رأيكم في الدكتورات plan b فرع الشرفيه

[lmes]

السلام عليكم .. لطالبات فرع الشرفيه اللي عدو السنة التحضيرية حابة اسألكم عن الدكاترة

إلى الآن نزلتلي دكتورة وحدة إللي هي د.فاتن الحسين
ياليت تعطوني معلومات عنها ورأيكم الشخصي فيها
وطريقة شرحها
وجنسيتها للأمانه شي مهم عندي لأنه تعودي على مدرّسات سعوديات حيسببلي أزمه (:

[الفتاة الغامضة]

أستاذة فاتن هي سعودية ..

بالنسبة لي كانت أفضل أستاذة في الإحصاء في فرع الشرفية .. الحمد لله جبت معاها a+
طريقة شرحها مرة حلو .. و دائما كلاساتها زحمة ..
كويس إنهم حطوك معاها عشان ما تضطري تدوري على دكتورة ثانية ..

[القمر123]

حبيبتي ممكن تقوليلي ايش شعبتهآ ووقتهآ من متى لمتى ويووم ايش ضرووووووري !!

[Sona12]

طيب أستاذة هديل الوريثي
ايش معلوماتكم عنها وكيف شرحها ؟؟

[lmes]

المشاركة الأصلية كتبت بواسطة القمر123 حبيبتي ممكن تقوليلي ايش شعبتهآ ووقتهآ من متى لمتى ويووم ايش ضرووووووري !!

لسا ما حدثت جدولها الدراسي , اخر شي نزّلته كان الترم الثاني السنة الماضية وتقدري تشوفي في موقعها في جامعة الملك عبدالعزيز بإنك تكتبي إسمها في google

[lmes]

المشاركة الأصلية كتبت بواسطة sona12 طيب أستاذة هديل الوريثي ايش معلوماتكم عنها وكيف شرحها ؟؟

د.هديل الرويثي ما اعرف عن تدريسها
لكن اعرف انها خريجة جامعة الملك عبدالعزيز قبل 4 سنوات

[Alosh.M]

مدامكك عند فاتن امكك داعيتلكك ماشاء الله تبارك الله
افضل استاده احصاء فالفرع حبيت الاحصاء معاها
بس مرا دقيقه ع الوقت لو تاخرتي دقيقه م تدخلكك
بس روحها حلوه واسلوبها حلو م تخليكي تنسي الماده

[الفتاة الغامضة]

المشاركة الأصلية كتبت بواسطة sona12 طيب أستاذة هديل الوريثي ايش معلوماتكم عنها وكيف شرحها ؟؟

أفتكر بنات كانوا يحضروا السكاشن حقتها وقالوا إنها كويسة ..
عشان ما يقدروا يحضروا مع فاتن بسبب تعارض الوقت أو كلاسات مس فاتن مليانه فما يقدروا يحضروا ..

[بنت عز ما تنهز..]

افضل دكتورات بالشرفية:-
الاحياء افضل شيء تحضري عند المنسقة وهي دكتورة فريال بوقس..انسانة جدا رائعة وطيبة ومتعاونة وحبيت الاحياء معاها

الاحصاء افضل دكتورة هي المنسقة دكتورة فاتن - وكمان استاذة هديل الرويثي جدا جدا جدا رائعة وانا كنت احضر عندها..انسانة متعاونة وشرحها رائع وسهلت عليا الاحصاء كثير لاني ما كنت افهم مع دكتورتي

الكيمياء افضل دكتورات هم عائشة المباركي و ريما الحارثي
والمنسقة دكتورة ضحى
انا كنت احضر عند دكتورة عائشة المباركي كمان لاني ما كنت افهم على دكتورتي..فدكتورة عائشة المباركي جدا رائعة وطريقة شرحها تعجبني ومحاضرات السكشن حقتها جدا مهمة لانها بتقول فيها ملاحظات احيانا وقت المحاضرة ما يكفيها تقولها


طبعا اكيد في استاذات ودكتورات كويسات بس انا ما اعرف اسمائهم


وحابة اقولكم شيء
السنة التحضيرية تعتمد 75% على اجتهاد الطالب
وفقط 25% على الاستاذ او الدكتور

فانتو اجتهدوا وربي ييسر لكم كل خير
موفقين..

[ميرفت رواس]

مين تعرف استاذه تغريد مسعود مادة الاحصاء اعطوني اي معلومه عنها