موظفات الأمن < من وجهة نظري

[..{ اسكــادا]

بسم الله الرحمن الرحيم

السلام عليكم ورحمة الله وبركاته

أولاً الحمد لله الذي بلغنا وإياكم رمضان وأعاننا على صيامه وقيامه والله يتقبل مننا ومنكم

ثانياً أنا كتبت الموضوع هذا تعقيباً على موضوع هنا لوحدة من الأخوات بس اكتشفت إن الموضوع قديم ولو رديت فيه راح يكون ردي طويل فقلت أكتب موضوع مستقل أوضح فيه وجهة نظري
بس أحب أقول إني طالبة في الجامعة لاني موظفة ولا أعرف أحد لا في الأمن ولا في الشؤون < من باب التوضيح فقط
بس أنا لاحظت إن البنات صايرين مو متقبلين الأمن أبدا مع إني ما شفت منهم إلا كل خير والحمد لله < لا أحسد نفسي بس

بالنسبة لقوانين الجامعة اللي على قولتكم كل يوم قانون جديد فأنا ما أشوفهم يخترعون قانون إلا وبعض البنات الله يهديهم يكونون مخترعين مليون حركة
وراح أوضح لكم أسباب قوانينهم إذا أراد ربي

أول شي بالنسبة لإخراج البطاقة من المحفظة أو من حاملة البطاقة فهم يسو كذا عشان يتأكدو إن البطاقة بطاقة حقيقة مو صورة ! < فهمتو شي ؟
طيب أنا أفهمكم وحده مره قالت لي إنو في بنت صورت بطاقتها ولصقتها على بطاقة الصراف وأدتها لأخواتها وطبعا من جوا المحفظة ماراح تبان إنها بطاقة الجامعة الحقيقية

< ما أحب القيل والقال بس عشان أوضح لكم هم ليش حطو هالقانون وهذا كلام البنت يعني أنا صراحة ماشفت اللي سوت هذي الحركة عشان كذا خذو اللي يعجبكم واتركو الباقي

الشي اللي بعده منع استخدام فيش الكهرباء
الصراحة أنا ما أدري ايش السبب اللي بالزبط يخليهم يمنعونه بس أنا ما أشوف له داعي إنك تشحنين جوالك مثلا في فيش الجامعة !
صراحة شي غريب يفترض إنك شاحنه جوالك قبل لا تجي للجامعة
معليش لاتزعلو مني بس هذا الشي الطبيعي يعني انتي مثلا لو رحتي مول بتقولين للسكيورتي بالله فين الفيش بأشحن جوالي ؟

حكاية خروج الطالبات قبل الساعة 9
هذا شي طبيعي لأن أقل محاضرة تكون مدتها ساعة وتبدأ من الساعة 8 فهم ماغلطو في هذا الشي واللي يقول البنات الصايعات يقدرون يخرجون لو يبغو في وقت ثاني أقولكم إن الأمن مفترضين مبدأ حسن النية في الطالبات فعشان كذا لو في طالبة راح تخرج بدري فيمكن مايكون عندها الا محاضرة وحده من 8-9
وبعدين لعلمكم ترا كثير من الجامعات والكليات ممنوع فيها الخروج قبل الساعة 12 (الله يجزاهم خير الأمن عندنا وربي متساهلين معانا كثير) وهذا الكلام مو من عندي قريبتي كانت تدرس في جامعة الملك سعود وحالياً معيدة وهيا بنفسها قالت لي هالكلام ولو تبغي تخرجي قبل الساعة 12 لازم تجيبي ولي أمرك وبطاقة ومشوار يعني اللي تجي مع سواق لاتحلم تطلع فتخيلو لو كنا كذا إحنا كمان يعني بدل لا تستني ساعة تستني 3 ساعات على الأقل

إبراز البطاقة عند الدخول هذي مفروغ منها

طيب عند الخروج أقولكم عشان أكثر من شي

أول حاجة إن بنات السكن لهم بوابة وحدة يخرجو منها وهم بهذي الطريقة يحاولون إنهم يضبطون البنات وانتو عارفين إن بنات السكن مسؤوليتهم على الجامعة

