جديدة في الكلية قسم فيزياء وعندي كم استفسار^.^

[Tumadhir]

السلام عليكم ورحمة الله وبركاته
كيف الحال بنوتات.. مبروك للي اتسكنوا في الكلية هذا الترم
واتمنى للجميع التوفيق و النجاح وان شاء الله ينبسطوا
المهم انا جديدة قسم فيزياء وكنت حابة اخش فيزياء من اول
بس مشكلتي مع الرياضيات ما يمشي معايا وهرجه وعملياته مررره كثيييرة
انا مشكلتي مع التمارين لمن تكون متنوعه تنوع أعوذ بالله زي الرياضيات مخي يضرب..
طيب وش رايكم انا نسبتي في math 110 60% يعني نجحت مدري كيف والفيزياء اخدت 80 يعني اكيد فيه فرررق

) (طيب اللحين خوفي مع math202 كل ما أسأل بنت تقولي انها حملتو
كيف تنصحوني اتعامل معاه ما ابغى أحمل .... ساعدوني اروح لملخصات مين.. ألخ

) ( ثاني شي معمل الفيزياء عبارة عن تجارب وزي كذا؟؟؟ وهل هوا صعب ويحتاج مذاكرة جامدة؟؟؟

) (انا اخدت أمن وسلامة فيزياء وأمن وسلامة كيمياء.. ايش الفرق بينهم؟!

) (طبعا غير آمن وسلامة ماخذة طبعا math202 و phys202 و ثقافة و معمل فيزياء.. بس.. وما أخذت عربي لأنه يتعارض مع الماث والباقي full.. وما أخذت phys303 مع انها متطلب للميكانيكا بس اجلتها.. كويس تقسيمي؟؟؟

اتمنى محد يسحب علي
وشكرا على جهودكم