من غشنا فليس منا

[سطام]

المشاركة الأصلية كتبت بواسطة هوكي توكي شكل المواضيع خلصت مالقيتو شي تهرجو فيه هههههههههههههه

الله يجزى كاتب الموضوع خير
بعدين المسأله
ذكر فإن الذكرى تنفع المؤمنين

[عبدالله بن عبدالرحمن]

:)
شباب المثالية الزائدة وبكل صراحة هى زائفه
يعنى انت ياصاحب الموضوع عمرك ما مشيت حالك بكم سؤال من زميلك او فتحت الكتاب بالدرج وانت بالثانوي؟؟؟؟؟؟؟ ههههههههه الموضوع نقاش شباب فأتمنى محد يزعل ..

فى اعتقادي اذا االانسان ذااااكر تمام وبذل مجهود كبير بالمذاكرة طوال الترم وبالامتحان دقرت لة فقرة ولا فقرتين وجنبة واحد يعرفة (شرط يكون يعرفة مسبقا) وطلب منة هلافقرتين لا بأس فيها وانا اشوفها من باب التعاون
اما اللى يجي مييييييييييح يقدر يذاكر بس هو مايبى هذا اللى المفروض ما تعطية ولا فقرة

:)
بعدين لية معقدينها شباب وفتاوى وشغلات كبيرة الدنيا سهالة شباب ومن فرج على مسلم كربة فرج الله عنة كربة يوم القيامة بلاش تعقيد شباب خلوكم كوووووووول ومشو وضعكم
ههههه ادري كلامى بيزعل ناس بس تبقى وجهة نظر

بعدين الاخ اللى يقول مطاوعة اخوى فية ناس تربي اللحا كبرستيج اجتماعى ليس اكثر وفية ناس يسوون اكبر من كذا فلا تربط بين الثنتين وما احد معصوم غير خير البشر صلى الله علية وسلم

ادعو لى بالفرنسي واللى يقدر يغششنى الله يوفقة
هههههههههه لا احد يزعل خلونا نوسع صدورنا شوي بلاش مثالية زائدة وزائفة

على فكرة انت يا صاحب الموضوع لو نزل لك مخالفة بساهر بــ 1800 وعندك رحلة برا السعودية الاسبوع الجاي وجاك واحد فرضا قالك بشيلها عنك من باب الخدمة بتشيلها ولا لا ؟؟؟؟؟

اعتقد انك ما بتشاور احد طيب لية هنا حلال وهنا حرام
او لو كنت راح لمستشفى وتبي موعد مع الدكتور وسجلو لك موعد بعد 6شهور وجااك واحد قالك تعال بقدمك بكرة
اكيد بتقول طيب موافق طيب هنا بذمتك مو نفس السالفة
:)
بلاش مثالية زائفة يا اخوان خلونا زي ما احنا بدون تكلف احسن

[smshajri]

درجه مبروكه ولا عشره الله نازع منها البركه
طول حياتي اغش وفي ثالث ثانوي التزمت و نويت ما اغش والله يا اخوان لو تشوفون كيف الله يمتحني شي يجنن عمري كله وانا اتعب في الغش وخوف من الاساتذه والله ان في الاختبار يجيني الاستاذ ويعلمني الاجابات وش رايكم اغش ولا لا لاني مالي دخل لكن والله كنت ابتسم تفاديا للاحراج ولما يروح ما احل السؤال الي علمني وياما تركت فراغات سمعت حلها قبل اجاوب وكان اثنين من زملائي انصحهم بحرمة الغش وكانوا يتعذرون بصعوبة الاختبار والنسبة مهمه إلخ المهم تخرجت وجبت العيد بنسبة 78 واخوياي بالثمانينات وماشي لكن توظفت في شركة الكهرباء و بتوفيق الله ثم دعاء والدتي في نفس العطلة الصيفيه واخوياي جلسوا سنتين ثم توفقوا بالعسكرية

وليومك اشوف توفيق الله لما اترك سهولة الغش الي تطير البركه فاللهم لك الحمد والشكر كما يليق بجلالك وعظيم سلطانك واساله الله انكم تشوفون بركتها والتجربة خير برهان لكن الله حيمتحنك فجد واجتهد وتوكل على الله فما ضاع من كان الله وكيله

[مني يغار الورد]

الله يهدي خلقه

[طلوووول]

الله يعطيك العافيه اخووووووي على المووضوع ..


بس الظاهر خلصت الاختبارات وجتنا المثاليه الزايده ياخوووي تقنعني انك ماسويت شي بحياتك ....

ومن تاب تاب الله عليه والحمد لله ان التوبه مو بيديكم ,,,,,

اتمنى اننا مانحاول نفتي وان راتبه حرام واكله حرام ....

ياخي في ناس تابت وفي ناس الله يتوب عليها بس اتمنى نبتعد عن المثاليه الزايده لان ماجاب العيد فينا الا المثاليه الزائده بالمواضيع للدفاع عن ا لدكتور فلان او فلان او موضوعك المثالي واتمنى ينقل لمنتدى المواضيع العامه او القسم الاسلامي ,,

الواحد جالس ينتظر نتيجته وناس ذابحتهم المثاليه يعننني ...

ان مو مع الغش ابد ولا احبه بس يعني الكلام اللي راتبه حرام ومدري ايش انت مو ربنا عشان تقول هالكلام بل ادعى لهم بالتوبه والنصيحه بالكلمه الطيبه مو بالكلام واللي بدقن وثوبه قصير جزاه الله خير وان شاء الله نحسن الظن فيهم وان حصل خطاء الله يحاسبهم وندعوا لهم بالتوبه وان الله يغفر لهم ...



ويجيك واحد مطول ثوبه ومحلق دقن ويفتي يا اخوان المشايخ ماعاد يفتون فا ابتعدوا عن كل الفتاوي واقربكم للفتوى اقربكم للنار ...


وانصحوا بطريقه ارقى وللنصيحه والله يهدي الجميع ويوفقكم جميعا ,,,

[e.academic]

الموضوع واظح وصريح ..وبعدين ايش الاسلوب اللي يعجبك ؟؟؟؟؟ يعني نقول مثلا (يبابا لاتغش في الاختبار عشان ربي مايزعل مننا) اعتقد احنا اكبر من كذا ..

[ابوخالد36]

معليش ياشباب وبدون زعل
نحن نفك ع انفسناا باب و على القسم ايضاا لمااا واحد يكتب عن الدكتور الفلاني انه مايغير الاسئله او انه متساهل جدا في التصحيح او الغش ..... فيه من اعضاء التدريس والاداريين يدخلواا ع المنتداء ويكونوا ع الطلاع ع مايدور هنااااا
نعلم انها تكون ع حسن نيه ولا كن تكون نتائجهاا عكسيه ..
وبعدين الاخوان الذين يتشمتوا يحمدوا الله .....

[Brilliant Shores]

الله يصلح الحال ويهدينا جميعا


حصل خير يااخوان استهدوا بالله ،،

[nanasmile]

يً عآلمَ قولوَ آلحمد لله علىَ كَل حآل ,, آلله وحدةة عآلمَ بمآ تَخفيةة آنفسسنآ ,,

[smart1111]

لا تنهى عن خلقا وتاتي بمثله عارا عليك اذا فعلت عظيم


اتمنى ربي يثبتكم