ثاني شي عشان بنات الانتساب يحاولون يضبطون برضو دخولهم وخروجهم
طبعا انتو عارفين انتو بنات الانتساب دوامهم متأخر فهيا تشوف مثلا الساعه 1 أو 1 ونص تلاقي بنت انتساب خارجه ! فأكيد هنا بتسألها إيش يطلعك الحين ؟
وأفتكر أول سنه ليا في الجامعة كنت خارجة عشان دوامي خلص وكانت معايا صاحبتي انتساب خرجت عشان تعطيني ورقة جابها أبوها لها فسألتها ليش طالعه الحين ؟ قالت لها إنها بتديني ورقة .

وكمان في بنات كثير ماتكتشف إن بطاقتها ضايعة لما تجي عند البوابة عشان تطلعها للأمن !

وأشياء ثانية كثير ما شددو عليها إلا عشان مصلحتنا وحتى لو كان فيهم ناس شوية شديدين أو معصبين فما ألومهم إنتو شوفو الأستاذات لما نجي نغير الجداول ولا نعدلها كيف يعصبو علينا ويكلمونا بدون نفس ، مو عاد موظفة أمن يعني كل المسؤولية عليها وبعدين كلها هذي من ضغوط العمل شي غصباً عنها
واللي يقول أنهم مو متعلمين وماعندهم شهادات مو لازم كل من أخذ شهادة صار متعلم ولا يعرف يتعامل مع الناس ومعليش أنا أشوف هنا ردود لبعض البنات الله يهديهم ما توحي لك إنها طالبة في الجامعة أبدا ولا إنها انسانه تراعي غيرها ولا وحدة واعية

وصراحة أنا أهنيهم متحملين التعب والكد عشان اللقمه الحلال وانتو ماتعرفو ظروفهم يعني هم الحين من حلاة رواتبهم ؟ الله يعينهم بس على ظروف الحياة الصعبة ويهديهم ويطول بالهم علينا شوية

وحبيت أقولكم حكاية على الطاير بدل الموضوع الثقيل هذا
مره صاحبتي كان معاها جوال كام وكنا نتفرج فيه فجات وحده ما أدري من الأمن أو لا بس يمكن من الشؤون لأنه كانت لابسة لبس عادي مو زي رسمي فقالت لنا دخلو الجوال وهيا تبتسم لأنها شافتنا وإحنا نتفرج فيه مانصور مثلا قالت كذا بدون ولا كلمة ثانية والله لا أخذتو مننا ولا خاصمت ولا شي يعني هم فيهم الناس الكويسة وكثير منهم كذا والحمد لله

الحين أترك لكم حرية التعليق بس لو سمحتو بدون الردود اللي فيها هذول مو متعلمين و الكلام اللي زي كذا لأن التعليم مو شهادة ناخذها من الجامعة وبس

وبدون سب أو شتم

وإذا حابين تنتقدو انتقدو بشويش :)

وبس والله يبلغنا وإياكم العيد وكل سنه وانتو طيبين

[walaa alattas]

