الى الان لم تضاف عشره بالميه ماستر اداه عامه

[لمعة الألماسة]

المشاركة الأصلية كتبت بواسطة نبض نتائج الطلاب ظهرت اخر نسبة تم قبولها 85.40

متى طلعت نتيجة الطلاب

[سارقة 2013]

العميد اعلن بتوتر طلاب نزلت شكلها قرررربت الله يستر

[لمعة الألماسة]

اول مره تعلن نتيجة باليل


اجل قربت نتايجنا

[T@RIQ]

المشاركة الأصلية كتبت بواسطة الفـرس والله قهر اصلن هاذي حركه منهم الكل 6 عشان 4 نسب تكون للواسطات عشان تمشي بشكل نظامي ونفس الي صار معك صار معي اسئللهم ما تججاوب وقالت بس 5 بنات قبلوهم جامعة كبيرة زي جامعتنا وبس 5 ولمى اصريت قالت هي لجنه من قسم الاولاد وجاتنا موززونه جاهززه وش رايكم على اي اساس تقول بس 5 بنات

المشاركة الأصلية كتبت بواسطة مجهووله حسبي الله ونعم الوكيل فيهم شنو خمس طلاب بس ليه واول مره اسمه على الخبرات والدورات هذا بالخاص والا اللي يبونهم عطوهم العشره كامله من جد مافي معيار يحكم على ايش حطوها طيب ماعرفت متى بتطلع النتايج اليوم والا لا

هلا بأخواتي ،،
كلنا تقريبا متفقين على نفس الاسئلة ،،

الاول من فين اخترعوا المعايير هذي ،، هيا 10% اعطتهم هيا العمادة ومعيارها واضح ومحدد "معيار قرب التخصص" من فين جابوا معيار الخبره والدورات وغيرها نسيوا إننا برنامج عام ، وبعدين لو تم فعلا النظر الى ملفاتنا جيدا معقوله كلنا مطقمين 6 ، يعني كلنا بنفس الكفاءة بالخبرة والدورات وبقية الأشياء ، والا مايعرفوا انه في انترنت والناس تقدر تتواصل مع بعض وتطلع تلاعبهم ،، ويبقى السؤال المهم مين أخذ الـ 10% كاملة؟؟؟؟


الثاني والي فعلا كان صدمه بالنسبه ليه ،،
ليه 5 طلاب بس ،،
المشكلة اني كلمت مدير القبول بالدراسات العليا من قبل التقديم ، قال العدد يبدء من 10 طلاب، يعني مو اقل من 10 لكن ماندري كم ممكن ياخذوا فوق العشرة.
وايضا تحدثت مع الدكتور عبدالله باسهل ، وهو المسئول عن برنامج ادارة الاعمال العام ، يعني نفس برنامجنا بالضبط لكن إدارة اعمال، ووالله انه قال السنة هذي إن شاء الله بنأخذ 20.

وكليتنا تقول 5 بس، طيب سؤال ليه فاتحين ماجستير قفلوه احسن،، احنا لو كنا قدمنا على احد فروع جامعتنا وقالولنا 5 ممكن تنبلع ونمشيها بالغصب، لكن ياناس احنا مقدمين على الفرع الرئيسي وبجده، من كل البشر هذي ماشاء الله تبارك الله تقولي 5.

[سارقة 2013]

طارق بشرني انقبلت

[T@RIQ]

