تغيير البطاقة الجامعية

[منار الجهني]

السلام عليكم
انا بستفسر بخصوص التحويل للانتظام
انا كنت تعليم عن بعد والحمدلله وصلتني رسالة امس انو تم ترشيحي للانتظام وعلي مراجعه القبول بالفيصلية
بسئل بخصوص الاوراق ايش اخذ معي ؟ اذا احد حول ويعرف يقولي
وبخصوص التخصص انا كنت حاطه قبل تخصص اداره عامة ! والحين قبلوني بالفيصليه كيف اغير التخصص!! مره احترت واحسني ضايعه مو عارفه شي
بالفيصليه مافي غير عربي وانقلش وشكلهم بيحطوني عربي هل اذا درست ترم يمديهم يحولوني للسليمانية واذا يمديني ايش فيه تخصصات هناك؟
بخصوص البطاقه لازم اغيرها ولا مايحتاج؟ واذا لازم من فين اغيرها أي مبنى
ادري اسئلتي كثيره بس اتمنى القى رد لاني محتاره ومادري ايش اسوي
الله يجزاكم كل خير وشكرا

[Ibra 3bdallah]

حجاوبك باللي اعرفه

فرع الفيصلية فيه كليتين الاداب والعلوم
الاداب فيه ( دراسات اسلامية - تاريخ - جغرافية ونظم معلومات جغرافية - لغة عربية - لغات اوروبية - مهارات اتصال )
والعلوم فيه ( احياء - كيمياء - فيزياء - كيمياء حيوية - رياضيات - احصاء )

دام قبلوك انتظام يحق لك تختاري اي تخصص المناسب لمعدلك ( لمن تروحي الجامعة فرع الفيصلية حيبينو لك كل شي )
من ناحية ايش تاخذي معاك من اوراق :
اصلا كل مستنداتك واوراقك عندهم ف الجامعة ماحيحتاجوا منك غير حضورك + بطاقتك الجامعية + هويتك
بالنسبة للتحويلك ادرسي ترم وارفعي معدلك وقدمي عن طريق الاودس تحويل للسليمانية
بطاقتك الجامعية لازم تغيريها من عندهم في الجامعة ( الفيصلية ) لمن تروحي هناك اسألي وين يغيروا البطايق وغيريها

مبروك ع القبول والله يوفقك ويسدد خطاك

[jody 66]

من ناحية البطاقة تغيريها من عماده القبول و التسجيل و في دقايق تغيرها لك

موفقه يارب...

[picasso]

وعليك السلام ورحمه الله
وممبروك وموفقين ان شاء الله