مناهج بحث

no one · 30-09-2009, 10:43 PM

اول شي لازم تعرفي انو المادة هادي تعتبر من المواد السههههههههههههههههله{لا حد يدبحني}

و لكن تعتمد كمان على مستوى لغتك و اجتهادك قبل لغتك .. يعني من اول الترم ابدأي فيها اول بأول يعني تحددي موضوعك و تقرأي عنو و كدا ..

غير كدا الاستاذات ..... انا اخدتها التر م اللي فات مع مس مائسة و كانت الماده سهههههههههههههههههلة و لو اني حسيت اني حارسب لأول مره .. سهلة و لو ان مس مائسة سافرت بعد البداية بشهر واحد بس و ما جانا احد بدالها و ما رجعت الا على نهايةالترم الله يهديها و يهدي سرها .. لكن حلاوتها انها تخليكي تختاري الموضوع و مو لازم يكون في الادب زي مس فكهاني ,, احنا قالتلنا اكتبو عن اي شي لكن لازم يكون الموضوع من و الى السعودية عن اي شي يخصها و البحث خمسة صفحات بصفحة المراجع و لو انو كل ما قلت الصفحات كل ماكان اصعب لأنك لازم تبدأي تتعمقي في الموضوع و يكون محدد ابو و ام و حفيد حفيد حفيد التحديد,, اما فكهاني كانت طالبة 15 صفحة .. غير انو اختباراتها{مس مائسة} الدورية { ولو انها ممكن تضغط في المواعيد و مواعيد التسليم } لكنها سهله و بديهيه و ترا تكرر اسئلتها بطريقة خلتني شكيت في صحة معلوماتي لحد الجنون .. و اخر الترم قالت الماده هادي بحث يعني ما حاعملكم نهائي و اختبرتنا اوبن بوك اقزام .. و طبعا كان سهل لأن الاسئلة اصلا من اللي هي تشرحو{لمن تكون موجوده} و بديهية تعرفيها خلال كتابتك لبحثك .. اما باقي الاستاذات ما ادري عنهم شي ..

طيب .. غير كدا في مسألة انك تحسي المادة صعبة لأنك اول مره تعملي بحث و دا شي طبيعي و من البداية باقولك و اعيد عليكي الماده سهلة لكن لكل شيء مرة أولى .. و دي مرتك الاولى في كتابة بحث كامل من اولو لأخرو بفهرسو و مراجعو .. انا ندمت لمن اجلت المادة دي ترم لأني في النهاية ما كتبتها عن موضوع في الادب .. و النهاية بعد الخوف و الرعب اتوقعت اني اخد 70 او 75 {برضو كويس و الله } بس اخدت الحمد لله 84 ,, هادا و انا بداية الترم كنت مرررره سايبه الماده و لا كأني اخدتها اصلا و لا بدأت فيها الا نص الترم ,,, ابدأي من الاول ,, و سواء مع مائسة او فكهاني الماده ما تستاهل انها تتأجل اكتر من كدا ,,

لو في اي اسئلة ان شاء الله اعرف اجاوبك

الله يوفقك و يوفق الكل { و انا كمان } يارب

EEEEE · 30-09-2009, 11:23 PM

المادة سهلة اخذيها مع د/ مائسة افضل او د/ ابتسام فكهاني بتنجحي معاها

ماانصحك ب د/ سوزان فكهاني لانها معقدة

بهجة الروح · 01-10-2009, 01:41 AM

الله يعطيكم الف عافيه حبيباتي

طيب مين اخذت البحث مع استاذة نسرين الحربي ؟

وايش رايكم فيها كويسه بالماده ؟؟؟

Jasmine Al-Qahtani · 01-10-2009, 01:47 AM

خلصيه وانتهي منه

وحاولي مايكون معاه اكثر من مادة ادبية وحدهـ

غـــرور · 01-10-2009, 03:48 AM

يابنـات إش ذآ

أنآ مستوى ســآبع ولآزم أنزل ريسيرتش والشششششششعب فـل

وش السسسسسسـوآه ؟

:(

حنين الود · 01-10-2009, 03:55 AM

المشاركة الأصلية كتبت بواسطة غـــرور

يابنـات إش ذآ

أنآ مستوى ســآبع ولآزم أنزل ريسيرتش والشششششششعب فـل

وش السسسسسسـوآه ؟

:(

بتتوسسسسسسسسسسسسع الشعب رووووحي بدري يوم السبت بس انتبهي التوسيع يمكن 5 طالباتفي كل كلاس روحي سجلي مع مس ابتسام وادعيلي القا سنتاكس مع مس مآثر من 10 لــ11 نقرتين لعرض الصورة في صفحة مستقلة