ماعنده خبره ..~~> الامر الاول لي اسبوعين مقدم معاملة اظافه ولا ردوا علي وش الحل ؟؟ وعندي مادة dn وابي احولها at الامر الثاني ابي لي ماده حره وحلوه ( مقدمة في العلوم الطبيعيه أو الفكر الفلسفي أو الشباب وقيم المواطنة ) ؟؟ الامر الثالث باقي لي 33 ساعه من غير الترم هذا هل يمديني اخلصها ان شاء الله بالترم الجاي والصيفي ؟؟ وهل فيه فائده من استعجالي عليها من ناحية الترم التربوي والتعيين وما الى ذلك ؟؟

اذا ماضافوها تقدر ترسل اى شخص يضيفها ..
الامر الثاني مثل ماتفضلو الاخوان هذى مواد داخله من ضمن المواد الالزاميه عليك ولن تتخرج مالم تدرسها ..
اذا تبي ماده حرة وزينه خذلك فن الاقناع ممتاز وسهل ومقدور على الفل مارك فيه

لو نقول بتاخذ الترم القادم 18 ساعه سيبقي 15 ساعه ... طيب 15 ساعه وعلى حسب صعوبتها ودسامه منهجها وبالترم الصيفي يعني مافيه وقت يعني اشوف الوضع يبي له اعاده نظر ... الا انك تشد حيلك مضبوط

بالنسبه للاستعجال فهذا رزقك قد كتبه الله لك قبل خمسين الف سنه فلا تستعجل عليه ولا تقنط منه ..

اخير اقولك اسال الله لنا ولك التوفيق واتمني تكون اكثر لطافه ولباقه فى كتابه عنوان مواضيعك لانها لا تليق بأعضاء قسم اللغات الاوربيه الموقرين فالجميع هنا خبراء ولكن يبدو اسلوبك جعل البعض لا يرد عليك ..

اسال الله لنا ولك التوفيق فى الدنيا والاخرة

[ترانيم الصمت]

مساء الخير ...

ماني من اهل الخبره توني مستوى ثالث ^^ لاكن في خطتي هالترم المادتين فكر فلسفي وشباب وقيم مواطنه
شباب وقيم مواطنه اسهل من الفكر الفلسفي كله مصطلحات ويباله تركيز اكثر من المواطنه
والله يوفقك حبيت افيدك بالي اقدر عليه ^_^