الله يخليكم .. ما لي بعد غيركم بعد الله يساعدني

[om haya]

السلام عليكم

انا طالبة انتساب ادب انجليزي في المستوى السادس ..

والحمد من ثلاثة اسابيع ولدت .. والآن انا حايسة في التسجيل وفي المواد ..

ما قدرت اسجل من بدري .. لأني ما كنت في السعودية لأسباب خاصة..

الله يوفقكم ابغى اعرف اكثر ثلاثة مواد سهلة في المستوى السادس والسابع .. والي اقدر القى لها ملاخصات بسرعه .. عشان انزلهم هذا الترم..

ما لي غيركم يساعدني بعد الله .. والله العظيم اني دعيت لكل من حط معلومة مفيدة استفدت منها السنة الماضية..

انا متكلة على الله ثم عليكم اني انجح هذا الترم ..

و شكرا مقدما للكل ..

[om haya]

كمان ابغى اعرف موعد الاختبارات النهائية

[مجدولين 33]

نفسي اساعدك لكن انا مو نفس المستوى

بنسبة لتاريخ الامتحانات النهائية 8/2

وبتوفيق لاتقلقي عندك خمسة اسابيع

يمديك براحة

[om haya]

الله يوفقك يا ماجدولين ويعطيك الي تتمنيه ..

جبرت خاطري ..

الله يخليكم الي في نفس المستوى ساعدوني ..

[om haya]

انا في حاجة لمساعدتكم :(

[ღحلا الدنيـاღ]

انا مو في نفس مستواك بس ماحبيت ادخل الموضوع من دون ما ارد عليك ..
الحمد لله على سلامتك ومبروك البيبي ,,
والله يسهل لك امورك ,,

[om haya]

الله يسلمك يا حلا الدنيا ..

انت في المستوى السادس صح ؟

طيب انا في المستوى السادس كمان .. ايش المواد الي نزلتيها لترم دا ؟؟

[سهر]

حبيبتي ام هيا الف مبروك عالبيبي والحمدلله على سلامتك ماادري ايش اقللك صراحه من ناحية اسهل واصعب صراحه مافي شي سهل ماابغى احطمك بس كل ماتتقدمي في المستويات كل ماتصعب المواد لكن ابغى اعرف اذا خلصتي مادة اللغويات فأسهل شي لك المورفولوجي (الصرف) و علم الدلاله (السيمانتكس) والنحو(السنتاكس) بالنسبه للصرف استاذه منى صابر منزله كل المحاضرات على الموقع حقها والسيمانتكس معانا ال8يونت الاولى والسنتاكس خلصته بس اذا مع دكتوره مآثر فهيا كمان تنزل المحاضرات عالموقع صدقيني يااختي هذي اسهل المواد بنظري الله يوفقك وينجحك الاختبارات تبدأ 8/2 بالنسبه للسنه التحضيريه لكن احنا موادنا تبدأ عالاسبوع الثاني كذا يسير كل ترم بالتوفيق والله يسعدك اذا حسيتي اني افدتك ولو بشيئ بسيط ادعيلي اني انجح في كل المواد ال4 واجيب درجه عاليه

[om haya]

الله يوفقك يا رب يا سهر .. وتنجحي في الاربع مواد بعلامات كاملة .. يا رب

انا عارفة ان مافي مواد سهلة .. بس ابغى اعرف المواد الي ما هي دسمة مرة زي مقدمة في الادب مثلا ..

انا اخدت ال morphology و ال syntax السنة الماضية ..

كنت بافكر انزل fiction - phonology - phonrtics - drama

ايش رايكم .. والي تاخد اي من هذه المواد هدا الترم .. تقول لي

[حنين الود]

يادبدوبه لاتنزلي الفكشن الترم دا يبغالوا قرايه
الفونتكس والفونولوجي نزليها وانتي مغمضه والسيمانتكس حلوه بس يبغالها فهم وتركيز زي السينتاكس بس اسهل منها صحبتي بتقول كدا ..وخدي معاها ماده حره كدا اشوف مره حلو والا ايش رايك في الدراما زي ماقلتي بس يبغالك تعرفين ايش حتدرسوا فيها يعني اسألي البنات عن المقرر وكمان عن الأشياء الي حتدرسوها بالتمام .. والله يعين ان شاء الله