المشاركة الأصلية كتبت بواسطة ..{ اسكــادا بسم الله الرحمن الرحيم السلام عليكم ورحمة الله وبركاته وعليكم السلام أولاً الحمد لله الذي بلغنا وإياكم رمضان وأعاننا على صيامه وقيامه والله يتقبل مننا ومنكم كل عام وانتي بخير^^ ثانياً أنا كتبت الموضوع هذا تعقيباً على موضوع هنا لوحدة من الأخوات بس اكتشفت إن الموضوع قديم ولو رديت فيه راح يكون ردي طويل فقلت أكتب موضوع مستقل أوضح فيه وجهة نظري بس أحب أقول إني طالبة في الجامعة لاني موظفة ولا أعرف أحد لا في الأمن ولا في الشؤون < من باب التوضيح فقط بس أنا لاحظت إن البنات صايرين مو متقبلين الأمن أبدا مع إني ما شفت منهم إلا كل خير والحمد لله < لا أحسد نفسي بس ... انا ما اطيقهم شغلتهم في الامن فقط مالهم في غيروو بالنسبة لقوانين الجامعة اللي على قولتكم كل يوم قانون جديد فأنا ما أشوفهم يخترعون قانون إلا وبعض البنات الله يهديهم يكونون مخترعين مليون حركة وراح أوضح لكم أسباب قوانينهم إذا أراد ربي أول شي بالنسبة لإخراج البطاقة من المحفظة أو من حاملة البطاقة فهم يسو كذا عشان يتأكدو إن البطاقة بطاقة حقيقة مو صورة ! < فهمتو شي ؟ طيب أنا أفهمكم وحده مره قالت لي إنو في بنت صورت بطاقتها ولصقتها على بطاقة الصراف وأدتها لأخواتها وطبعا من جوا المحفظة ماراح تبان إنها بطاقة الجامعة الحقيقية هذي عادي < ما أحب القيل والقال بس عشان أوضح لكم هم ليش حطو هالقانون وهذا كلام البنت يعني أنا صراحة ماشفت اللي سوت هذي الحركة عشان كذا خذو اللي يعجبكم واتركو الباقي الشي اللي بعده منع استخدام فيش الكهرباء الصراحة أنا ما أدري ايش السبب اللي بالزبط يخليهم يمنعونه بس أنا ما أشوف له داعي إنك تشحنين جوالك مثلا في فيش الجامعة ! مافيها شي اذا شحنو في الفيش.... املاك عامه ...قدر الله اني شحنتو في البيت وطولت بالجامعه اضطر اني اشحن _كل واحد بظروفو صراحة شي غريب يفترض إنك شاحنه جوالك قبل لا تجي للجامعة معليش لاتزعلو مني بس هذا الشي الطبيعي يعني انتي مثلا لو رحتي مول بتقولين للسكيورتي بالله فين الفيش بأشحن جوالي ؟ والله اشحن اذا فضي البطاريه في المصلى حكاية خروج الطالبات قبل الساعة 9 هذا شي طبيعي لأن أقل محاضرة تكون مدتها ساعة وتبدأ من الساعة 8 فهم ماغلطو في هذا الشي واللي يقول البنات الصايعات يقدرون يخرجون لو يبغو في وقت ثاني أقولكم إن الأمن مفترضين مبدأ حسن النية في الطالبات فعشان كذا لو في طالبة راح تخرج بدري فيمكن مايكون عندها الا محاضرة وحده من 8-9 مااااهتم للخروج بدري وبعدين لعلمكم ترا كثير من الجامعات والكليات ممنوع فيها الخروج قبل الساعة 12 (الله يجزاهم خير الأمن عندنا وربي متساهلين معانا كثير) وهذا الكلام مو من عندي قريبتي كانت تدرس في جامعة الملك سعود وحالياً معيدة وهيا بنفسها قالت لي هالكلام ولو تبغي تخرجي قبل الساعة 12 لازم تجيبي ولي أمرك وبطاقة ومشوار يعني اللي تجي مع سواق لاتحلم تطلع فتخيلو لو كنا كذا إحنا كمان يعني بدل لا تستني ساعة تستني 3 ساعات على الأقل إبراز البطاقة عند الدخول هذي مفروغ منها طيب عند الخروج أقولكم عشان أكثر من شي أول حاجة إن بنات السكن لهم بوابة وحدة يخرجو منها وهم بهذي الطريقة يحاولون إنهم يضبطون البنات وانتو عارفين إن بنات السكن مسؤوليتهم على الجامعة ثاني شي عشان بنات الانتساب يحاولون يضبطون برضو دخولهم وخروجهم طبعا انتو عارفين انتو بنات الانتساب دوامهم متأخر فهيا تشوف مثلا الساعه 1 أو 1 ونص تلاقي بنت انتساب خارجه ! فأكيد هنا بتسألها إيش يطلعك الحين ؟ وأفتكر أول سنه ليا في الجامعة كنت خارجة عشان دوامي خلص وكانت معايا صاحبتي انتساب خرجت عشان تعطيني ورقة جابها أبوها لها فسألتها ليش طالعه الحين ؟ قالت لها إنها بتديني ورقة . وكمان في بنات كثير ماتكتشف إن بطاقتها ضايعة لما تجي عند البوابة عشان تطلعها للأمن ! وأشياء ثانية كثير ما شددو عليها إلا عشان مصلحتنا وحتى لو كان فيهم ناس شوية شديدين أو معصبين فما ألومهم إنتو شوفو الأستاذات لما نجي نغير الجداول ولا نعدلها كيف يعصبو علينا ويكلمونا بدون نفس ، مو عاد موظفة أمن يعني كل المسؤولية عليها وبعدين كلها هذي من ضغوط العمل شي غصباً عنها واللي يقول أنهم مو متعلمين وماعندهم شهادات مو لازم كل من أخذ شهادة صار متعلم ولا يعرف يتعامل مع الناس ومعليش أنا أشوف هنا ردود لبعض البنات الله يهديهم ما توحي لك إنها طالبة في الجامعة أبدا ولا إنها انسانه تراعي غيرها ولا وحدة واعية وصراحة أنا أهنيهم متحملين التعب والكد عشان اللقمه الحلال وانتو ماتعرفو ظروفهم يعني هم الحين من حلاة رواتبهم ؟ الله يعينهم بس على ظروف الحياة الصعبة ويهديهم ويطول بالهم علينا شوية وحبيت أقولكم حكاية على الطاير بدل الموضوع الثقيل هذا مره صاحبتي كان معاها جوال كام وكنا نتفرج فيه فجات وحده ما أدري من الأمن أو لا بس يمكن من الشؤون لأنه كانت لابسة لبس عادي مو زي رسمي فقالت لنا دخلو الجوال وهيا تبتسم لأنها شافتنا وإحنا نتفرج فيه مانصور مثلا قالت كذا بدون ولا كلمة ثانية والله لا أخذتو مننا ولا خاصمت ولا شي يعني هم فيهم الناس الكويسة وكثير منهم كذا والحمد لله ياشيخهاللي يتفرجو بالجوال تلاقيهم يشوفونها واللي يصورو البنات مايدرو عنهم بس مشي حالك اللي لابسه بنطلون قومو قيامتها واللي تدخن مايدرو عنها خلينا ساكتين الحين أترك لكم حرية التعليق بس لو سمحتو بدون الردود اللي فيها هذول مو متعلمين و الكلام اللي زي كذا لأن التعليم مو شهادة ناخذها من الجامعة وبس وبدون سب أو شتم وإذا حابين تنتقدو انتقدو بشويش :) انتقدت بشوييييش^^ وبس والله يبلغنا وإياكم العيد وكل سنه وانتو طيبين

