الجامعه حطمتني بموت من البكى محتاجه لمساعدتكم

[حنين الود]

المشاركة الأصلية كتبت بواسطة حلاها زايد شفتي كيف يارغد يالله قد ايش في قلبي قهرررر اذا في التخصص سولنا كذا اجل كيف لو بحول انتظام وراح احاول معاهم بكل اللي اقدر عليه وشكرررا ع الدعوه يااحلا واطيب بنوته في العالم

لو درستي ترم انجلش بعدين حولتي مايغيرولك التخصص
بس لو حولتي زي الوقت دآ يغيروآ التخصص يعني لو لسآ مادرستي موآد يغيرولك هيآ فهمتي؟؟ لاتحولي الترم دآ لمآ تتثبتي إن شاء الله ..
وبلاش دلع الجامعه تحطمك وبكى وخرابيط انتي ع المنتدى قلتي الكلام دآ لمآ تروحيلهم إيش تقولي ؟؟
فكري وريحي نفسك وإتصرفي وبلاش تحطيم في نفسك وكلام فاضي وإدعي ربنآ يسهلك ..كتيييير بنات صارتلهم نفس الحكآيه ودخلوآ القسم ..
وللمعلومية الكلام الي يصير في شطر الطالبات مخالف للقآنون جملة وتفصيلآ
يآرب يآرب يصير قسمنآ قسم أوآدم ويخآفوآ ربنآ في الطالبآت..ومن ناحيه التصرف أصغر موظف في شطر الطلاب يقدر يضيف لكي موآد والا يحذفها حتى لو في نص الترم ..وتقدري تضيفي من عندهم أسهل وأريح وبرضو ممكن تخلي أبوكي أو أخوكي يروحوآ يشوفوآ إيش الحكآيه وصدقيني تنحل بسرعه وتدخلي التخصص مدآم إنتي مستوفية للشروط ..

[حلاها زايد]

المشاركة الأصلية كتبت بواسطة رغد محمد ياقلبي يا حلا .. إذا على التحويل خليها على ربنا وكلي ربك وهو إن شاء الله بيحلها .. لكن ألحين أنا مرررررررة مقهورة عليكِ.. طيب أنا سمعت إنو بإمكانك تسوي مقابلة وبعدين تنقبلي ... خليكِ قوية ياعسل وإن شاء الله ربي يحلها .. أنتِ كثري استغفار وراح تشوفي إن شاء الله .. رغودة..

آآآآآه يارغد من اليوم لساني ماوقف من الاستغفار والدعاء
بحاول اروحلهم بكره مع اني تعبانة الله يعين بس

[حلاها زايد]

المشاركة الأصلية كتبت بواسطة حنين الود لو درستي ترم انجلش بعدين حولتي مايغيرولك التخصص بس لو حولتي زي الوقت دآ يغيروآ التخصص يعني لو لسآ مادرستي موآد يغيرولك هيآ فهمتي؟؟ لاتحولي الترم دآ لمآ تتثبتي إن شاء الله .. وبلاش دلع الجامعه تحطمك وبكى وخرابيط انتي ع المنتدى قلتي الكلام دآ لمآ تروحيلهم إيش تقولي ؟؟ فكري وريحي نفسك وإتصرفي وبلاش تحطيم في نفسك وكلام فاضي وإدعي ربنآ يسهلك ..كتيييير بنات صارتلهم نفس الحكآيه ودخلوآ القسم .. وللمعلومية الكلام الي يصير في شطر الطالبات مخالف للقآنون جملة وتفصيلآ يآرب يآرب يصير قسمنآ قسم أوآدم ويخآفوآ ربنآ في الطالبآت..ومن ناحيه التصرف أصغر موظف في شطر الطلاب يقدر يضيف لكي موآد والا يحذفها حتى لو في نص الترم ..وتقدري تضيفي من عندهم أسهل وأريح وبرضو ممكن تخلي أبوكي أو أخوكي يروحوآ يشوفوآ إيش الحكآيه وصدقيني تنحل بسرعه وتدخلي التخصص مدآم إنتي مستوفية للشروط ..