المشاركة الأصلية كتبت بواسطة همة همة همة عندي حدس كبيببببببير ان أكثر كلية تمشي فيها الواسطة من بين كليات الجامعة كلية الإدارة والاقتصاد وبيني وبينكم اذا كان هذا أسلوب أعضاء هيئة التدريس سواء شطر الطلاب والطالبات لدليل أنهم هم بأنفسهم ما أخذوا هذا المنصب التعليمي إلا بالواسطة من خلال تهربهم من الإجابة على أسئلتكم وكذلك هضمهم لحقكم الكامل في. استيفاء 10٪ انتم لا تسكنون عليهم ان ظلموكم خلوهم يعطونكم 10٪حتى لو ما تم قبولكم خلوهم يضيفونها لكم لانها تعتمد على قرب التخصص وليس على الدورات والخبرات عجيب أمره هذا الدكتور لما قال أنها تعتمد على الدورات والخبرات وليس قرب التخصص. المهم اذا ماقبلوكم ادرسوا الإدارة في جامعة الملك سعود او خارج المملكة وا أنا قيمتهم بناءا على ردودكم والله يكتب لكم الخير

والله ياهمه،
اني احسنت النية فيهم مع انه كان واضح ان الشغله فيها إن، وقلت اكيد فيه خطأ او فيه شي انا ماني فاهمه، لازم نستفسر ونفهم منهم.

لكن اكثر ما حز في نفسي الاسلوب الي تعامل معاي فيه،، والله لو إني طالبه فلوس ما سوى كذا.
جالس اجري وراه من مكان لمكان ، وأكلمه بكل احترام ويادكتور ويادكتور، وهو ينافخ وكل ما حشرته بالاسئلة رفع صوته وعصب ويجلس ينافخ بوجهي وانا معطيه ابتسامه.
طيب ياخي وقف بوجهي وقولي كذا وكذا بكل ثقه مدام انه شغلك سليم ، مو كل ما سألتك تطلعلي بهرجه جديده وتقوم تجري.

مع انه لو اعطاني دقيقه وحده بس وجاوب بدون لف ودوران كان ماكملت الدقيقه الا وانا مخلص.

يعني ما يعرفوا انهم مفروض يكونوا قدوه لنا، معقوله يكون هذا تعاملهم وهذا اسلوبهم.

[نورة الحربي]

يسعد صباحكم / مساكم

ألهي سيدي مولاي أنك تجزي أخونا طارق خير الجزاء وتعطيه ع قد نيته وعلى قد تعبه
فعلا أصعب شيء الواحد ينقهر بهالطريقة ويحس نفسه ذليل

بس الله فيه لو أنظلمنا ودخل أحد للماستر غير مستحق لها وأحنا الأكثر أحقيه بالدراسه
وربي بيآخذ حقنا بأذذن الله

صراحة الماستر فيه جامعه الملك سعود فيه شفافية أكثر من كذا والواحد ينقبل بجهده
نصحتني صديقتي بالتقديم بس ما استجبت لها

وما شاء الله هي أنقبلت ودخلت الاختبار التحريري ( المفاضلة ) واترشحت ودخلت المقابله الشخصية واترشحت نهائي

ومستواها الدراسي نفسي بالضبط

شرطهم الوحيد : 70 درجة في اختبار القدرات للجامعيين ، طبعا مع معدل جيد جدا
لا ستيب ولا 10% اللي اقلشونا فيها
ولا دورة بديله وكلام مصدي زي اللي عندنا

بس الحمدلله ع كل شيء ربنا يسهل

[T@RIQ]

المشاركة الأصلية كتبت بواسطة سارقة 2013 من الاول ومن البدايه ومن الخمسة انا انصدمتتتتتتت وثاني شى من جد يااخ طارق الله يعطيك العافيه وماقصرت وماما دعت لك لانك فزعت لنا وبرضووا انا مصدومة خمسه بس مااقول غير ان الله على كل شى قدير وانا وكلت امري له وهو حسبي ونعم الوكيل وان شاالله ننقبل وماراح اياس لين اشوف النتيجه .. ماسكة نفسي بالقوة بليز لاتحطموني وان شاالله تطلع بكررة ومانستنى خميس وجمعة كماان

هههههههههه ، انا مو مضحكني الا شغله وحده ،، امس كنا مصدومين من ال 6 ، واليوم طلعتلنا الي اكبر منها ال 5 هذي وكملت الناقص علينا.

