ساعة شكيتي!!!!

[mobarak0911]

ساعة شكيتي علي البعد وقل الاوناس

حز قلبي وزام الحزن بصدري يكيله

مارحت ادور حجز على طايرة ناس

ولا الهاني الا جواز السفر بيدي أشيله

وسلام الغلا موادع بوقت الأغلاس

ومشيت وكفوفـــها لربي ترتجي له

هذي رسالة غضب بشيف قرطاس

ما هـوب عتب يالزين هاللي تشيلـه

لاعاد إتصـالك على مفرق بني ياس

ساعة كذبتي الوعد للي عنا لك بليلـه

الليله عيد ميلاد وبكره حفلة ريماس

ورفيقـتك قالت تزعل لو ما تجي له

عذرك نسيتي العزيمه وزين الأرماس

أمحق عذر وأمحـــــق حبيب نعني له

من بعد الغلا ولقـــــياك والناس جلاس

ما أخفيت حبـــك وعفاف قلبي دلــــيله

ما لقيتي خطا مني الا برود الإحساس

على قولك ثلاث سنين وكفوفي تزيله

كفوفي بشيمتها ما مســـت الأدنـــــاس

حبيتك بحشمه والشرف نــــــحتمي له

هذا اللي عرفتـــــــه عن الحب مقياس

مســـــــــــك علي ممنوع ومانتي حليله

وإن كان هذا لي تسميه برود إحســـاس

لاوالله الا بــــــارد إحساسي ولانـــي له

تســـــألني أغلى البشر عسى مابكم باس

عــــــــــودت بدري ولمحات عينك عليله

رجــــــعت بقلبي المحزون وللهم حبـــاس

لا يبــــــوح بالصده وجــفاك وقلة الحيله

مابي عذر ترا العذر يحيي الـــــــهوجاس

هوجاس غدرك بالهوى وقلب يبي له

صده وبعد عن طاريك وباقي الناس

بارت ظنوني وأمست آمالي محيله

ماعاد فيها ولا باقي ساس ولا راس

ويالله عساي أنسى رفة عيون ظليله

أبو محمد