شكرا ياقلبي فهمت عليكي بس انا مشكلتي اني متخرجه من الثانويه من سته سنوات وهم من شروط التحويل انه شهاده الثانويه مايكون مضى عليها اكثر من خمسة سنوات يعني المفروض من اول فرصة تجي للتحويل احول ماينفع استنى كمان
طيب اذا حولت انتظام في تخصص ثاني وبعدين ارجع احول انجلش ينفع يعني الشروط للتحويل لقسم الانجلش سهله ولا معقده
ياربي ساعدني رجيتك

[حلاها زايد]

حنين الود انا بروح بكرا الجامعة اروح عند مين طيب

[حنين الود]

المشاركة الأصلية كتبت بواسطة حلاها زايد شكرا ياقلبي فهمت عليكي بس انا مشكلتي اني متخرجه من الثانويه من سته سنوات وهم من شروط التحويل انه شهاده الثانويه مايكون مضى عليها اكثر من خمسة سنوات يعني المفروض من اول فرصة تجي للتحويل احول ماينفع استنى كمان طيب اذا حولت انتظام في تخصص ثاني وبعدين ارجع احول انجلش ينفع يعني الشروط للتحويل لقسم الانجلش سهله ولا معقده ياربي ساعدني رجيتك

يوووه أسكتي خلاص لاتروحي لو على كدآ عشآن مايدققوآ في دي الحاله أهم شي التحويل للإنتظآم صح ؟؟ يصير على كدآ خدي مواد حره يعني عربي وثقافه ومادتين او 3 حره وإنتي إنتظآم وشدي حييييلك وجيبي معدل ممتاز أو أي شي أهم شي ماينقص عن 3.75 وتحولي من النت وينتهي كل شي ..لآتروحي الجامعة لو متآكده من الشروط تبع التحويل ومن الشهاده ..لأنو حيدققولك بعدين اسمعي كلامي ولاتروحي

[حلاها زايد]

ربي يسعدك ويوفقك ياحنين انا رحت الجامعه وقالولي بداية السنه راح يعملولي انترفيو والله يستر منهم لايسالوني اساله صعبة

[حنين الود]

المشاركة الأصلية كتبت بواسطة حلاها زايد ربي يسعدك ويوفقك ياحنين انا رحت الجامعه وقالولي بداية السنه راح يعملولي انترفيو والله يستر منهم لايسالوني اساله صعبة

الحمدلله كلها إجراءات أي كلام ..خلاص إن شاء الله تدخلي ..مآدري إيش يحصل لو الواحد إعترف بالخطأ وعدل الخطأ يعني بدل مايخصصوكم يطلعوآ قانون إنترفيو؟؟ إلا معاهم الحق ؟؟
عموما الله يعينك وييسرلك ..نفسي أقفل كل الموآضيع الي تحطم ونعمل تجمع في موضوع واحد عشآن الكل يشوف أخر المستجدات بخصوص الموضوع دآ مو كل وحده في موضوع ومحد بيشوف أخبار التآني ..

[حلاها زايد]

خلاص ياقلبي اذا شايفه احسن احذفي موضوعي ماعندي مانع
وامييين يارب الله يسمع منك يااارب اكون معاكم السمستر الجاي

[جامعي كول]

مادام عندك اقارب في قسم الرجال كلميهم ومشكلتك راح تنحل لا تروحي لقسم الطالبات ما راح يفيدوكي بشي انا متفائل لك خير إن شاء الله وكل شي بالواسطة يجي يا عسل

[حنين الود]

حذف موآضيع لأ
بس دحين ححاول أفتح موضوع للطآلبآت ونشوف أخر المستجدآت ..والحلول للمشآكل وإن شاء الله تتيسر..