غدا اختبار اللغة الفرنسية فماذا انتم فاعــــــــلون؟؟؟

[R O Y A L]

السلام عليكم ورحمه الله
اخواني غدا اختبار الفرنسي وبصراحة انا صفر اس 5
افيدوني بطيرقة الاختبار اللي حضر السنوات الماضية وطريقة الاسئله بلانجليزي والا بالفرنسي وهل فيه ترجمه عربي اشكرررررررررركم بعنف.

[السعيد 2009]

الله يوفقنا وياك

[abukaled5]

هلا والله

وأنا معك والله أحس إني حايس الدنيا كلها

الله ييسرها

لا والإختبار الساعة 10

الله يعين

وإذا فيه أحد ممكن يفيدنا تكفون يا شباب

نبغى نموذج أسئلة فقط لا غير

[المنتسب الجديد]

تحية طيبة :

فعلا ً المادة غامضة ولالقيت أي نموذج لأسئلة قديمة ، عموما فيه اشياء بمتناول اليد ونسبة كبيرة تكون ضمن اسئلة الاختبار :

عندك مثلا : الاعداد ، وايام الاسبوع تحفظهم ، الدول ومتى تضيف(en -au - aux ) قبل كل دولة ، الضمائر يمكن يجيب لك جدول وتكمل ...

يعني هذي بعض الاشياء السهلة وان شاء الله تجي ..

الله يوفق الجميع ،،

[نبض الخفوق]

دائما نعتب على اللي سبقونا

سواء في الرايتنق او الفرنسي بصراحه المادتين غامضه جدا

هالمادتين بس اللي مالهم نماذج اختبار ولا احد سبق وان تكلم عن طريقة الاختبار

الاخوان اللي سبقونا لو كل واحد منهم يكتب سؤال واحد بس صدقوني انه رح يفيدنا كثير

لكن مانقول الا الله يسهل للجميع

[نبض الخفوق]

القسم الوحيد اللي يقل فيه التعاون بين الاعضاء وبشكل كبير

الاحظ بعض الاعضاء الله يجزاهم خير حضروا الدورهـ وافادونا عن الفرنسي

لكن للأسف ولا كلمه افادونا بها عن الانجليزي

وكثير من الاعضاء حضروا الدورات بس ما يبو يفيدونا لا في الانجليزي ولا غيرهـ

[Homie]

ياجماعة الاختبار كله بالفرنسي والي يقولك احفظو الاعداد والايام ترا ما عنده سالفه الاختبار يبي جهد

[المنتسب الجديد]

المشاركة الأصلية كتبت بواسطة homie ياجماعة الاختبار كله بالفرنسي والي يقولك احفظو الاعداد والايام ترا ما عنده سالفه الاختبار يبي جهد

احترم رايك ..
فعلا تبي جهد ولأن الاختبار بكره ومايمدي على الجهد ، اقترحت انهم يركزون على الاشياء السهلة والمباشرة ..
ان جت الارقام وايام الاسبوع خير وبركه ، اتمنى وضحت الفكره ...

[روابي نجد]

الله يوفقك اخوي حنا اختبرنا امس وكان الاختبار سهل فيه اساسيات لايخلو اختبار منها احفظها صم
الارقام
الايام
الشهور
الجنسيات
المهن
التعريف بنفسك(اسمك- مهنتك-جنسيتك -مدينتك- عمرك)
الافعال مع التصريف
السؤال للعاقل غير العاقل
نفي الجملة
الثأنيث
وعلامات النكرة والتعريف
ووووووووووجابت لنا صور الالات موسيقيه ونوصلها باسمائها>>>>>>هذا اخر شئ توقعته
هذا الي تذكرته بس كان حلو

[هدوء نسبي]

يعطيك العافيه اخوي صاحب الموضوع وبالنسبه للماده انا بحثت بكثير من المواقع لاسئله اعوام سابقه لكن ماوجدت شئ :) ...

اقول اختي روابي نجد ممكن توضحين لنا كيف كانت اسأله الارقام والاشهر يعني هل كان السؤال اختياري بمعنى انه يكتب لك رقم على شكل رقم ومن ضمن الخيارات مكتوب الرقم بالحروف ..<== ان شاءالله تكون وصلتك معلومتي ..

والشئ الثاني : الجنسيات والمهن كيف كانت طريقه الاسئله ..

ودمتي بود ،،،