ظــــاهــرة الغــش اثــــنــاء الاختبارات ؟!.

[لماذا اسلم للبحر امري؟]

المشاركة الأصلية كتبت بواسطة s.s.strawberry انا كل ما طلبت مني بنت اغششها اقلها انا اسفة صحبتي على عيني وراسي بس لا اغش ولا اغشش راحت قالتي اتحدى انا واثقة من نفسي اني ما اغش وما راح غش باذن الواحد الاحد لكن حصل معاي موقف عورلي قلبي في احد الامتحانات ...وحدة بنت الله يهديها اخدت مني نموذجي غصب عني ونا اقلها رجعي بصوت واطي تقلي نفس الاسئلة ومع ذلك ما استحت مني ولا خافت الله بينها وبين نفسها وهي طالبة علم النفس وعلم النفس علم تربوي يعلم الناس الاخلاق الحميدة وهو يعلم السلوك قبل كل شيء احترت بامرها البنت ايش ممكن تعمل بالمستقل لو مسكت منصب تعليمي كيف راح تكون اخلاقها وكيف راح يكونو طلابها.....؟؟ عمره الغش والتغشيش ما كان نوع من انواع المساعدة بل على العكس هادا نوع من انواع الفساد ويعلم الفساد ونسيان الضمير ومخافة الله ...حطو مخافة الله بين عيونكم وخلكم على الحق والصدق في كل شي ..ونا ولله عندي اخذ صفر ولا اخذ ذنب ينكتب عليا عند رب العالمين واتحاسب عليه بالاخرة وقدام البشر .

ماشاءالله .. تبارك الله ... هذا هو الكلام الي ينقرا

فعلآ انا عندي اخذ صفر في الماده ولا تنحسب علي ذنب طول عمري

الله يهديهم .. على فكره البعض من البنات والشباب خلاص الغش عمى على قلوبهم

يعني وش الفرق بينهم وبين الشخص الي بيغشون منه

مو اذكى منهم ولاشي .. لكنه مجتهد

وهم خلاص الشيطان طمس على قلوبهم صار يضيع وقته في كتابه البراشيم بدل المذاكره




جزاك الله خير اختي

[][_ غــــــيــــــر _ ][]

الله المستعان .. لا يختلف اثنان هل الغش حرام ام لا ؟!.

المشكلة عندما البعض يحاول أن يكابر على خطأه ويبدأ
في استخدام حديث للنبي عليه الصلاة والسلام ليجعل الامر حلالاً مباحاً
فتحول من صاحب معصية الى مفتى يحلل ماحرمه الله ..

وآخر يتباهي بأنه يغش وكأنه أتى بما لم تستطعه الأوئل .. فيكون مجاهر بالمعصية
رواه البخاري ومسلم أن النبي صلى الله عليه وسلم قال: " : كل أمتي معافى إلا المجاهرين، وإن من المجاهرة أن يعمل الرجل بالليل عملا، ثم يصبح وقد ستره الله عليه، فيقول: يا فلان عملت البارحة كذا وكذا، وقد بات يستره ربه، ويصبح يكشف ستر الله عليه .
أخيراً .. آمل من الاخوة والاخوات عند خروج عن الموضوع عن هدفه الرئيسي كوجود الالفاظ غير لائقة بنا كمسلمين وبمنتدى أكاديمي أن لا يتمادوا في الحوار بالنزول الى مستويات متدنية ، بل يجب عليهم الظغط على أيقونة التبليغ عن مشاركة مخالفة ليتسى لاحد اعضاء الادارة التصرف واتخاذ مايرونه مناسباً ..

اسال الله لكم التوفيق في الدنيا والآخرة /اخــوكـــم ..

