[] التحليل الكمي ، الهمي ، العله !! []

[معاند جروحي]

هتان ماقصرت عالشرح ترى متابعين لك بموضوع بسومه

ولاتنسانا ياغالي من الدورات التأهليه ولك خالص الدعاء

,,

[سم افعى]

المشاركة الأصلية كتبت بواسطة al_hattan سم افعى ... بسومه .. اقسم بالله .. قاعد ليا اكثر من ساعه قاعد افكر في طريقه كيف اشرح لكم الطريقه وطريقه الرسم مني عارف بصراحه .. بس هيا خطواتها مره بسيطه .. اذا كنتو تعرفوو الخطوات كلها ماعدا الرسم بسيطه ان شاء الله .. اولا ايجاد النقاط الاساسيه من القيود الموجوده في السؤال .. * نفترض قيمه ( صفر ) في المجهول س وايجاد قيمه ص ،، ومن ثم نفترض قيمه ( صفر ) في المجهول ص وايجاد س .. ونلاحظ توجد ( قيود ) معادله من مجهول واحد ،، فرضا يكون عندك فقط س .. اوكي مهي مشكله يعني بتكون قيمه س على المحور السيني ويكون موازي للخط الصادي .. يعني بتحطي النقطه على المحور س يعني فرضا تكون 4 ويطلع خط على فوووق الى اعلى شئ وهذا يكون موازي للخط الصادي صح ولا لا .. ونفس الشئ اذا كان المججهول واحد واللي هو ص .. ويكون موازي للسيني .. يعني الخط من النقطه اللي تمر على نقطه ص ويكون الخط على اليمين موازي للخط السيني .. ان شاء الله تكون النقاط واضحه بالنسبه لكم .. بعدين تجي للنقاط اللتي اوجدناها واللي هيا س وص .. فرضا عندنا القيم هذي .. س 0 8 ص 8 0 دحين النقاط اللي عندي على هذا الشكل ... ( 0 ، 8 ) و ( 8 ، 0 ) اعتقد كذا صارت المسئله اسهل من اول .. نروح للرسمه .. نحط نقطه في المحور س = 0 وو ص = 8 ،،، وبعدين س = 8 وو ص 0 وبعدين نسوي خط بينهم .. نروح للقيد الثاني .. فرضا يكون س = 0 12 ص = 12 0 مثل ماعملنا اول .. ( 0 ، 12 ) وو ( 12 ، 0 ) نروح للمحور السيني عند نقطه 0 وبعدين للنقطه 12 في المحور الصادي ،، وم ثم النقطه 12 في المحور السيني وو صفر عند المحور الصادي .. وبعدين نوصل النقطتين هذي ببعض .. اعتقد انها وصلت الفكره .. وتسوي البقيه القيود مثل كذا .. وبعدين تجيبي اربعه نقاط التقاطع بين الخطوط .. وهيا هذي النقاط المطلوبه . تجيبي الاحداثيات حقتها واصلن بتكون مكتوبه في الاختبار بس انتي تتأكدي منها بالرسم .. واذا منتي فاهمه قوليلي اشرحها لكي بطريقه ثانيه .. بالتوفيق يااارب

الله يعطييك العاااااافيه انا حمشي على خطواتك واشوف ايش يطلع معايا واقولك ازا فهمت اولا الله يوفقك يارب

[سم افعى]

اخويا هتان الله يسعدك ياااااااااااااارب ويوفقك ويسهلك امرك زي ماسهلتها عليا موفق يارب ان شاءلله تجيب الدرجات الكامله

[marwan0]

لدي محاضرات مسجلة صوت وصورة للتحليل الكمي econ204
للدكتور.علي حسين قدح الترم الماضي
من يرغب بالمحاضرات يقولي لا ني لم ارفعها على موقع الملفات

[AL_HATTAN]

على قدح .. << دكتور ميه ميه بس كلامه كثير مررررررررررره .. والله يعين اللي يحضر عنده ..

كان الترم المااضي في القاعه اللي جنبنا نشوف الطلاب يكتبوو مره كثير .. ودحين سوا كتاب لحاله للمعلوميه ..

[أم احلى الحلوين]

اخي الهتان اشكرك الف شكر شرحك مبسط ومختصر ومتابعين معاك
عندي سؤال بسيط وش الفصل اللي نحتاج نستخدم فيه اللأله الحاسبة وكيف هي طريقة الاستخدام لأستخراج النتائج .. انا سمعت ان الاله الجديده فيها زر يطلع النتائج مباشرة بدون الحاجة الى اكمال حل المسألة في احد الفصول للاسف ناسيتها ..

marwan0
ياليت تنزل المحاضرات ضروري .. واذا فيه لمواد ثانية ياليت ماتبخل علينا فيها ..

[AL_HATTAN]

عندي ورقه اعطونا هيا في الدوره الماضيه .. كيفيه استخدام المصفوفات والمحددات وطريقه ايجان المقلوب حقها عن طريق الاله .. بس انا من رأي الشخصي انها معقده شئ ماا لو تحليها بيدك اسرع واسهل واضمن لكي الحل .. لان الاله لو اتلخبطي في رقم رااح الناتج كلوو في خبر كاان .. ولا تعرفي فين مكان الخطا ..

.. بس المشكله للأسف والله انها في البيت وانا حاليا في جده .. وان شاء الله بعد الدوره لمن ارجع اسوي لها ( إسكان ) وانزلها لكم ان شاء الله ..

اعتذر للمره الثانيه ..

بالتوفيق يااارب

[$بسومه$]

هتان /

باقي ماطبقت خطواتك ياخووي .. والله يعطيك ألف عاافية ويوفقك ..

وماشاء الله تبارك الله ..

وعندي باقي أسئلة << يافرحته فيك هههه

بس خلصت مذاكرته التحليل وبديت في المالية عشان كذا بتأخر عليك شووي ..

أكرر شكري والله يووووفقك وين ماتروح

ودي

[$بسومه$]

مروان /

ياليت ياخووي تنزلها عشان الكل يستفيد


ويعطيك ألف عاافية وماقصرت

[AL_HATTAN]

يعافيكي يااارب ويوفقك دنيا واخره ...

عندي نماذج للماليه الشركات اخذتها من الجامعه من قسم الطالبات ..

وان شاء الله بنزلها اليوم على المنتدى في الموضوع حقي المثبت في القسم لتعم الفائده على الكل ..

وحاليا قاعد اسوي ملخص للمحاسبه 102 وان شاء الله ينال على اعجابكم وتكون فكرته بسيطه وسهله الفهم ..

بالتوفيق ياارب