إللي حتاخذ Research methods هذا التيرم!!! ياريت تلحقني في إللي أنا فييييييه!

[Om Yousef]

السلام عليكم ورحمة الله وبركااااته....أما بعد:

عزيزاتي طالبات الإنتساب....هذا التيرم كان المفروض يكون تخرج! ولكن للأسف بسبب وجود مادتين عاملة ليه تعارض دكتورة نيفين قالت ما ينفع نفتح شعبة وهمية لبنت وحدة وإنت كمان عندك مادتين!!! " وربي أنواااااع الكآآآآبة" !!! المهم...فقالت لي بأنها راح تزبط لي إن شاء الله إنها تفتح لي شعبة للريسيرش بحيث إني ماراح أقدر أحضره بسبب التعارض!!!

فكان طلبي هو الآتي: إللي راح تاخذه هذا التيرم وتحضر وكل شي, الله يسعدها مين ما تكون أتمنى إنها تسمحلي بأني أتابع معاها في كل خطوة لأنه بصراحة صعب إنه الواحد ما يحضر ريسيرش بكبره!! عشان أقدر أأشر الكتاب وأعرف إيش المطلوب سواء من الكتاب أو البحث نفسه!
المهم, أرجو من رب العالمين يرسلي وحدة بتاخذ ريسيرش وأقدر أتابع معاها كل خطوة عشان ما أحس إنه فيه شي فاتني أو مش فاهمة شي !
والله يجزاكم كل خير يارب....

[الديحاني 993]

الله يســـــر لكـ كل عسيـــــر ...

[Om Yousef]

على فكرة يا بنات! لا تعتمدوا إعتماد كلي على أسماء الأستاذات إللي بنشوفها في الشعب الدراسية لأنها ممكن تتغير لآخر لحظة!! أنا كنت في الجامعة أمس عشان جدولي وكنت كمان أبغى مس نجوى أسألها على شوية حاجات! بعدين طلعت بنتيجتين معاها:
1- لسة مو مبين إذا الريسيرش حيكون سنترا أم حضور !!! " بس جميلة ردت وقالت بأنه راح يكون في الجامعة" برضو ما إقتنعت لأنه شكلهم حوسة عالآآآآخر!!!
2- قالت لي مس نجوى بأنه لو كان سنترا راح تعطيه ولكن لو كان في الجامعة ماراح تعطيه هي ! وإنتوا ملاحظين بأنه إسمها إللي محطوط جنب المادة في خانة الشعب الدراسية!!

بالله شايفين الحوسة كيف؟!! الله المستعان بس.......

[ام حمدان]

وعليكم السلام ورحمة الله وبركاته

المشاركة الأصلية كتبت بواسطة om yousef على فكرة يا بنات! لا تعتمدوا إعتماد كلي على أسماء الأستاذات إللي بنشوفها في الشعب الدراسية لأنها ممكن تتغير لآخر لحظة!! أنا كنت في الجامعة أمس عشان جدولي وكنت كمان أبغى مس نجوى أسألها على شوية حاجات! بعدين طلعت بنتيجتين معاها: 1- لسة مو مبين إذا الريسيرش حيكون سنترا أم حضور !!! " بس جميلة ردت وقالت بأنه راح يكون في الجامعة" برضو ما إقتنعت لأنه شكلهم حوسة عالآآآآخر!!! 2- قالت لي مس نجوى بأنه لو كان سنترا راح تعطيه ولكن لو كان في الجامعة ماراح تعطيه هي ! وإنتوا ملاحظين بأنه إسمها إللي محطوط جنب المادة في خانة الشعب الدراسية!! بالله شايفين الحوسة كيف؟!! الله المستعان بس.......

