أنا حولت إنتظام ... لكن الحيـــن ....!!!

[عصفورة الحب]

والله زي ماقولك اللي صار بالظبط ومااكذب الله علي شاهد لكن حسبي الله ونعم الوكيل وانا اللي جايه من اول ومعدلي 3.95 وقي بنات اقل حولو وكلو عشان اسمك ماطلع قال لكن انا رح اروح بكرا وبعدو وبعدو لحدت مايحولوني

[امل يعقوب]

انا معدلي 3.52

قلت خليني الين يوم الربوع احسن لانو اخاف يحرجوني :>

انتي معدلك عالي ماشاءالله لازم تروحي وغصبن عنهم كمآن ~

>_<

[Ξxтяα ςάѓαмεζ]

المشاركة الأصلية كتبت بواسطة nooona-lazoooza بنات انا نفسي احول أنتظاام بس بسئلكم إذا في امل يقبلوني اناا معدلي 3.71 جاوبوني الله يسعدكم عشان إذا في امل الحق اروح الجامعه ذا الاسبوع

انا معدلي زيك بالزبط 3.71


حمستيني انا بكرا رايحه

[soft]

يابنات قولولي انتو رحتو الساعه كم سبعه ولا ثمنيه ولا كم وايت احسن وقت اروح لهم بليييييييييز جاوبني

[soso139]

الساعة ثمانية تمام
قبل الزحمة

[البنت الكويسه]

المشاركة الأصلية كتبت بواسطة Ξxтяα ςάѓαмεζ انا معدلي زيك بالزبط 3.71 حمستيني انا بكرا رايحه

وانا كمان إنشآآءالله رايحه بكره

[candy girl]

المشاركة الأصلية كتبت بواسطة عصفورة الحب يابناااااااااات لدعولي انا من اول رحت الجامعه الساعه سبعة ونص واشوف البنات قاعدين يعبون النموذج حق التحويل وانا خلاص ببكي تقول مالقيت اسمي بالكشف وقالت اكتبي اسمك ورقم جوالك وراجعينا الاربعا وفي بنت دخلتها عند المديره وحولت وهي زينا احنا اللي ماطلعت اسمائنا والله ظلم والله

بصرااااحه شي يقهر بس ربي يكون في عونك

وانا بنفسي شوفت بنات يوم الاحد اقل منك وحولو بس انتي راجعيهم ولا تسكتي اجلسي على راسهم

يااارب انك تحولي.. وبالتوفيق لك ياقلبي

[نغم الحياه]

بنات انا رحت اليوم
وانصحكم أنكم لاتأخروا روحتكم هناك
روحوا بكرا وبدري
لمن تاخذوا ورقة التوقيعات وورقة التحاليل
عبوا بيناتكم وروحوا حللوا على طول
بعدين روحوا عند إبتسام اليوم لقيتها في غرفه 7
بعدين روحوا لوحده مررره عسل إسمها فوزيه تلاقوها في غرفه 15
بعدين روحوا للشباك رقم 7 سلمي شهادتك حق الثنوي وورققة الكشف الطبي وورقة التواقيع
وبعدين هيا تاخذهم وماترجعلك الا ورقة التواقيع
وبعدين دغري روحي على كليتك وروحي الشؤوون التعليميه
روحوا عند وحده مكتبها في ركنية الغرفه قدامك على طووول
مدري وش إسمها والله
بس حتقول لك لازم ترجعي تعبي تخصصك من جديد
وطبعا حتنفتح لك تخصصات ماكانت في الإنتساب
وإنتي رتبيها على حسب الأولويه
وأعطيها ورقة التواقيع وحتوقع لك
وآخر شي
أرجعي لإبتسام في غرفه 7
ووقعي توقيع تاني منها
دحين هيا لازم توقع توقيعين أول وحده وآخر وحده
يعني لازم تروحي عندها مرتين
لاتحوسوا زيي
وآخر شي روحوا عند المركز الشامل دا برضو جوا العماده عند الكراسي
وحتقول لك متى تجي تاخدي البطاقه تبعك

...........
وأي سؤال انا حاضره

[إح ـساس]

فديتك يا نغم الحياة الله يجزاك ألف خ ـير ..
يدققوا على سنه التخرج أو لااا ..

أم ح ـمدان أنتي متى حتروحي ...؟

[الملاذ..]

^ ^
لازم دكتوره ابتسام توقع مرتين انا روحتلها مرتين بس هي وقعت مره وحده وقالتلي روحي الشوؤن رحت للشوؤن التعليمي للكلية الاقتصاد ولاداره اخترت تخصص محاسبة وقعتلي وبس
ورقة التوقيع حقتي كامله باقيلي توقيع المركز الشامل لاستلام البطاقة طبعا بعد سبوعين

الله يوفقك الجميع ..