يا عالم ألحقوني..أحد يفكلي طلاسم المواد الحرة!

[Pationate Bo0osha]

السلام عليكم ورحمة الله وبركاته..أما بعد:
أعضاء منتداي الغالي.....حبيت أقولكم بأنه جدولي نزل وكان زي الزفت ولله الحمد....ومن ضمن زفاتته إنه ما نزللي ال ريدينج 2 وأنا المفروض آخذه هذا السمستر فشكلي حأروح الجامعة بكرة إن شاء الله

المهم...وبالنسبة للمواد الحرة...مش عارفة إيش هي بالضبط!!! أقصد كل اللي مكتوب لي hist hist hist hist إيش شكلو هو؟؟!!! وحاجتين إسلامية كدة !!!

فياريت أحد يساعدني ويدلني على مكان فك طلاسم المواد الحرة الله يسعدكم

وسؤااال آآخر مهم ( أتمنى ألقى إجابته قبل لا أحرك على الجامعة على الفاضي!!)) ألا وهو..بالنسبة للمواد إللي أبغى ضروري أضيفها وهي مش موجودة عندي في قائمة الحذف والإضافة, هل بذهابي للجامعة تراح ينحل الموضوع بشكل أسهل إن شاء الله؟

وجزاكم الله خيـــــــــــــــــــــــر.

[ام حمدان]

بالنسبه لرمز hist هو عباره عن مواد من قسم التاريخ روحي لموقع كلية الاداب الرسمي وادخلي على صفحة قسم التاريخ وشوفي خطه القسم تبعه وفيها كل ماده ورمزها
بالنسبه لروحتك للجامعه والله انا شفت بنات انتظام يضيفون من الجامعه بنفسهم فأكيد الانتساب نفس الشي
روحي وربنا يسهلك ويبعد عنك المفاجاءات او الفاجعات الي ممكن تواجهك
موفقه ياعزيزتي

[Pationate Bo0osha]

جزاكي الله خير يا أم حمدان....ويا عزيزتي عندي سؤال ثاني, ألا وهو...هل المواد الحرة حقتنا بس إللي محطوطة في قائمة الحذف والإضافة؟! لأني ملاحظة بأنه كلها تخص التاريخ!! وشي عربي وشيئين إسلامي والله أعلم. ودحين مني قادرة أفتح شيء لأنه فيه Error في الموقع! فأرجو إنك تذكريني بشكل عام بالمواد الحرة إللي محطوطة لنا الله يسعدك
والله يعطيكي العافية حبيبتي

[cute*soso]

اهلين حبيبتي
هذا فك لطلاسم علم النفس
http://malowadhi.kau.edu.sa/content....www.kau.edu.sa
وهنا للتاريخ
http://art.kau.edu.sa/Files/125/file...9%8A%D8%AE.pdf

[cute*soso]

وهذي للمواد الاسلامية
http://art.kau.edu.sa/Files/125/file...لامية-2010.pdf

[cute*soso]

المشاركة الأصلية كتبت بواسطة pationate bo0osha وسؤااال آآخر مهم ( أتمنى ألقى إجابته قبل لا أحرك على الجامعة على الفاضي!!)) ألا وهو..بالنسبة للمواد إللي أبغى ضروري أضيفها وهي مش موجودة عندي في قائمة الحذف والإضافة, هل بذهابي للجامعة تراح ينحل الموضوع بشكل أسهل إن شاء الله؟ وجزاكم الله خيـــــــــــــــــــــــر.

وانا أسأل نفس السؤال

[Pationate Bo0osha]

جزاكي الله خير يا كيوت سوسو وما قصرتي إن شاء الله

حبيبتي سؤال بالنسبة للمواد الحرة....دحين أنا أقدر أضيف مواد حرة من خارج القسم..صح؟ وإذا كان داه الكلام صحيح

كيف أضيف هذه المواد؟ يعني أروح للأستاذة وأنا خلاص عارفة المادة إللي أبغى اضيفها ؟ يعني خلاص اكون already عارفة المواد الحرة حقت كل قسم؟

وبالمناسبة, كيف ممكن حضرتي أعرف المواد الحرة حقت كل قسم ( بسم الله ماشاء الله علي يعني) ؟!!

وجزاكن الله خيرا

[cute*soso]

حبيبتي المواد الحرة لكلية الاداب هي نفسها لكل الاقسام تبع الاداب

وشوفي عندنا بالحذف والاضافة طلع عندنا مواد اسلامية وعلم نفس وعربي وتاريخ

بس يختلفون الاقسام بشي بسيط يعني اقسام غير الانقلش يقدرون ياخذون ريدينق 1 او ليسينينق كمادة حرة لهم لكن حنا لأ لأنها مادة اساسية

[cute*soso]

http://www.skaau.com/vb/showthread.php?t=99159&page=2
شوفي الصورة في الرابط
بس مو كلها متاحة لنا
وبالتوفيق ياعسل