[لماذا اسلم للبحر امري؟]

^^

مشكور اخوي وجزاك الله الف خير

لكن تكفى .. اذا بتحذف مشاركات مره ثانية مابي يجيني شي بالبرايفت من الأداره

موفق

[واقعية]

فكرتني بمعهد لغة كنت ادرس فيه كانت المراقبة علينا بالامتحان تقولنا غشو عيني عينك وصارو البنات ينقلو من بعض ووحدة من صحباتي قالتلي ماشاء الله مذاكرة ماتبي تغشي هههههههههههههه


وانا كان عندي كذا سؤال طويل مو عارفة احله بس ماغشيت زيهم


ياجماعة اللي يجيب شهادة بالغش وربي وربي ربي مابيباركله فيها وان لقي وظيفة بيكون ماله حرام لانو ليش وظفوه غير عشان هالشهادة والشهادة ماجابها من مجهوده كلها غش في غش


الله يصلح الحال بس

يعطيك العافية على هالموضوع

دمت بخير اخي الكريم ~

[][_ غــــــيــــــر _ ][]

المشاركة الأصلية كتبت بواسطة لماذا اسلم للبحر امري؟ ^^ مشكور اخوي وجزاك الله الف خير لكن تكفى .. اذا بتحذف مشاركات مره ثانية مابي يجيني شي بالبرايفت من الأداره موفق

الرسائل تصل بشكل تلقائي من المنتدى بدون أي تدخل من الاشراف ، اذا تبغين تفتكين منها فامرها هين وهو عدم اقتباس أي مشاركة مخالفة أو الخروج عن صلب الموضوع الرئيسي للنقاش .....الخ الخ من نظام المنتدى ..

موفقه اختي /أخـــوك ..

[لماذا اسلم للبحر امري؟]

المشاركة الأصلية كتبت بواسطة ][_ غــــــيــــــر _ ][ الرسائل تصل بشكل تلقائي من المنتدى بدون أي تدخل من الاشراف ، اذا تبغين تفتكين منها فامرها هين وهو عدم اقتباس أي مشاركة مخالفة أو الخروج عن صلب الموضوع الرئيسي للنقاش .....الخ الخ من نظام المنتدى .. موفقه اختي /أخـــوك ..

المشاركات كلها نقاش في صلب الموضوع

انا مو جديده في المنتدى .. كانت تنحذف مشاركات بدون مايجيني مسج

ارجو انكم ترجعون النظام القديم .. لأنه الحين فعلآ ازعاج

[momo89]

موضوع جدااا رااائع

ذكرتوني بايام الثانوي يوم كنت بمدرسه خاصه كل الطالبات من التمهيدي للثانوي يغشون :(
ما اقلكم ماكنت اغشش بالاول واغش معاهم رغم اني شاطره لاكن كان على بالي اذا بتغش واحده مني شئ سؤال ولا سؤالين مو الورقه كلها من بعدها كرهت الغش لا اغشش ولا اغش وعندي ارسب ولا انقص درجات في اي مادة لاكن بشرف حتي صار كل البنات يحقدون على يقولو ماتبغي تتعاوني عشانك دافوره تبغي لوحدك تجيبي نسبه عاليه وكنت اسمع مسبات لي من البنات وقت الاختبار
حتي صديقاتي نصحتهم لا يغششون احد بس كانو يخافون اناكنت اعطيهم بوجيهم ومن وقتها الى الى الحمد لله ما غشش ولا اغش لو ايش صار يعني صراحه هوا الاختبار تقييم لكل واحد فينا والدرجة بتاخدها على مجهودك فحرام تاخد شئ مو من حقكك ولا تساعد احد على الغش

[الشرق]

السلام عليكم

انا ماادري اش حكاية المشرفين مع الموضوع امس كنت اقرأ في الردود وللاسف حذفت اغلبها وانا ما اطلعت عليها حتى بعض ردودي القديمة حذفت ليش ماادري مع انه ماكان فيها اي شيء مخالف.

واليوم الا الخاص متروس مره قفل الموضوع ومره فتح الموضوع ومرة حذف مشاركة.

يااخواني هداكم الله لا تتكلمون في الدين على اهوائكم الدين امره واضح الغش حرام.

اما الاخوة اللي مسوين فيها فزعة ومساعدة واضح ان عندهم مشكلة في الفهم والمؤسف انهم يبررون الغش يااخي لو قلت انا اغش او اغشش شيء يخصك اما تبرر الغش نفسه وانت تعرف انه حرام فهذا شيء مؤسف جدا.

والغريب ان البعض يبرر الغش بأن الجامعة معقدة الاسئلة او ان الدراسة كلها بالبركة مجرد شهادة طيب لا تنسى انك انت لك هدف ايضا من الشهادة هذي لا بل يمكن تبني عليك مستقبلك ومستقبل ابنائك.