اللهم صلي على سيدي محمد وعلى اله وصحبه وسلم

[ربي معاية =)]

ايوة يا قلبي ماقلنا شي

بس فيه شي اسمـه (( اخــــلااااااق وحسن تعاااااامل )) واذا انتي ماحصلك موقف مـعـاهم >غيـرك حصله مليون موقـف

انا لا تعليق على القوانين لاني باقي ما جربتها ويا حياتو ايش جزاهم الله خير صح مااختلفنا بس القوانين مو هم اللي يحطوها اللي من فوق يحطوها وهم التنفيييييذ وبسس

وانا سبق وقلت اللي بتحترمني وهي اصغر مني بالسن راح احترمها واحطها تاج على راسي
اما اللي تنافخ ومو شايفه احد من نفختها الكذابه وربي لا اوريها قميتها

واهـم شي يا بنـات عـاملوا النـاس كما تحبون ان تعاملوا سواء امن والا غير امن والا متعلمات او غير متعلمات

وهذا ان دل ماراح يدل الا على حسن اخلاقك وذوقك اللي يخليهم غصب يحترمونك
وبسس

[lujain.alsagh]

والله فيهم ناس وناس

يعني انا صارلي مو قف مع اثنين بجد بجد قمة الايش يعني بجد كانو حنوونييييييييييين بشكل فظيع

وبنفس الوقت دا كانت في وحده من حقون الامن الي يلبسو بيج هما على ما اعتقد اداريات حقون الامن كانت شي فظيييييع

الوحده تتكلم من طرف خشمها

مانقول انو كلهم مش كويسيين بش في بعضهم سواء امن او موظفه اووووو
في بعضهم ببجد يبغالهم قبل الوظيفه "دورة في حسن التعامل والاخلاق ".. لانو الوحده شايفه نفسها كانو محد عندو وظيفه او شغله غيرها ..

