الدكتوراة في جامعة الملك سعود أو في كندا

[MONA SALEM]

صباح الحير
وكل عام وأنتم بخير

أنا وصديقتي مترددين في بلد الدكتوراة
وهنا أتمنى تفيدوني بخبرتكم لأننا جدا جدا جدا مترددين هل نكمل الدكتوراه هنا في المملكة وتحديدا في جامعة الملك سعود أو في كندا
الدراسة في جامعة الملك سعود 4 سنوات
الدراسة في كندا قد تستغرق 6 سنوات بسبب اللغة طبعا وتغير التخصص لأننا قدمنا على الحاسب الآلي
نصيحتكم ورأيكم أكمل هنا ولا هناك علما باننا كلانا لدينا أطفال في المرحلة الابتدائية

[فندام]

والله ياأخت منى اعتقد انو من من الخير لكم انكم تكملو الدكتوراه بالمملكة بجامعة الملك سعود لعدة أسباب منها
1- أنو الغربة حتكون صعبة جدا عليكم واحنا هنا بنتكلم عن فترة 6 سنوات بحالها يعني مو سنتين او ثلاثه وهذي مدة طويلة والإ بتعاد عن الوطن والأهل كل هذي المدة ماحيكون سهل ابدا.
2- الشي الثاني والمهم جدا هو أنو جامعة الملك سعود تعتبر ثاني افضل جامعة على مستوى المملكة وايضا صنفت كثاني او ثالث افضل جامعة على مستوى العالم العربي على مأ أذكر واحتلت المرتبة 292 على مستوى جامعات العالم حسب التصنيف الأسباني .
3- الدكتوراه الي تمنحها جامعة الملك سعود ماأعتقد انها تقل عن الدكتوراه الي حتمنها الجامعة الكندية يعني لما تجو تتوضفو ماحيفرقو بين الدكتوراه تبع جامعة الملك سعود وبين الدكتوراه الصادر من الجامعة الكندية حيكون لهم نفس التصنيف .
4- انت ذكرتي انكم حتغيرو التخصص لو قدمتم على الجامعة الكندية وحتقدمو على تخصص حاسب الي وهذي نقطة تستحق الوقوف عندها انت ماذكرتي ايش كان تخصصكم بمرحلة الماجستير وهل هو قريب من تخصص الحاسب الالي او لا ؟ لانو زي مافو معروف كل علم او تخصص لو مبادئ واساسيات تمثل العمود الفقري لهذا العلم او التخصص والطاب في مرحلة الدراسات العليا لازم يكون ملم وعلى دراية كاملة بمبادئ واساسيات هذا التخصص والي بيتدرس في مرحلة البكالريوس عشان بعد كدا يقدر يكمل مسيرته العلمية بالدراسات العليا وهوعلى أرضيه صلبة لأنو العملية هذي عباره عن سلسلة مترابطة كل حلقة فيها مرتبطه بالحلقة ألي قبلها واحنا هنا بنتكلم عن اعلى درجه علمية وهي الدكتوراه .
5- بالنسبة لدراستكم في مرحلة الماجستير هل كانت بالغة العربية أو الإنجليزية هذي النقطة ايضا ماوضحتيها ولكن اعتقد انو أغلب الجامعات الدراسة فيها بالغة الإنجليزية لأانو لو كانت دراستكم في مرحلة الماجستير بغير اللغه الأنجليزية فأعتقد انو العملية حتصعب شوية عليكم لأنو الوضع حيتغير عليكم بشكل كبير وأيضا كيف مستوياتكم باللغه الأنجليزية هل هو متوسط أو فوق المتوسط ؟ لأنو كلما كانت مستوياتكم متقدمة باللغة الإنجليزيه كل ماكانت العملية أسهل عليكم والعكس صحيح لانو رق بين الشخص يبدأ دراسه اللغة وهو عنده المبادئ والأساسيات ومتعمق بدرجة معقولة باللغة وبين الشخص الي مستواه ضعيف ويفقد للمبادى والأساسيات والممارسه الفلعلية للغه .
6- أيضا بالنسبة للمدة الزمنية للدراسه حتفرق سنتين بين جامعة الملك سعود والجامعة الكندية وهذي برضو نقطة مهمه
ولهذي الأسباب أعتقد أنو الأفضل لكم دراسة الماجستير بجامعة الملك سعود وعموما انتم استخير والله والله يكتبلكم الي فيه الخير