اما اغرب الردود الاخ اللي يقول عمره مااشترى لا كتاب ولا ملخص وعلى وشك يخلص الجامعة ومعدلة قريب من 4 ؟؟

لا ابشركم راح يصير عندنا الدكتور والمهندس والطبيب ذوي الشهادات العالية والتخصصات النادرة لكنهم لايفقهون شيئا ولا يعلمون .. ثم نقول ليش عندنا بطالة ؟؟ ليش الشركات ما تثق بالسعودي؟؟

[الشرق]

المشاركة الأصلية كتبت بواسطة momo89 موضوع جدااا رااائع ذكرتوني بايام الثانوي يوم كنت بمدرسه خاصه كل الطالبات من التمهيدي للثانوي يغشون :( ما اقلكم ماكنت اغشش بالاول واغش معاهم رغم اني شاطره لاكن كان على بالي اذا بتغش واحده مني شئ سؤال ولا سؤالين مو الورقه كلها من بعدها كرهت الغش لا اغشش ولا اغش وعندي ارسب ولا انقص درجات في اي مادة لاكن بشرف حتي صار كل البنات يحقدون على يقولو ماتبغي تتعاوني عشانك دافوره تبغي لوحدك تجيبي نسبه عاليه وكنت اسمع مسبات لي من البنات وقت الاختبار حتي صديقاتي نصحتهم لا يغششون احد بس كانو يخافون اناكنت اعطيهم بوجيهم ومن وقتها الى الى الحمد لله ما غشش ولا اغش لو ايش صار يعني صراحه هوا الاختبار تقييم لكل واحد فينا والدرجة بتاخدها على مجهودك فحرام تاخد شئ مو من حقكك ولا تساعد احد على الغش

يا ميمو هذولي يبو ينسخوا الورقة كلها وفوق هذا مايعرفك ماجات المعرفة الا بالكلاس لما اتورط ياشينها من معرفة .. قال مذاكر الاخ ؟؟ والا قام عنك ودور غيرك ...

[الشرق]

المشاركة الأصلية كتبت بواسطة لماذا اسلم للبحر امري؟ بغض النظر عن انه حرام الغش . لأن هذا شئ مفروغ منه والي يجي يبرر هـ الشئ معناته بياخذ ذنب وهو مرتاح .. لأن الشئ الحرام لا يجوز تحليله بأي شكل من الاشكال ثانيآآ وهو الأهم ... يعني انا اذاكر واتعب ليل ونهار واحرم نفسي من الراحه .. وبالاخير اجي الاختبار واقابل وحده تقولي ابي اجلس وراك وطلعي الورقه ومن هـ الكلام ... بالله هذا مو ظلم؟؟ لا طبعآ ماراح اوريها ورقتي .. ولو نجاحها راح اكون انا السبب فيه بعد الله ماراح اخليها تنجح الي يبي طريق النجاح والتفوق يعرف اشلون يوصله في الاختبار يكرم المرء أو يهان الي يبي الأهانه يغش والي يبي الإكرام يشد حيله وياجماعه اتقوو الله هذا شئ حراااااااام والله ربي ماراح يوفق شخص داخل الاختبار عشان يغش يعني للهدرجه تهمك درجات الدنيا .. ودرجات الاخره ماتهمك؟؟ وربي اني ادخل الاختبار وانا ادعي واقول (( اللهم لا تجعل الدرجات اكبر همي)) عشان نفسيتي ترتاح ولا اشعر بتوتر الاختبارات وناس تدخل لا تدعي ولا تستغفر .. تدور مكان بعيد عن المراقبه عشان تغش يانااس احنا كبار .. اصغر واحد بينا عمره لا يقل عن 20 سنه يعني عيييييييب نتناقش في موضوع زي كذا اتمنى تكونون فهمتو كلامي وفهمتو الفكره الي ابي اوصلها لكم

يااختي الفاضلة هذولي من النوع اللي يقول عنز ولو طارت هم يعني ماهم عارفين ان الغش حرام صدقيني انهم عارفين لكن المشكلة في سلوكيات الاتكال والاعتماد على الغير وضعف الهمة للعلم والدراسة والعمل اللي عندهم وماهم قادرين يغيروها.

هولاء الناس باختصار كسالي يريدون ان يصلوا اعلى المراتب بجهود الآخرين ...