الله يسهل علينا ويبعدنا عن شرهم يااارب ويحمينا .. ونمشي بالصح ولا احد يكون لو عندنا شي منهم ..

[.,.نيــــــــــــــــــــران.,.]

اهلا بك ويسعدني التعقيب على نقطة معينة في موضوعك:

المشاركة الأصلية كتبت بواسطة ..{ اسكــادا الشي اللي بعده منع استخدام فيش الكهرباء الصراحة أنا ما أدري ايش السبب اللي بالزبط يخليهم يمنعونه بس أنا ما أشوف له داعي إنك تشحنين جوالك مثلا في فيش الجامعة ! صراحة شي غريب يفترض إنك شاحنه جوالك قبل لا تجي للجامعة معليش لاتزعلو مني بس هذا الشي الطبيعي يعني انتي مثلا لو رحتي مول بتقولين للسكيورتي بالله فين الفيش بأشحن جوالي ؟

اذا البنت جوالها خلص شحنه لأي سبب كان
تقعد كذه ؟ ماتقدر تتصل على اهلها ولا سواقها ولا تقدر تدبر في عمرها بس عشان ممنوع الكهرباء؟؟ مو معقول
لاب توبها خلص بطاريتو وتبغه تحل واجب وللا أي شي
انا عن نفسي لاب توبي مايشتغل الا لازم السلك مشبوك في الكهربا


الكهرباء زيه زي الموية في الجامعة في الحمامات اكرمكم الله
تخيلو يقولون استخدام الماء في الحمامات ممنوع ؟!



تحياتي لك وكل سنة وانتي طيبة يارب

[Paper]

السلام عليكم ورحمة الله وبركاتة ~

عجبتني طريقة طرحك للموضع ^^..

بالنسبة لقوابس الكهربا, لو عندك قابس خربان, ضيق, محروق
او الواط حقة عالي/واطي أحتمال يفجر جهازك سواء جوال او لابتوب و أذا حطيتية بتوصيلة
أمكن يحرق الأجهزة الموصلة بالتوصيلة الكهربائية أو أمكن تصير حريقة لاقدر الله
و الجامعة أمكن تقدر تتحمل الخسائر المادية بس ماهم مستعدين ياغمرون بأرواح الناس.

أما بالنسبة للأمن فهم مجرد ناس يطبقوا قوانين ماعمري شفت منهم شي سيء أبدا
إلا لما تجي وحده تتفلسف عليهم و تطول لسانها.

و شخصياً اشوف الي تحترم نفسها رح تتبع أنظمة الجامعه الي هي وقعت مسبقا تعهد
على أتباعها وبكذا ماتسمح لأي أحد صغير ولا كبير يتكلم عليها

[..{ اسكــادا]

walaa alattas

أهلين عسولة نورتي الصفحة
امم ليش ما تطيقيهم صار لك موقف معاهم ولا من ربنا كذا ما حبيتيهم :)
لاحظت إنك متقبلة لأغلب القوانين وهذا شي حلو ماعدا حكاية الكهربا
"ياشيخهاللي يتفرجو بالجوال تلاقيهم يشوفونها واللي يصورو البنات مايدرو عنهم
بس مشي حالك
اللي لابسه بنطلون قومو قيامتها واللي تدخن مايدرو عنها
خلينا ساكتين "
صراحة ضحكتني جملتك هذي أصلا تصدقي إني أحيانا أحس إني أدرس في جامعة غير اللي يدرسو فيها البنات ما أدري فين تشوفو اللي تدخن واللي مدري إيش :P
ولبس البنطلون أبشرك صارو بس يقولو قفلي العباية :) < قديمة


