سؤال عن البعثات الداخلية

[sky]

السلام عليكم

لوسمحتو ممكن تعطوني معلومات عن البعثات الداخلية ؟ كيفية التسجيل والوقت وايش يحتاج

[crazy chance]

الصراحة انا قدمت في عفت
رحت عندهم وقلت ابغ اقدم وعبيت اوراق وبعد كدا حددوا يوم اختبرو كل المتقدمات في الانجليزي والرياضيات طبعا بالانجليزي بس بعض الاسئلة فيها شوية عربي بعدين تدخلي مقابلة شخصية بعد كدا يحسبوا درجات الاختبارين بالاضافة للمقابلة واذا عديتي يتصلوا ويحددولك يوم تاني تعملي مقابلة مع الشخصيات الكبرى في الكلية بالاضافة لبعض الاستاذات وبعدين يطلبوا منك انك تفتي موقع البعثات وتسجلي على منحة داخلية وتجي عندهم عشان يتاكدوا انو البيانات نفسها بعد كدا تجلسي وتستني الين يتصلوا عليكي واذا انقبلتي يقولولك تعالي ويعطوكي الجدول وتبدئي الدراسة واذا كان الانجليزي ضعيف يدرسوكي سنة او نص ترم على حسب جودة الانجليزي اللي عندك وبعد كدا تدخلي التخصص وبس وترى مرره حلو الدخول فيها انا جاتني بس الله يهديني اخترت عزوز ومااقول غير الحمد لله يمكن خير

[sky]

طيب متى موعدالتسجيل ؟ وحسب ما سمعت انو لطلاب الكلية نفسها او لطلاب الثانوي واذا لا فهل يحتاج اختبر قدرات تاني؟وهل يحتاج اروح لهم؟

[crazy chance]

لا بس عادي تروحي بمعدل الجامعة حقك ومتى موعد التسجيل والله ماعندي خبر وطبعا اذا بمعدل الجامعة مايحتاج قدرات والكلام دا لانو يعتبر تحويل

[Under The Sea]

اذا كنتِ تقصدي المنح للجامعات الاهلية
يبدأ التسجيل 1 رمضان

[crazy chance]

بس بالنسبة لعفت لازم تقدم من قبل وتعمل الاختبارات والمقابلة وكل كلية لها طريقة خاصة ممكن تتصل وتسأل

[east flower]

طيب من فين نقدم عالمنح الداخلية؟؟؟؟

[رعشة دفى]

على موقع الوزارة التعليم العالي
بالتوووووووووووفيق

[sky]

مشكوورين على الرد والله يعين