[MONA SALEM]

الأخ فندام كلامك جدا ريحني لأني فعلا كل هذا يدور في ذهني
وتخصص الحاسب بعيد عن تخصصي في الماجستير لاني من كلية الآداب
دراستي بالماجستير كانت باللغة العربية
مستواي باللغة الانجليزية دون المتوسط

وفعلا سنتين تفرق في الدراسة

[الركن الشمالي]

الله يوفقك
عندي صاحبي مبتعث للجامعة بكندا لمرحلة الماستر (طبعا القبول مشر وط باللغة بدرجة معينة)
صاحبنى ما قدر يجيب الدرجة المطلوبة
والجامعة رافضه دخوله( متوهق)

[همس المشاعر]

من شروط الجامعة ان يكون نفس التخصص

[Brainiac]

اهلاً اخت منى....

والله انا دائماً من مؤيدي الدراسة خارج المملكة... وخصوصاً الدكتوراه.

اولاً: من دراستك برا راح تستفيدي شي مهم جداً جداً... وهو اللغة الانجليزية... واتوقع حتى عيالكم راح يستفيدون من النقطة هذي..... يعني كأنها دراسة لغة لكم وللعيال.

ثانياً: عشان اكون واقعي اكثر... ورداً على وجهة نظر اخوي" فندام" ... الدكتوراه لما تكون من كندا أو امريكا اقوى بكثير من لما تكون من جامعة سعودية ...... خصوصاً اذا كنتي حابه تكوني دكتوره جامعية ... واللي شهاداتهم من برا دايماً لهم الافضلية....... والكلام هذا اقوله وانا متأكد منه 100%.

ثالثاً: برضو رداً على اخوي "فندام" بخصوص تصنيف جامعة الملك سعود..... صدقوني يا اخوان انها لعبة... وهوس صاروا يفكروا فيه ليل ونهار بسبب هجوم الناس عليهم...لذا افضل و "ادق" تصنيف.... لما تاخذي تصنيف الكليات حول العالم..... يعني مثلاً لو حاسب الي، تاخذي تصنيف افضل كليات الحاسب الالي حول العالم...... وتيقنوا لو تسووا بحث عن تصنيف كليات بعينها، ما راح تحصلوا جامعات عربية.

رابعاً: الدراسة في كندا صعبة فيما يتعلق بالدراسات العليا.. ومتشددين مقارنة باغلب الجامعات الامريكية على سبيل المثال......... لذا لو كان فيه قبول لديكم حالياً، ولديكم القدرة والاستعداد لتجاوز شرط اللغة .... وبرضو التخصص ما راح يكون صعب عليكم بحكم ان تخصصكم "اداب" ، فأنا في هذه الحالة اؤيد كندا 100%


بالتوفيق لك ولصديقتك في أي اختيار تقوموا به.

[عماد الحسن]

موفقين إن شاء الله ... وكما تفضل الأخ http://www.skaau.com/vb/member.php?u=115868 فدراسة الدكتوراه أفضل تكون من الخارج ، ولكن لا يمنع دراستها هنا لأن الموضوع سيكون أسهل ولا يحتاج منكم جهد كبير وتغيير نظام الحياة خاصة أن لديكم أسرة وأطفال الله يحفظهم...
أفضل لكم تراجعي منتدى الوظائف والابتعاث و تسألوا زيادة واستخيروا الله والمستقبل الطيب أمامكم قريباً.