البنات اللي تخرجو هالترم ليت تجاوبوني

[ReeM_D]

السلام عليكم ورحمة الله وبركاته

بالنسبه للبنات اللي اخذو بحث وتدريب عندي كم سؤال إذا ممكن

بس قبلها : مبااااااااارك تخرجكم ، و الله يكتبلكم اللي فيه الخير لكم

ونجي للأسئلة :

1- مين افضل استاذة ؟

2- الماده لها اختبار ولا بس بحث ؟

3- التدريب ضروري ؟ وكم عليه ؟

4- هل ينفع اخذ المادة وانا لسا ماوصلت آخر ترم ؟ يعني السنة اللي قبل الأخيرة مثلاً ؟

5- ممكن تشرحولنا كيف تبدأوه ، وطريقة كتابته ، مدة فترة اعداده متى تطلبه الاستاذة ، وهل لازم اتابع معاها ولا عادي اسلمها هوا مره وحده وخلاص ، ومتى المناقشة ؟ وعدد صفحاته ؟ يعني لاتقصرو بالشرح لاهنتو ^_^

[om yara]

انتي وحظك ماده البحث والتدريب لانو من استاذه لي استاذه تتفرق الطلبات
انا بدايه الترم حطوني مع سحر واخذت خطه البحث ومشيت علي الخطه بعد
شعر حولوني عند فاطمه كمال كل بحثي غيرتو لانو طلباتها غير طالبات
سحر اول ضيفي الماده وشوفي تنزلك مع مين بالنسبه انك تاخذها قبل ترم
التخرج ايوه عادي من المستوي اللي قبل الاخر وبالتوفيق ان شاء الله

[نجوله>>]

1- مين افضل استاذة ؟
مااعرف بس انا مع فاطمه كمال جدا متعاونه والدرجه مرضيه وطلباتها بسيطه ومتواصله معاك علطول

2- الماده لها اختبار ولا بس بحث ؟
مالها اختبار لها حاجتين تقرير وبحث كل واحد ملف لحاله تنجزينهم الاثنين وتسلمينهم مع مناقشه بسيطه تسأل عن محتويات بحثك
يعني لازم تذاكريه وتفهميه وتعرفي اش مكتوب فيه بالضبط
3- التدريب ضروري ؟ وكم عليه ؟
التدريب الترم ذا الغوه ومااعرف هل بيلغوه على طول والا بس على حضنا
وكانت الدرجه مقسمه على البحث 70والتقرير 30

4- هل ينفع اخذ المادة وانا لسا ماوصلت آخر ترم ؟ يعني السنة اللي قبل الأخيرة مثلاً ؟
لا لازم اخر ترم

5- ممكن تشرحولنا كيف تبدأوه ، وطريقة كتابته ، مدة فترة اعداده متى تطلبه الاستاذة ، وهل لازم اتابع معاها ولا عادي اسلمها هوا مره وحده وخلاص ، ومتى المناقشة ؟ وعدد صفحاته ؟ يعني لاتقصرو بالشرح لاهنتو ^_^

السالفه من اولها لما تنزلك الماده على الاودس بعضهم اضافوها بنفسهم من الجامعه تاكدي من هالنقطه
بعدها تبدأين الجهاد هههههههه اسوء حاجه مرت علي بحياتي هي البحث هذا
نزلت الماده مع استاذه الفلانيه تدخلين موقعها بتكون منزله خطه اسمها خطة البحث وثانيه اسمها خطة التقرير
تمشين على الخطتين حبه حبه وتسوين بحث كيف تسويه عن طريق الكتب او الرسايل العلميه الخ سواء من النت او من الواقع ههههههه
قبل ذا كله تبحثين عن عنوان لبحثك افتحي مواقع الاستاذات زي الجوهره القحطاني تلقينها منزله مواضيع مقترحه تصلح للبحث
وافتحي مواضيع البنات هنا اللي قبلك وبتلقين موضوع يناسبك ان شاءالله وحاولي يكون مألوف عشان تلقين مصادر بسهوله
واطلعي على ابحاثهم كيف سووها وكيف شكلها اطلعي وخذي فكره نصيحه مني
لان البحث بحد ذاته مو صعب الصعوبه في انك تكوني عايمه ماتعرفي من وين تبأي ولاتعرفي اش السالفه ويضيع الوقت
فلو اطلعتي وشفتي ابحاث قديمه بتفهمين الهرجه كامله
عدد صفحاته مو كثيره حوالي 15 ورقه او اقل والتقرير 10 او اقل
المناقشه بيوم التسليم تسألك عن مضمون البحث حوالي 5 قايق
التسليم احنا كان قبل الاختبارات بشوي يعني وقت طووووويل ماشاءالله
لازم تتابعي معاها اول باول كل ماسويتي جزء منه ترسليه ع ايميلها وتقولك كملي او عيدي وبتتعبين هنا كثييييير خاصة نفسيا الين يضبط بحثك
انا اقولك الحقيقه عشان تفهمين لان محد علمني انو مهلك واكلت هوا

[هدوءءء]