الله يعطيكِ العافيه انتِ والوالده، ويخليكم لبعض إن شاء الله، ويتقبل منا ومنكم اصدق الدعوات إنه سميع مجيب الدعاء.

المشاركة الأصلية كتبت بواسطة لمعة الألماسة يعطيك العافية طارق ماقصرت بس صراحة عدد خمسة مره قليل وليش يتعبونا من البداية وقدرات وستيب بس ان شاء الله الي ربي كاتبه راح يسير وراح نرضى فيه الحمد لله على كل حال وعن جد ماقصرت الف شكر لك وربي يبلغك القبول

والله انك صادقه ،، قياس وكفايات ، ومن اختبار للموعد الي بعده، سنه كاملة تحضير لطلباتهم.
وبعدين يطلعولنا بطلبات جديده من كيسهم ،، وفوقها يقولولنا ترى هما 5 بس لا تتعبونا ولا تتعبوا نفسكم.

الله يعافيكِ ويوفقكِ إن شاء الله.

[سارقة 2013]

بكرة يظهر الرقم 4 بس من عدنا خخخخخخ قسم بالله استخفيت

[T@RIQ]

المشاركة الأصلية كتبت بواسطة نورة الحربي يسعد صباحكم / مساكم ألهي سيدي مولاي أنك تجزي أخونا طارق خير الجزاء وتعطيه ع قد نيته وعلى قد تعبه فعلا أصعب شيء الواحد ينقهر بهالطريقة ويحس نفسه ذليل بس الله فيه لو أنظلمنا ودخل أحد للماستر غير مستحق لها وأحنا الأكثر أحقيه بالدراسه وربي بيآخذ حقنا بأذذن الله صراحة الماستر فيه جامعه الملك سعود فيه شفافية أكثر من كذا والواحد ينقبل بجهده نصحتني صديقتي بالتقديم بس ما استجبت لها وما شاء الله هي أنقبلت ودخلت الاختبار التحريري ( المفاضلة ) واترشحت ودخلت المقابله الشخصية واترشحت نهائي ومستواها الدراسي نفسي بالضبط شرطهم الوحيد : 70 درجة في اختبار القدرات للجامعيين ، طبعا مع معدل جيد جدا لا ستيب ولا 10% اللي اقلشونا فيها ولا دورة بديله وكلام مصدي زي اللي عندنا بس الحمدلله ع كل شيء ربنا يسهل

اهلا اختي نوره،،

هو هذا الي انا اقصده ،، تذلني وانا جالس اطالب بحقي،، صعبه والله صعبه.

لكن الواحد يعترف مو كلهم زي بعض ،، عندنا دكاتره بتخصصي اشوفهم اثناء مراجعاتي بالفتره الاخيره ، هما بنفسهم يجوا يسلموا عليه لما يشوفوني، ويسئلوا عن اخباري، وواحد منهم جابلي وظيفة معيد بخارج جامعتنا بجامعة الباحة، لكن ما استطعت انتقل من جده لظروفي الخاصه.

والدكتور عبدالله باسهل ايضا المسئول عن ماجستير ادارة الاعمال العام ورئيس قسم نظم المعلومات،، الي قلتلكم عليه.
كنت جالس ادعي بالطريق وانا رايحله واقول يارب انك تعطيه من اسمه نصيب، ويكون سهل ويجاوب على اسئلتي.

والله العظيم قابلني بإبتسامه ، وكنت واقف قلي اجلس تفضل،، وجاوب على كل اسئلتي، وبعد ماخلصت اسئلتي جلس ينصحني ويوجهني ،، ويقولي اذا احتجت ايه حاجه هذا مكتبي لا تتردد افتح الباب وادخل.

انا ذكرت هذي الامثله من باب ، ذكر الحقيقة عشان الناس ما تأخذ فكره غلط عن كل الدكاترة، وانه في نماذج مشرفه نعتز فيها.

والله يعطيكِ العافيه اختي نوره على دعواتك،، تقبل الله منا ومنكم إن شاء الله.