تسلمي على انتقادك الخفيف واللهم صلي على محمد

ربي معاية =)

اممم الأخلاق وحسن التعامل شي صعب تلاقيه في كل مكان مو عشان موظفة أمن لازم تكون أخلاقها عالية .. الاخلاق ماتجي من الوظيفة الانسان لو من بدايته مو محترم ماراح يصير محترم سواء كان موظف أمن أو حتى طالب

وفي شي ثاني مو على الأشياء الوحشه نقول ماعندهم أخلاق وعلى الأشياء الكويسة نقول هما تجيهم القوانين من فوق وهما بس عليهم التنفيذ ؟ لازم نقتنع إنه كل شي يجيهم من فوق وهما عليهم التنفيذ سواء شي كويس أو لا
"اما اللي تنافخ ومو شايفه احد من نفختها الكذابه وربي لا اوريها قميتها "
وبشرينا بعدين إيش يصير معاك ومين غلب الثاني < بعيد الشر طبعا لا يجيك شي
" واهـم شي يا بنـات عـاملوا النـاس كما تحبون ان تعاملوا سواء امن والا غير امن والا متعلمات او غير متعلمات
وهذا ان دل ماراح يدل الا على حسن اخلاقك وذوقك اللي يخليهم غصب يحترمونك
وبسس"
كلامك ميه ميه

نورتي الصفحة وربنا معاك


lujain.alsagh
ماشاء الله اثنين كويسين ووحدة مو كويسة يعني الكويسين غلبو اللي مو كويسه < اللي يعيدها عشره مرات اديه حلاوة العيد
وعلى فكره ترا يدوهم دورات كثير بس ما أعرف في ايش بالزبط بس أكيد في التعامل لأنو فاكرة دكتورة أميرة النمر كانت تقول إنو احنا نديهم دورات
"الله يسهل علينا ويبعدنا عن شرهم يااارب ويحمينا .. ونمشي بالصح ولا احد يكون لو عندنا شي منهم .. "
آمين يآرب

.,.نيــــــــــــــــــــران.,.

في البداية أحب أقول إنو أنا تكلمت بس عن الجوال وما تكلمت عن اللاب توب لأنو لازم له تصريح ومو كل الكليات تحتاج في شغلها اللاب فعشان كذا أنا ما تكلمت عن شحن اللاب
والجوال أنا أحيانا أشوف بنات تشحن الجوال وهيا تكلم يعني مو معقول هذي حالة طارئة ! وعشان كذا ماراح تعرفي البنت اللي محتاجة تشحن ضروري من اللي مو محتاجة وفي مثل فاكرتو من أيام المدرسة ومدري ليه رابطتو في عقلي بالتعليم
يمكن لأني ما أسمعو إلا في الدراسة " الخير يخص والشر يعم " < ماأدري ايش دخله بس مشوها

وأختنا paper ردها كان وافي صراحة في هذي النقطة

paper

معاك في كلامك اللي قلتيه
وتسلمي على توضيح حكاية الكهربا


لكم جميعاً (F)
وعساكم من عواده

[мέmό0ό]

وجهـــــــة نظــر سديدة..
&
طـــــرح رـآقــــــي ..

------
صرـآحـــة ما شفت من حقون الأمن اللي في الجـآمعــة شي
بس حقون السكـــــن ( لا إلـــــــه إلا الله )
--------

موفقــــــــــــة يا سوكــرهـ

^_^

[~..candy..~]

المشاركة الأصلية كتبت بواسطة .,.نيــــــــــــــــــــران.,. اهلا بك ويسعدني التعقيب على نقطة معينة في موضوعك: اذا البنت جوالها خلص شحنه لأي سبب كان تقعد كذه ؟ ماتقدر تتصل على اهلها ولا سواقها ولا تقدر تدبر في عمرها بس عشان ممنوع الكهرباء؟؟ مو معقول لاب توبها خلص بطاريتو وتبغه تحل واجب وللا أي شي انا عن نفسي لاب توبي مايشتغل الا لازم السلك مشبوك في الكهربا الكهرباء زيه زي الموية في الجامعة في الحمامات اكرمكم الله تخيلو يقولون استخدام الماء في الحمامات ممنوع ؟! تحياتي لك وكل سنة وانتي طيبة يارب