كلام خطير

خاصه انه احتمال انه الماده تكون حضور هو الارجح بما انها صارت مستوى 6

لكن يارب ترضى تعطيه فالحالتين

اما بقيه الشعب مااتوقع يكون فيها تغيير غير يمكن شعبه من شعب النقد لانه وقتها يتعارض مع الشعر فشكلهم حطوا اسم مس سهام بالغلط


بالنسبه لطلبك

لو كانت الماده مع مس نجوى إن شاء الله سواء سنترا او حضور لاتشيلي هم إن شاء الله زميلاتك يفيدونك الي بيحضروا
+ مس نجوى كانت ترسل لنا السلايدات عالايميل
وايضا خطوات البحث تمشي معك على الايميل خطوه خطوه وتكون معطيتكم من البدايه جدول المواعيد الي حتمشوا عليه

وان عندكم اي استفسار عن الماده او عن البحث نفسه راح ترد عليكم اكيد فما راح تحتاجي احد طالما انك بتكوني متواصله مع الاستاذه مباشره
وحتى لو فيه جزئيه معينه في الكتاب ماراح تدخلها في الاختبار تاكدي راح تقولكم عن طريق الايميل


بس ادعي انها ترضى تاخذ الماده في الحالتين


موفقين يارب

[Om Yousef]

شكرا يا أم حمدان وأنا فعلا أدعو ربنا من قلبي بأنها تاخذ المادة في الحالتين لأنه كل إللي قلتيه سمعته من البنات ! بصراحة هي الوحيدة إللي سمعت بأنها تتابع كل وحدة أون لاين ومو لازم الوحدة تجيها إلين حدها على مكتبها عشان تتابع معاها!!!!!!!! قمة التخلف صراحة وإحنا فيه حاجة عندنا إسمها نت!!! أنا إيش إللي ورطني الآن في الريسيرش غير إنه كان مع دكتورة سوزان أيامها وطبعا!!!! ما يحتاج أتكلم!! إذا أبغى مصلحتي لازم أنا أنط لها على مكتبها في ساعاتها المكتبية!!! بالله أتخيلي؟؟ وغير كدة كان مطلوب مننا كوووول شي معاها ! بمعنى بحث وبروبوزال!!! لكن مس نجوى حسب ما سمعت إنه بس البروبوزال! لكن الكلام داه ماكان مع دكتورة سوزان صراحة وكانت المادة معاها عبارة عن رعب! إضطريت أحذفها من جدولي هذاك الوقت بسبب وجود مواد صعبة ثانية بآخذها وماكان فيه وقت للإمتحانات غير 3 أسابيع فقط!! الله المستعان بس....
ياااااااااااارب يسرها من عندك ....

[ام حمدان]

^

العفو ياعسل

والله كان لازم تتعامل معنا بالايميلات لانه مو الكل يقدر يجي بنفسه لها غير يوم الامتحان
و
لعلمك الماده العام صارت فقط بربوزال عليه 30 +امتحان نهائي عالمنهج عليه 70
مو عشان مس نجوى لا هو كذا لمنهج صار وكان مكتوب الشي ذا في الدليل الارشادي الي نزلوه العام

يعني مس نجوى مالها علاقه بتغير الطريقه في المنهج


فإن شاء الله تكون نفس الطريقه ماشيه كمان هالسنه بغض النظر عن مين بيعطي

ويارب تمسكها مس نجوى يارب ادعوا انتوا وربكم كريم

[Om Yousef]

up up up

[ѕυрзя пıdσ]

طبيعي جدا من جامعتنا الحبيبه لمن يشوفونا متمسكين باستاذه معينه يكون اسلوبها راقي في التعامل وماتظلم احد يغيروها لنا
و يتعمدو يصعبو لنا ويعسرو كل شي عشان نجلس معاهم اطول فتره ممكنه

[ريهام العالي]

انا ان شاء الله بحضر وراح افيدك بالي اقدر عليه
لله ييسر لنا يارب وان شاء الله يكتب لنا تخرج هالسنه

[Om Yousef]

الله يرضى عليكي يا ريهام ما قصرتي....والله أثلجتي صدري الله يسعدك...