نزلت درجة اللغويات التطبيقية dn ؟!؟

[Ahmed AlQahtani]

السلام عليكم

مثل الموضوع نزلت الدرجه لي dn وانا حاضر الاختبار في الرياض ومتأكد من الاسم والرقم الجامعي وحلي كان ممتاز

وش المقصد منها ؟ ووش الحل لها ؟! أفيدوني لاهنتوا

[الصفـــ البارد ـــر]

وانا نفس وضعك اخنبرت في الدمام ودرجتي dn

[somaosoma]

انا في ابها و نفس الوضع
والله عبث واستهتار وانا انتظر التخرج .. الله المستعان
اعطونا حل ياجماعه الخير

[عايض حمد]

السلام عليكم
وانا يااخوان اختبرت بابها ومتأكد بإذن الله والاختبار كان سهل جدا
والقى الدرجهdn

قاعد ابي احل موضوع مرسبيني بعلم الدلاله وتطلع مشكله التطبيقيه
الحمد لله على كل حال

ياريت يفيدنا احد الله يكتب اجره ويوفقه اللي بيساعدنا
وودنا برقم د سلطان الحاتمي

والله يوفقنا جميع

[soma1985]

انا اختبرت بالرياض ونفس الشي dn في الماليه الدوليه وانا متاكده من اسمي والرقم الجامعي

[Ahmed AlQahtani]

مشكله بصراحه وانا بعد خريج ان شاءالله ولكن صدمتني ال dn يوم شفتها

[Painter]

اسمع يالحبيب اذا درجاتك dn وفي هذه الحاله ترفع لهم معامله اكترونية وتذكر فيها عذرك اذا اقتنعو يغيرون الدرجة الى at ويسير عندك اختبار بديل في هذا المادة يعني لو نزلت في جدولك تحذفها وتختبرها مع الاختبار النهائية وتكتب على الورقه اختبار بديل وذا انت متاكد انك اختبار ت المادة عليك مراجعة سكرتير القسم وبعد ان يتاكد مع الدكتور والكشوفات انك حضرت يغيرون لك الدرجة
في الاخير هذه الجامعة عبارة عن حصالة فلوس ودهم انك ماتتخرج من عندهم خاصة الانتساب لانك تدفع كل ترم 3000 ريال وعليك الحساب جامعة خااااايسة بمعنى الكلمة

[ابو دانيه]

السلام عليكم
شباب تطمنوا الموضوع باذن الله بسيط
حصل لي نفس الشي الترم الماضي وفي الاخير تعدلت واتضح ان السبب ان النتايج ارسلت بالغلط لاقسام اخرى وعلى شان ترجع المعامله للدكتور يبي لها وقت
الامر الاخر احيانا يضغطون عليهم ينزلون النتايج فينزل لك dn ولما يخلص يعدلون النتائج

صدقوني راح تتعدل
ابشروا بالخير

[Ahmed AlQahtani]

المشاركة الأصلية كتبت بواسطة ابو دانيه السلام عليكم شباب تطمنوا الموضوع باذن الله بسيط حصل لي نفس الشي الترم الماضي وفي الاخير تعدلت واتضح ان السبب ان النتايج ارسلت بالغلط لاقسام اخرى وعلى شان ترجع المعامله للدكتور يبي لها وقت الامر الاخر احيانا يضغطون عليهم ينزلون النتايج فينزل لك dn ولما يخلص يعدلون النتائج صدقوني راح تتعدل ابشروا بالخير

الله يبشرك بالخير ،، ولكن كم وقت أخذت لين تعدلت؟

[ابو دانيه]

ماده مقدمه في الادب مع طارق الياس
الصراحه تاخرت وكان السبب مثلما قلت لك انها ارسلت لكليه الاقتصاد والاداره واحذت لفه معامله حكوميه حتى رجعت للدكتور وصححها ورفعها
يبي لها وقت واتذكر ان سكرتير مدير القسم اعتقد اسمه عاطف هو اللي قال لي السالفه وبنفس الوقت لما خلصت اعطاني زميله الثاني في مكتب مدير القسم واحد اسمه فهد اعطاني الدرجه
قبل ترصد
اقتراحي تواصلوا معا فهد او عاطف بمكتب مدير القسم