والله اختصرتي علي اللي كنت بقووله
بس احب اضيف انو اذا رحت مول بقول للسيكورتي ابغى فيش اشحن فيه مافي اي وجه مقارنه بين المول والجامعه كانو يقولولنا ايام المدرسه انو هيا بيتنا الثاني ونفس الكلام للجامعه نداوم من الصباح الساعه 8 ليين الساعه 3 أو الساعه 5 في بعض الايام كيف يمنعونا من اقل حقوقنا وهي الكهربا مني مقتنعه بالقرار هذا نهائي ولو كانو يبغو يوفرو ماكان سو فيش للكهربا من البدايه

[.,.نيــــــــــــــــــــران.,.]

المشاركة الأصلية كتبت بواسطة paper السلام عليكم ورحمة الله وبركاتة ~ عجبتني طريقة طرحك للموضع ^^.. بالنسبة لقوابس الكهربا, لو عندك قابس خربان, ضيق, محروق او الواط حقة عالي/واطي أحتمال يفجر جهازك سواء جوال او لابتوب و أذا حطيتية بتوصيلة أمكن يحرق الأجهزة الموصلة بالتوصيلة الكهربائية أو أمكن تصير حريقة لاقدر الله و الجامعة أمكن تقدر تتحمل الخسائر المادية بس ماهم مستعدين ياغمرون بأرواح الناس. أما بالنسبة للأمن فهم مجرد ناس يطبقوا قوانين ماعمري شفت منهم شي سيء أبدا إلا لما تجي وحده تتفلسف عليهم و تطول لسانها. و شخصياً اشوف الي تحترم نفسها رح تتبع أنظمة الجامعه الي هي وقعت مسبقا تعهد على أتباعها وبكذا ماتسمح لأي أحد صغير ولا كبير يتكلم عليها

معليش ياغالية ، أنا وصحباتي نشحن جوالاتنا وزي الفل ماانفجر فينا ولا حاجة الحمد لله
وبنات كثير اشوفهم يشحنوا لابتوباتهم وعادي الوضع

يمكن يكون كلامك صح .. الله أعلم

المشاركة الأصلية كتبت بواسطة ..{ اسكــادا .,.نيــــــــــــــــــــران.,. في البداية أحب أقول إنو أنا تكلمت بس عن الجوال وما تكلمت عن اللاب توب لأنو لازم له تصريح ومو كل الكليات تحتاج في شغلها اللاب فعشان كذا أنا ما تكلمت عن شحن اللاب والجوال أنا أحيانا أشوف بنات تشحن الجوال وهيا تكلم يعني مو معقول هذي حالة طارئة ! وعشان كذا ماراح تعرفي البنت اللي محتاجة تشحن ضروري من اللي مو محتاجة وفي مثل فاكرتو من أيام المدرسة ومدري ليه رابطتو في عقلي بالتعليم يمكن لأني ما أسمعو إلا في الدراسة " الخير يخص والشر يعم " < ماأدري ايش دخله بس مشوها

سواء طارئ وللا مو طارئ او يخص او يعم ماأشوف في مانع تشحن

:)

المشاركة الأصلية كتبت بواسطة ~..candy..~ والله اختصرتي علي اللي كنت بقووله بس احب اضيف انو اذا رحت مول بقول للسيكورتي ابغى فيش اشحن فيه مافي اي وجه مقارنه بين المول والجامعه كانو يقولولنا ايام المدرسه انو هيا بيتنا الثاني ونفس الكلام للجامعه نداوم من الصباح الساعه 8 ليين الساعه 3 أو الساعه 5 في بعض الايام كيف يمنعونا من اقل حقوقنا وهي الكهربا مني مقتنعه بالقرار هذا نهائي ولو كانو يبغو يوفرو ماكان سو فيش للكهربا من البدايه

مشي حالك .. في اشياء أهم كثير بس لازم الوضع يتغير ان شاء الله


تحياتي للجميع