بالنسبة للبحث انا كنت مع أميمة الغفاري جدا متعاونه وتتواصل معك بذمة وضمير واغلبنا درجاتنا عندها ف التسعين الحمدلله
لو تاخذية اخر ترم افضل
الباقي ماقصرو اللي قبلي شرحوة لك
بالتوفيق

[متخرجه_الا_نقطه]

انا بالنسبه لي اشوف افضل استاذه امال عوض بدون منازع طيبه ومتعاونه ودرجاتها حلوه والبحث خفيف وحلوو انا اخذت عندها اي بلس وبدون تعديل الا في التقرير وشي بسيط مرره
صديقتي اخذت عند اقبال وطفشتها تعديل وهم وفوق 7 مرات تعدله وفي النهايه اخذت اي

وصديقتي الثانيه عند رغدا وفي البدايه قالتلهم بدون مناقشه وبعدين غيرت رايها وبحث كامل مع ااستبيان وهم وفي النهايه اخذت 80


عشان كذا لو تبي خذي مع امال اذا مالقيتي رغدا وبعدين اقبال لانها دقيقه وكثير تعدل ولازم تروحيلها كثيرر

[ReeM_D]

مرررره شكراً يابنات الله يجزاكم خير
ويا نجوووولة مرره شكراً ماقصرتي ( الله يسعدك ويوفقك ويكتبلك كل خير )
عندي سؤالين : 1- التواصل يكون على الايميل يعني مااقدر اروح للأستاذه ؟
2- وكيف اعرف اذا رجعو التدريب او لا وين اروح اسأل؟

[Abrar88]

http://www.skaau.com/vb/showthread.p...67#post7001667
انا كاتبة تجربتي في البحث هنا
وياريت كلنا نكتب تجاربنا في نفس الموضوع

[Memo lola]

موضوع مفيد جزاكم الله ألف خير

[M!!ss AnA]

المشاركة الأصلية كتبت بواسطة reem_d السلام عليكم ورحمة الله وبركاته انا عشان البنات خوفوني من دي الماده كتير احب اطمنك وراح اساعدك باللي اقدر عليه 1- مين افضل استاذة ؟ انا اخدتو مع امال عوض هيا جدا متعاونه وطيبه وكل شي بس بالمناقشه سالتني كل شي يخص البحث بس الحمدلله ادتني نتيجه حلوه,, انا سمعت سحر مهران جدا كويسه وفاطمه كمال ورغداء الرملي 2- الماده لها اختبار ولا بس بحث ؟ مالها اختبار ابدا 3- التدريب ضروري ؟ وكم عليه ؟ التدريب دا السمستر خلوه اختياري اللي حابه تدرب تدرب واللي مو حابه تتكلم عن التقرير بشكل عام اهداف التدريب واهميه التدريب والايجابيات والسلبيات بس انا عن نفسي تدربت كخبره وغير كدا انو لمن تناقشك تحسي انك تتكلمي من خلال تجربتك مو لمن تتكلمي عن التدريب تحفظيه وكدا ,, طبعا دا اذا كنتي غير موظفه اللي مو موظفه لا تدرب بس تجيب افاده انها موظفه 4- هل ينفع اخذ المادة وانا لسا ماوصلت آخر ترم ؟ يعني السنة اللي قبل الأخيرة مثلاً ؟ ممممممم ممكن بس بطرق غير مشروعه يعني مثلا تفتحي الادوس الصباح وتنزليها عن طريق الادوس لمن يفتحو الشعب 5- ممكن تشرحولنا كيف تبدأوه ، وطريقة كتابته ، مدة فترة اعداده متى تطلبه الاستاذة ، وهل لازم اتابع معاها ولا عادي اسلمها هوا مره وحده وخلاص ، ومتى المناقشة ؟ وعدد صفحاته ؟ يعني لاتقصرو بالشرح لاهنتو ^_^

كيف نبداو حسب الاستاذه ومتطلباتها فتره اعداده لمن تبدا المحاضرات لانو دا السمستر خلوه محاضرات .. لازم تتابعي معاها .. المناقشه قبل الاختبارات باسبوع تقريبا طبعا في استاذات اذا تحوبي تناقشي بدرس عادي يسمحو .. عدد صفحاته حسب الاستاذه انا د امال طلبت مني 20 بس
الماده حلوه انتي اختاري موضوع انتي حابته مثلا اهميه التكنولوجيا في المنظمات الحكوميه اهميه التدريب زي كدا افهمي الموضوع وحبيه عشان لمن تبحثي بقوقل عنو يكون سهل عليكي لاتخافي ابدا من الماده بس كوني على تواصل مع استاذتك عشان تعرف لانو في اساتذه بمجرد ماسمعت اسم الطالبه افتكرتها انها كانت تحضر محاضرات ومواظبه معاها ومتفاعله وما ناقشتها شي لانها تعرفها وربي يوفقكم

[ReeM_D]

شكرا يابنات ماقصرتو ، الله يجزاكم خير
رفعت الموضوع للفائده
بس ممكن سؤال مين افضل استاذة امال او استاذه فاطمه وشكراً لكم