وش رايكم تايدوني

[ابو عبدالله2000]

شباب بنات كيفكم ان شاء الله الكل ناجح


الحين الكل متذمر من الاختبارات ومن بعضهم يقول صعبه والبعض يقول سهله

وش رايكم نقترح اقتراح بالغاء شي اسمه اننتساب

يعني بالعربي تبغى تدرس خلك منتظم افهم الماده ولخص مع الدكتور او المدرس ولا اللي يكون

قروشه من اول السنه وتلخيص والخ واخرتها نقول الاسئلة صعبه ومدرس المادة ماعطى الوقت الكافي واحنا طلاب انتساب المفروض يتعاطف معانا

على الاقل طالب الانتظام يدخل الاختبار ويختبر بدرجات معينه ياخمسين او ثلاثين ماعرف تقسيمهم

واحنا يالانتساب هههههههه ندخل الاختبار ومعانا صفر

بالعربي او بالعافيه ولا مازولا بايخه صح

المشكلة ماشاء الله اكثر اللي اعرفهم داخلين هالجامعه والله يقولون لي مانذاكر الا اخر اسبوع نشري ملخص وندخل الاختبار

ههههههههه واانا ولا غيري من اول السنة مدرسين ولخبطه ونقول صعبه والوقت ماكفانى

مادري العيب فينا ولا في هالجامعه

طيب هذا شي والشي الثاني اللي يبي يهون يرجعون فلوسي وفلوس المدرسين اللي جبتهم يدرسوني ولا راحت خساير هيك وهيك

شو مابدهم يرجعون فلوسي اولاك ههههههه احس اني انلحست هههه

ولكن في النهاية اللي ابغى اقوله
املي بالله كبير وان شاء الله تتيسر من رب العالمين لا دكتور ولا غيره ربي من فوق ان شاء الله مايضيع تعب احد

وسعوا صدورك ولاتشغلون انفسكم كل يوم وانت كاتبلك موضوع وتقولون كذا وكذا والدكتور كذا صحيح حق من حقوقكم وهم عارفين هالشي يعني لاتوجع راسك بشي انت ماراح تقدر تسوي شي

وياشباب الدعاااااااااااء البعض دعاء على اللي حط الاسئلة ترى على ماضن مايجوز ليه ماتدعيله بالعكس ان الله يهديه ليه احنا دايم عكسيين بحياتنا

ليه اللي يغلط على طول ندعي عليه ليه ماندعي له ان الله يهديه تكون اخذت حسنات على الاقل

وصدقوني انا طالب مثلي مثلكم ولكن الشي هذا اللي تسوونه مايصلح وهذا من وجة نظري عارف طالعين من الاختبار ومتهجمين بس ركدوا ولا تنفعلون وخذولكم شور بارد ترى يروق الاعصاب ويهديها اوي ههه
المهم لاطيل عليكم بالتوفيق للجميع

[امـــيرهـ]

هههههههههههه حلووووه نلغي الانتساب
والله بنات الانتظام نفس الحاله بس صح الدرجات غير
لكن ان شاء الله يراعووونا وينجحونا كلنا
تقول ماندعي عليهم ::
طيب مثل اختبار الثقافه والله والله اظلل وورقه الاسئله مقفله ماعرفت شي ابد لكن لما راجعت مع البنات فيه اشياء صح <<حظي حلو
طيب انا اقول اذا فيه احد راسب في ماده ياخذون من الماده الثانيه درجات وينجحونا اهم شي انجح ماابي انتظم

[ابو عبدالله2000]

المشاركة الأصلية كتبت بواسطة امـــيرهـ هههههههههههه حلووووه نلغي الانتساب والله بنات الانتظام نفس الحاله بس صح الدرجات غير لكن ان شاء الله يراعووونا وينجحونا كلنا تقول ماندعي عليهم :: طيب مثل اختبار الثقافه والله والله اظلل وورقه الاسئله مقفله ماعرفت شي ابد لكن لما راجعت مع البنات فيه اشياء صح <<حظي حلو طيب انا اقول اذا فيه احد راسب في ماده ياخذون من الماده الثانيه درجات وينجحونا اهم شي انجح ماابي انتظم

اللهم اجعلني مظلوم ولاتجعلني ظالم
مو قصة كذا بس ليه ندعي عليهم يمكن ترجع الدعوه على شخص نحبه عرفتي

[امـــيرهـ]

حلال فيهم ياخوي يحسبون عقولنا مثل عقولهم ربي عالم بحالنا

[أبو سـالي]

أقول أجلوا النقاش الى بعد النتائج أملي بالله كبير
ان شاء الله يساعدون الطلاب بدرجات مساندة
للنجاح