دعوة للفضفضة ...!

[شخصية مستهدفة]

السلام عليكم ...

مسآء الخيرات و المسرات ....

يومي احباط احباط احباط ....

أبغى أحد يسمعني يا ناس ... و يرد عليّا بالعقل و المنطق ...

أنا متخرجه من الثانوي من 7 سنين تقريباً ..وكانت نسبة الثانوي 87,50 %

درست سنة بالكلية و ما قدرت على أنظمتهم و خرجت ... جلست تقريباً سنة بالبيت وبعدها اتصلت عليّا و حدة من زميلاتي و قالتلي ايش رايك نقدم عالجامعه ؟؟؟

قلتلها كيف نروح قالتلي لا نقدم عالنت ..

قلت طيب انتي عارفه أنا ما عندي نت ... قالت لي ابشري ولا يهمك أنا أقدم لك عالنت...

بعدها بكم يوم كلمتني و قالتلي ترى ما راح يقبلوكي الا انتساب...؟؟

عشان معدلك نازل !!!!

ولا فهمت حركتها إلا بعد ثاني ترم لي في الجامعه قابلت وحدة و قالتلي ليش ما قدمتي انتظام معدلك كان قبلوه وقتها ؟؟؟

فهمت ساعتها عشان هي نسبتها في الستينات ...

راحت قدمت لي معاها انتساب ...

و طبعاً هي بعد فترة لقيت لها وظيفة و تركت الجامعه ...يعني بكل بساطه << انضحك علي !!!!

و أنا جالسه أحارب و أجاهد في الدراسة الحين ...

عميد الجامعه د/ الطيب أرسلت له بهالموضوع بأول سنة لي بالجامعه و شرحت له كل شي ولا جاني أي رد !!!

كلمت العالم و الناس شوفولي ان شاء الله واسطه بما انه كل شي ماشي بالواسطات هالأيام !!!!

برضو ما في فايده !!!!!

عموماً ...

رضيت بالأمر الواقع و صرت أشتغل و أدرس بنفس الوقت ...

3 سنين و أنا معلمة لغة انجليزية .. السنة هذي حبيت أقدم استقالتي و اتفرغ للدراسة بما انه باقي لي ترمين عالتخرج ....

والله العظيم اني أكلت الكتب أكل ...

واجتهدت و سويت كل شي تتخيلوه ...

واختبرت أبلايد و فونولوجي...إلى الآن..

وباقي لي أدب و براكتيكم ..الأسبوع الجاي...

ياناس والله لما اختبرت الأبلايد ورجعت البيت جاني هبوط بالضغط من كثر التعب و المذاكرة...

نزلت نتيجتي فيها f ؟؟؟؟

و أنا واثقه من نجاحي بالمادة ...؟؟؟

أبغى أحكي معاناتي كطالبة انتساب ...

1- امتحانات دورية (( مافي ))

2- واجبات و عليها درجات (( مافي ))

3_ امتحانات تحسينية (( مافي ))

4- ورقة الامتحان في نهاية كل ترم (( 100 )) درجه ..

5- المحاضرات (( 3 أسابيع فقط في كل ترم ))

6- حتى لو طالبنا الجامعه بأبسط الأشياء اللي هي حقنا كطالبات مثلاً ورقة تخفيض لتذكرة السفر ((مافي))

7- لفترة 3 سنين إحدى البوابات في الجامعه كنت لما أجي أبغى أدخل منها يمنعوني موظفات الأمن (( هذي بس لطالبات الانتظام )) !!!!!!!!!


و بعدين ؟؟

هذا الشي يرضي الله سبحانه وتعالى ؟؟؟؟؟؟؟؟؟؟؟؟؟؟

يرضيكم كشعب في بلد الخير و ((((( الأمن و الأمان )))))) !!!!!!


أنا ماني حاسة بأي أمان و أنا شايفه مستقبلي يضيع من بين يديني...

