الدخول للأهميه(مقدمة العلوم الطبيعيه)

[كان ودي لكن....]

المشاركة الأصلية كتبت بواسطة ليــل و سهــر السلام عليكم... اسف على التأخير ياشباب. ابشركم رحت للجامعه انا والعضو army sniper والحمدلله تعدلت درجاتنا واشكر دكتور الماده الدكتور السيد بدوي اللي كان قمه بالتواضع والاخلاق والحمدلله اولا واخيرا.

الف مبروك وعقبال الكل معناها انو في اخطاء ممكن للكل بس الله يعطيك العافيه كيف الاليه عشاان نراجع التصحيح وهل ممكن يروح اي واحد غيري ؟

[ليــل و سهــر]

المشكله انهم يورونك نموذج الاجابه ويطلع معهم الحق لكن رفضنا وطلبنا نقابل دكتور الماده ووعدنا يعدل الدرجه ولكن للاسف الى الان وحنا ننتظر يرصدونها بالاودس.

[كان ودي لكن....]

المشاركة الأصلية كتبت بواسطة ليــل و سهــر المشكله انهم يورونك نموذج الاجابه ويطلع معهم الحق لكن رفضنا وطلبنا نقابل دكتور الماده ووعدنا يعدل الدرجه ولكن للاسف الى الان وحنا ننتظر يرصدونها بالاودس.

الله يعطيك العافيه اخي الكريم لكن الى الان لم افهم يعني نموذج الاجابه عندهم خطأ على اساسه رحتوا لدكتور الماده او ان النموذج صح وانتو رحتوا للدكتور وطلبتوه او وش السالفه ؟؟؟؟

[انترنت]

اخوي ليل وسهر بارك الله فيك نرجو تفاصيل اكثر وش صار معكم

[كان ودي لكن....]

؟؟؟؟؟؟؟؟؟؟؟؟؟

[الأدب قبل العلم]

السلام عليكم ورحمة الله وبركاته
الأخ /ليل وسهر أسعد الله جميع أوقاتك ، أرجوا منك أن توضح لنا أكثر ،وأين الجهه التي في الجامعة ذهبت لها .
لأنني إن شاء الله على الأيام القادمة بذهب للجامعة .

[ليــل و سهــر]

سلام عليكم...

اسف على التاخير للمره الثانيه .

انا استغرب منكم ياشباب الحين انا قعدت اسبوعين وانا اقولكم خلونا نروح للجامعه جميع وحاولت اجمعكم وكان عذر بعضكم المشاغل والالتزامات انا بعد زيكم عندي مشاغل ودوامي بديره وانا ساكن بديره لكن الحمدلله ظغطت على نفسي وماخيب الله تعبي.

المهم اللي بيطلع الجامعه يروح كلية العلوم>مكتب وكيل الكليه>يدخل على السكرتير ويطلب منه اعادة التصحيح وراح يكتبلك السكرتير طلب ويدخله على الوكيل >بعدين راح يجيبلك نموذج الاجابه مع ورقة اجابتك وانت تشوف بعينك.
واذا عندك اعتراض ومااقتنعت تقدر تكتب طلب ثاني للوكيل وراح يحولك على الدكتور السيد البدوي استاذ الماده. وبس
لبا قلووووبكم.

بالتوفيق للجميع...

[ليــل و سهــر]

المشاركة الأصلية كتبت بواسطة كان ودي لكن.... الله يعطيك العافيه اخي الكريم لكن الى الان لم افهم يعني نموذج الاجابه عندهم خطأ على اساسه رحتوا لدكتور الماده او ان النموذج صح وانتو رحتوا للدكتور وطلبتوه او وش السالفه ؟؟؟؟

لا النموذج كان بوادي واجاباتنا بوادي ثاني واعترضنا وحولونا على الدكتور واسكت حب خشوم لمحاولة تسوية الامور وخرجنا بوعد والله كريم.

[ali2006]

المشاركة الأصلية كتبت بواسطة ليــل و سهــر لا النموذج كان بوادي واجاباتنا بوادي ثاني واعترضنا وحولونا على الدكتور واسكت حب خشوم لمحاولة تسوية الامور وخرجنا بوعد والله كريم.

تصدق بعد محاولات عديده بالاتصال على الكليه و على الدكتور زاته .

تغيرت النتيجه الى 60 يعني ان فيه خطأ بالتصحيح و نموذج الاجابات و قاموا
يرقعون السالفه و يصرفونا و يقولون ترى ما قصرنا .
وانا متأكد من حل الاجابات بشكل منطقي

من امن العقاب اساء الادب .
قال ايش قال كلية الأداب