اخواني اخواتي انا زميل لكم جديد وفي غيري اكيد جدد ونبي منكم شويت استفسارت

[اطلق واحد مسجل انتساب]

[align=center]
السلام عليكم ورحمة الله وبركاته

مساء / صباح الخير
[/align]



اخواني اخواتي ما ابي اطول عليكم بخش بالموضوع على طول انا الحمدالله عديت من التحضيري

وتخصصت انجليزي على طووول لاني والله ما صدقت انه سهل التخصص انجلش لاته له شروووط

وكذا وشايل همه ... بس الحمدالله إن شاء الله اني توفقت بالتخصص وانا من عشاق الانقلش بس والله ما

اعرف ولا انسان من المجتمع الي عندي منتسب متخصص ها التخصص ,, وفي اكيد من الزملاء الي

مثل حالتي ,,


ونزلت الخطة الدراسيه تبعي ولا اعرف ايش الخطوااات الاولى الي اقدر اسويه شايف مواااد كثيرة

ولا ادري كيف انظم جدولي او ارتبه بالعربي من الاخر <انا لا افقه شي من ناحية التنظيم >

كتبتها بالعربي اتمنى اجد شخص يقدر يفيدني وانكم تساعدونا انا والله خفت يوم شفت المواد ذي

كلها شي يخوف صراااحه ونبي منكم التعاون

واااااسف ع الاطاله شكرا لكم ,,,,,
[/align]

[nour al3mr]

وعليكم السلام ورحمة الله و بركـــــآته

حيـــــآك الله أخي ومبارك لك التخصص
وشرف لنـآ انضمامك :)

تفضل هنــــآ


{ حللتم آهــــلاً طلبــــة قسم اللغات الأوروبيـــة .. المُستجديــــن/ـآت ❥~

[المحزوون]

الله يحييك ولا تشيل هم وانا اخوك المشرفين والمشرفات وجميع الزملاء مارح يقصرون معك ان شاءالله

بس شد حزامك من الحين لان القسم يختلف عن باقي التخصصات في الجامعة يبي له شدة حيـــــــــــل وانت ان شاءالله قدها وقدود .

استعن بالله ولا يردك الا وثيقة التخرج باذن الله .

موفق اخوي ..

[moon-flower]

بالتوفيق ان شاء الله للامانه القسم دراسته على قد ماهي متعبه بس ممتعه جدا ..
تووكل على الله وشد حيلك.

[saadoony]

وعليكم السلام ورحمة الله وبركاته
أخوي المستوى الثالث لا يقارن بالمستوى الأول والثاني من حيث الصعوبه بعدين تعتبر كطالب High Intermediate فلذلك أنصحك بعد ما ينزل التقويم الجامعي والمفرادات أنك تاخذ جميع كتب سلسلة الـ College تبدأ بكل كتاب على حده وأنصحك تبدأ أولاً بالـ Vocabulary وتحاول تحفظ كل يوم 30 كلمه على حسب قدرتك ثم بقية الكتب الثلاث على حسب ترتيبك وتحصل حلول الكتب في منتدى المذكرات والملخصات هذا والله ولي التوفيق

[دلوعه وكلمتي مرفوعه]

الله يوفقك ويفتحها عليك

[off-on]

يعجبني الشخص المدهر من البدايه
حياك الله اخوي : (اطلق واحد مسجل انتساب) القسم مثل ما افادوك الاخوان يحتاج جهد مضاعف عن الاقسام الثانيه ..
ولكن :
انا ان شاءالله بحاول اتخرج الترم الجاي وبكذا اكون مطوف ترم .
في شغله كنا مفهيين عنها لين عرفنا المنتدى والاصحاب بالقسم الله يجزاهم خير تعدلت الامور ومشينا .
القسم فيه : Secret point
لازم تسأل عنها ههههههههههههههههه
بس اشوف انك تحاول تعدي البيسك اقل شي 1
بعدين تنطلق لاني بصراحه اتوسم فيك خير كثير للمنتدى .. ماشاءالله عليك .

[ZAID1122]

السلام عليكم ورحمة الله وبركاته
نصيحتي لك ياأخ انك تبدأ على نفس الخطه بس قبل كل شي تعرف دكاترة المواد مثلا مادة الليسيننق والرايتنق والريدينق اذا كانوا الدكاتره معقدين فانصحك تحذف المادة وتضيف مادة ثانيه تكون اسهل وفيه دكاتره ممتازين مثل الدكتور قرامي والدكتور محمد فوزي وفيه دكاتره غيرهم وانت بتلقى جدولك مضاف تلقائيا في المستوى الثالث ولازم تتاكد من المواد والدكاترة ولاتضيف اي مادة قبل ان تعرف الدكتور اللي يدرسها لان فيه دكاتره معقدين مثل طارق سيده وغيره واتوقع انك منت مستعد للرسوب من اول ترم في التخصص ولازم تحافظ على المعدل. واتمنى لك التوفيق

[ahmed-1]

الله يوفقك

شد حزامك وأحسن شي في الموضوع انك تعشق الأنقلش
وبالنسبة لترتيب وتنظيم الجدول وأي شي يتعلق بذلك فلا تشيل هم
عندك بالمنتدى مشرفين ومراقبين وأخوان وأخوات زي العسل
تعرف معاهم معنى الأخوه ،، الله يوفق الجميع ،،

[عطالله العنزي]

الله يوفقك يارب ..

بختصر عليك الكلام .. التخصص يحتاج لوقت فقط لا أكثر ولا أقل


بالتوفيق لك