طلاب وطالبات التدريب العملي 463

[ام حمدان]

ههههههههه
سهوره سئلت وماانتبهتي لسؤالي

قلت كم على التدريب --يعني كم درجة تكون على ساعات تدريبكم او بمعنى اصح كم ساعه تتدربوا بالضبط والتقرير الي تعملوه كم عليه ؟


والدكتور عمر ---سئلتيه عن شكسبير ولا لسى ؟
الله يعينكم ويسهل امركم

[سهر]

ام حمدان
انتي قلتي الا بسألكم عن التدريب :)
ماقلتي
بسأل كم على التدريب :)
تخيلي بس 90ساعه وعليها بس 20 درجه !!!!
شوفوا القهر
لا ولايفوتكم اليوم رحنا مستشفى الجامعه وقالولنا انجلش لااااااااااااااااااااااااااا وممنووووووووع وكيف اصلا طالبات انجليزي يتدربوا بمستشفى!!
اشكالنا زي الشحاتين كانت :(

[LAURA H]

يا الله والله شي يقهر؟؟!!!
طيب الجامعة ايش راح تخسر لو قالت لكم ايش اماكن التدريب المسموحة؟؟!!!

[i still feel ya]

^^
ياحياتي كدا هيخسرو يمرمطوناااا..اتوقع اهم شي عندهم نتخرج معاقين نفسيا
..
سهر ..جربتي تشوفي السفاره//او الخطوط السعوديه!؟
خطرت في بالي دحين حكاية التلفزيون السعودي ..من جد ما احد جرب ازا يوافقو ولا لاء؟؟؟..ممكن نعمل ربورتات هناكا او اي شي وياليت نعملو تكليف من البيت ونرسلو اي ميل لهم...
اش رايكم امسك التدريب السمستر الجاي حدلعكم ..بس ادعموني
^^من كلاجات النوم...

[سهر]

المشاركة الأصلية كتبت بواسطة laura h يا الله والله شي يقهر؟؟!!! طيب الجامعة ايش راح تخسر لو قالت لكم ايش اماكن التدريب المسموحة؟؟!!!

ماحتخسر شي طبعا
لكن اش نسوي ؟؟؟
معهد ماتبغى,مدارس حكوميه ماتبغى,بنوك ماتبغى
وين نروح يعني!!!

[سهر]

المشاركة الأصلية كتبت بواسطة i still feel ya ^^ ياحياتي كدا هيخسرو يمرمطوناااا..اتوقع اهم شي عندهم نتخرج معاقين نفسيا هذا هوا الهدف المنشود .. سهر ..جربتي تشوفي السفاره//او الخطوط السعوديه!؟ اش اسوي هناك!!!! خطرت في بالي دحين حكاية التلفزيون السعودي ..من جد ما احد جرب ازا يوافقو ولا لاء؟؟؟..ممكن نعمل ربورتات هناكا او اي شي وياليت نعملو تكليف من البيت ونرسلو اي ميل لهم... لالا ماافكر كذا ابغى شي في مكتب او ترجمه او اي نيله اش رايكم امسك التدريب السمستر الجاي حدلعكم ..بس ادعموني ^^من كلاجات النوم...

ان شاءالله ماتمسكيه الا وانا متخرجه الله لايقول ان شاءالله اني ازيد تيرم

[i still feel ya]

ممم تعملي ربوت عن اي شي يطلبوه..تترجمي اشياء كدا..
افتكر قابلت بنت اتدربت في السفاره اعتقد او الخطوط والله ناسيه انا قابلتها في الجامعه اعتقد قبل السنه اللي فات.. كانت مخلصه التدريب وافتكر قالتلي بس كانت تعمل ربورت عن اشياءيطلبوها منها او تترجم ...
مراا الزاكره ليك عليها كلو من تحت راس الجامعه دي اللي لو مافي قدامنا غيرها كنت فجرت فيها وكل موضفيها

[:: Abdullah ::]

مجرد سؤال ...

طيب اللي موظف ... ممكن يتدرب في مقر عمله ؟؟؟

[ام حمدان]

^
اتوقع نعم حسب ماشفت في موضوع دورة الطلاب انه تاخذ نموذج تقييم لجهة عملك بالاضافه لتقييم استاذك
تابع هذا الرابط وبتفهم اكثر
http://www.skaau.com/vb/showthread.php?t=289896

ماشالله دائما الطلاب محظوظين اكثر مننا في كل شي الله يهنيكم

--------------

سهر

من جدك 90 ساعه وعليها بس 20 درجه !
يعني اخذ وقت على ماالقى مكان يقبلني وبعدها يروح ثلاث ارباع وقتي في التدريب غير موادي الباقيه الي تحتاج وقت
واخرتها بس 20 درجه ! ولا بعد ممكن مااخذها كامله !
شي عجيب والله حرام الي قاعد يصير المفروض يكون في توازن بين مقدار الجهد والدرجه
على الاقل تخفف الدرجه ل40 او 50
لاحول ولاقوة الا بالله
الله يحنن قلوب هالاستاذات علينا ويسخرهم لنا

[سهر]

^^^
ام حمدان
شايفه الهنا اللي احنا فيه

ترى مس شادن هيا اللي قسمت ال100 بهذي الطريقه
حاطه 20عالتدريب و40عالريبورت هذا اختبار كلو ايسي عن المكان اللي رحتيه والمميزات والعيوب وهيك و40 عالتوفل يعني اختبارين
كلو تعجيز منها لانها عارفه مستوى الرايتنج عندنا ضعيف
وللاسف رسبت بنات كثييييييييير وهيا عارفه انهم تخرج
الله يسهل بس ونعديها على خير