فقدنا مصداقيتك يا كريستيانو

[MUFLEH]

الأخ / كريستيانو
مع الأسف الشديد فقدنا المصداقية عندك بعد اختبار القانون الاداري والله يعطيك على نيتك قلت راجعوا ملخص القحطاني ابو 4 ريال في موضوعك الذي كتبته وبجيبوا 90 واذا راجعتو المقال فيه أسئلة والاختبار خرج عن الملخص فقرات كثيرة والمقال لم ياتي منه ولا سؤال
مع العلم أنه كان يوجد عندي ملخص من مكتبة دار الهدى لم يخرج من الاختبار
وارجوا الاخوة في المنتدى عدم الاعتماد على المعلومات المضللة من بعض الاعضاء سواء بقصد منهم او بحسن نية

حسبي الله ونعم الوكيل

حسبي الله ونعم الوكيل

حسبي الله ونعم الوكيل

والله يعطيك على نيتك

[شمس الرياض]

نكبه هذا اللي اسمه مسوي اسم لاعب

وش جاب الزين عند ؟؟؟؟؟؟

[خالد9876]

اخوي مفلح
اتمنى اول شي ان الله يوفقنا وياك والمسلمين اجمعين . انا توني داخل في المنتدى بس ودي اقولك شي بصراحه الاخوان كلهم يسعون للخير ان شاء الله ولا اعتقد ان احد بيعطي معلومات خطاء بالقصد . لاكن برضه اتمنى اي احد ينزل ملخص او يعطي بيانات انه ما ياكد عليها لانه لاي سبب كان ممكن ما يجي منها والمفروض اني وياكم نعتمد على الله ثم على الكتب في الاساس ونذاكر من الملخصات واذا حد جابلنا ملخصات يصير نطلع عليها للزياده . الله يوفق الجميع ويغفرلنا ويرحمنا برحمنه

[العطية]

السلام عليكم
أخوي مفلح ..
دائما مانأكد أن الاعتماد يكون من المفردات لأنها هي الحجه في الأول و الأخر ..
فأنا حضرت إحدى الدورات التأهيلية فأكد الدكتور أن الصح والخطأ لن تخرج من الأربع أوراق الموزعة ..
وللأسف معلومة واحدة ماجت منها ..

ومن تبي تحاكم ..
إذا كان من ضمن الإسئلة
هل أجبت على جميع الأسئلة بشكل صحيح ؟! => يعني ماتأخذ هذي الدرجة !!
أو صاحبة المشغل اللي عند الباب مركبة مرايات !!
أو أو وش تقول وش تخلي ..
لكن الرجل إجتهد وله الأجر ..

[أبويوسف وياسر]

أقول حسبنا الله ونعم الوكيل على الدكتور القحطاني مسوي فيها ملخص ومقال ودنيا وموقع
كل هذا دعايه ااااااااااااااااااه ياقهر

[مبارك الشهراني]

ياخون بنسبه للاخ كرستيانو ماقصر وهو طالب مثله مثلنا هو من واقع حضوره للدوره نقل كلام الدكتور اللى حصل في الدوره بخصوص الملخص عاد اليوم في الاختبار جا الدكتور المصري ساله طالب بخصوص سؤال مو فاهمه كان رد الدكتور على شان مالقيته في الملخصات الى في اخر الشارع في المكتبات يعني شكل عنده خبر بملخص الدكتور القحطاني وهو ماقصر ضبط الاسئله وجاب اكثرها في الباب اللى ماذكر في الملخص باب الموظف


لكن إن شاء الله يعدي الجميع وبالله التوفيق

[alihamad]

شوف انا بنصحك نصيحة ترى انا من المعمردين في الجامعة لا تذاكر ملخص نهائيا في بعض المواد خاصة المواد النضرية لا تعتمد عليها .....اعتمد على الكتاب في المواد النضرية خاصة القانون .....القانون فهم وليس حفظ