كل ما قلت التخرج قريب أشوفه يبعد عني و يصير مثل السراب و الوهم !!!!!

أنا تعبت نفسياً و ساعات أضعف و أقول أبغى أترك كل شي لكن كل اللي باقي لي للتخرج المفروض 8 مواد ...!!!

أحد يرد عليّا و يبرد النار اللي بقلبي و يقولي ايش أسوي بالضبط ...

[لصمتي حكمة]

الله يوفقك مالك غير الدعاء وربي ماراح يضيع تعب احد والله من جد انقهرت من حركة صديقتك بس ربي راح ياخذلك حقك وبعدين انتي لك فتره في الجامعه المفروض انك تعودتي عليهم

[شخصية مستهدفة]

لصمتي حكمه ..

أشكرك على ردك ..

بس مافهمت تعودت على مين قصدك الأنظمة و الأشياء اللي كتبتها بالعدد فوق؟؟؟

أنا ياما تكلمت و اشتكيت حتى عميدة كلية الأداب دخلت عندها بنفسي و كلمتها و لا سوت ولا شي ... سمعتني و بالأخير قالتلي حطي عندنا رقم تليفونك ...!!!

و هالكلام يمكن من سنتين أو أكثر !!!!

وضعنا ما ينسكت عليه .. حتى ترم صيفي مالنا ؟؟؟

وبعدين ...؟؟؟؟

نبغى تعديل لو شي واحد بس نحس الجامعة أنصفتنا فيه ...؟ ماني لاقيه !!!

[*غند*]

اه مييين يسمع بس

اكثري الاستغفااار والله يهونها من عنده

[ابوخالد2008]

اختي الكريمة الله يجبر خاطرك
و اليأس شيليه من قاموسك
قد تكون الشكاوي هي اللي عطلتكي و جعلتك مستهدفه؟!!!
الله يفرج كربك و لا ياس مع الحياه الله يسهل امرك و تنالي التخرج

[cute*soso]

شخصية ياقلبي
اااه بس
لا تشكي لك ابكي
انا صار لي مثلك واكثر والله
بس وش اسوي يعني؟
مالي الا اتناسي كل القهر


ياقمر فلها وربك يحلها

[Brilliant Shores]

هونيها وتهون واقهري كل الظـــــرووف واجتهدي وربنا يوفقك


الحمدلله على كل حـــاال ،،،،، الله يفرجها على الجميع

[نص دافوره]

رببك كررريم ولا تياسي

وادعي ربك داايم انه يسهل علليك

والله ييسر امرك

[حنين الود]

ياما وياما فيه اشياء سلبيه كتير في الجامعه والواحد بيحاول يغير ويغير بعدين يستسلم ويحاول يتكيف مع المكان الي هوا فيه يعني تبغي تعدلي العالم كله ؟؟ ماحنقدر بس نقدر نغير عالمنا احنا ونخرج ونتخرج من العفن الي اسمه الجامعه بس حابه اقولك ادخلي اليوتيوب واكتبي

درس تعليمي عملي رائع في مدرسة أمريكية

والله حياتك حتتغير لما تشوفيه لآخر دقييقه المقطع يادوبك 2.41 دقيقه ممكن تشوفي وبعدها لازم تردي عليه وتنزلي كلام هناا اوكي؟؟
وابغاكي تعرفي انو انا قاعده بدعيلك .. ساعدي نفسك واتوكلي على ربنا مو تساعدي الشيطان على نفسك وغيري النك نيم او اليوزر تبعك بليز لو تقدري حتشوفي كيف تتغير نفسيتك....
اتمنى ترديلي

[The Creative]

حاولي تتخطي الشي دا ،، خلاص بإذن الله ما باقيلك شي

و سيبيها على ربنا

لا تحسبي كل ما أخذتي ترم كم ماده باقيلي عشان أتخرج

و بإذن الله ربنا بيسرها

الحمدلله