ماهـو بكفـو الوقـت حبـك يمحّـيـه

[ابو رابح]

ماهـو بكفـو الوقـت حبـك يمحّـيـه
ياللي تخـاف صـروف الايـام تمحـاه

ارتـاح ..مـادام المـواصـل يقـوّيـه
انت انت..وانـا انا..وقلبـي هـو ايـاه

حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه

حبـك علـى رملـة خفوقـي مواطيـه
ورياح عذلي عنـك مـا تمسـح خطـاه

واللي يعـذل القلـب عـن درب غاليـه
الله بمـا يـبـلا الموالـيـف يـبـلاه

اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
مـن كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعيـنـك تـحـلاه

شـرط ٍ تشوفـك فيـه منـت بحواليـه
ويمكن تشـوف ديـار واماكـن ارعـاه

وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه

وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه

وبتشوف حصن ٍ عـج الاقـدار سافيـه
وبتشـوف باقـي بيـت راعيـه خـلاه

لا تنزعـج هـذا خفـوقـي وباقـيـه
ولا تضايـق مـن تـصـدع زوايــاه

قـد زلزلـه فرقـا وهـزت عـراويـه
والله ستـر والحـظ عـانـه وعـافـاه

ابغيـك بـس مـن المفـارق تـداريـه
وازهل مـن يـداري شعـورك ويـدراه

وحلـل وحـرم فيـه يابـرك بـلاويـه
وحلّه وراع رضـاي ورضـاك ورضـاه

جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه

انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه

تلـقـاه دوم وكــل يــوم ٍ تلاقـيـه
والـى بغيتـه صـدق مـا عـاد تلقـاه

ولا انت ردك كـل مـا ادعيـك.. لبيـه
انشهـد ان منتـوا بفيعينـي اشـبـاه

منت بمع العالم ولا تقـول لـي.. ليـه
انت ادرى منـي وش جوابـي وفحـواه

كذيـه... ومـن الله يـازيـن وإلـيـه
واغلا طـروش القلـب ودواه مـن داه

الحلـم ياتيـنـي بـزولـك واراعـيـه
وفـي كـل حلـم اقـوم قبـل اتحفـاه

اعشق سميك فـي البزاريـن وادعيـه
واقبـل خطـاه الـى اخطـا واتلـقـاه

واسمـك يروعنـي الـى مـر طاريـه
واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجـيـه
وانـا لونـه فـي يـدي مـا اتـعـداه

حتى (توايـر) (موتـري) تلتفـت فيـه
تبغي تلـف ويستحـي العقـل والجـاه

وصلك يخيـط الصـدر والبعـد يفريـه
ويابـري حالـي كـان صديـت بريـاه

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّـك....... استغفـر الله


بن فطيس

[سنفورة موت]

روعه روعه روعه ....
والله هالادامي شاعر بن شاعر ومبدع

سلمت يمناك يااخوي ذويق قسما وربي

شكرا من الاعمااق

[عبدالله بن عبدالرحمن]

ابو رابح ...
الله يسامحك..
بجد الله يسامحك..

ذوق والله يادكتور

[Hamsa }~]

حتى (توايـر) (موتـري) تلتفـت فيـه
تبغي تلـف ويستحـي العقـل والجـاه

عجبني هالبيت ..

دمت بخير ..

[شرووق]

ذووق

واختيــآر رآئــع


عودآ حميدآ ابو رآبح ..

[ابو رابح]

المشاركة الأصلية كتبت بواسطة سنفورة موت روعه روعه روعه .... والله هالادامي شاعر بن شاعر ومبدع سلمت يمناك يااخوي ذويق قسما وربي شكرا من الاعمااق

العفو وماسويت شي الله يسلمك ويعطيك العافيه على مرورك
لا عدمنا طلتك
شكرا

المشاركة الأصلية كتبت بواسطة عبدالله بن عبدالرحمن ابو رابح ... الله يسامحك.. بجد الله يسامحك.. ذوق والله يادكتور

اللهم امين :) ويسامحك انت بعد
الذوق ذوقك حبيب قلبي
سرني تواجدك لاهنت

المشاركة الأصلية كتبت بواسطة hamsa }~ حتى (توايـر) (موتـري) تلتفـت فيـه تبغي تلـف ويستحـي العقـل والجـاه عجبني هالبيت .. دمت بخير ..

دمتي بود وسعاده وشاكر لك مرورك منوره

المشاركة الأصلية كتبت بواسطة شرووق ذووق واختيــآر رآئــع عودآ حميدآ ابو رآبح ..

اهلا اهلا اهلا
الله يحييك ويسلمك ويعطيك العافيه على ثهادتك
شرفتي


تحيتي ابو رابح