[mymoon_15]

بعد التحيه... كان للأخ المذكور سابقه في مادة المحاسبه 101 الترم الماضي وللأسف الشديد كأن الاختبار عكس كلامه واتمنى من الأخ كريستيانو يتحرى الدقه والمصداقيه في طرحه للمواضيع.... ولك تحياتي

[ليل التجافي]

المشاركة الأصلية كتبت بواسطة mufleh الأخ / كريستيانو مع الأسف الشديد فقدنا المصداقية عندك بعد اختبار القانون الاداري والله يعطيك على نيتك قلت راجعوا ملخص القحطاني ابو 4 ريال في موضوعك الذي كتبته وبجيبوا 90 واذا راجعتو المقال فيه أسئلة والاختبار خرج عن الملخص فقرات كثيرة والمقال لم ياتي منه ولا سؤال مع العلم أنه كان يوجد عندي ملخص من مكتبة دار الهدى لم يخرج من الاختبار وارجوا الاخوة في المنتدى عدم الاعتماد على المعلومات المضللة من بعض الاعضاء سواء بقصد منهم او بحسن نية حسبي الله ونعم الوكيل حسبي الله ونعم الوكيل حسبي الله ونعم الوكيل والله يعطيك على نيتك

ياخوي الرجال ماقصّر كان يقصد الخير لنا كلنا مفروض تشكره مو تحسب عليه (لاحول ولا قوة الا بالله ) تبي تحسب روح للدكتور اللي قال الكلام
الحين مشغلين الرجال يوم الدوره الـتأهيليه وش صار وش صار وش قال الدكتور وش المحذوف يوم الرجال نقل الكلام بالحرف الواحد وربي نفس كلام زميلي اللي حضر الدوره هو كان مجرد ناقل لكلام الدكتور مازوّد الرجال ولا نقصّ ولا الزم اي واحد ياخذ فيه .
صرتم تدعون وتحسبون عليه أولاً الرجال ماقال لكم الملخص الا قبل أربع ايام من اخبار الماده وينك كل المده اللي راحت ؟؟؟؟؟؟؟؟؟؟
ثانياً اذا انت فاهم موضوع الملخصات انها تغني عن الكتب أسمح لي جانبك الصواب الملخصات مجرد محاولة لم للماده بعد قراءة الكتاب ولكنها بأي حال من الأحوال لاتغني عن الكتاب ماده بالذات بالمواد النظريه - لأنه طايحين الحين بموضة أسئله من بين بين السطور
بس ياخوك خلنا من الكلام الكبير فقدنا المصداقيه وان شاء الله ناجحين كلكم وفالكم طيب
وبعدين واضح أن سالفة الملخص أنتشرت والدكاتره غيروا الأسئله لأن أكثر الأسئله من المبحثين اللي ماهم بالمخلص مبحث الوظيفه والموظف والعقود

[عذاري جده]

ترى والله مو ذنبه ذنب الدكااترة اللي يتكلموااااا

حتى نحن الطااالباات نقول للدكتوراات كيف الأسئلة

والله لو تسمع الردوووود

اللي اسألها وأقول في مقالي ؟؟ تقول لي ايش رايك؟ لا عااد اسمع هذا السؤال .

والثانية / ايش فيكم انتم ما تحبوا تكتبوا شكلوا القلم اللي معااكم ما يكتب إلا تأشير

وبعد هذه التريقة
يقولوا طريقة الأسئلة وأرووح أكتبها للبنااات مبسوطه عندي معلومه
نروح نختبر ما ألقى كلاام الدكتوراات صدق

بس الحمد لله أنقلهم معلومااات صحيحة خااصة بالماادة

وقت الإختباار يصيبني احبااط كأني أألف على البناااات كلاام

فحراام اسلوب التهجم الغير عاادي على الآدمي

والمفروض انك تكلمه بينك وبينه وما تتكلم والكل يقرااااا