انا طالبة بحث وتدريب مع تغريد السليماني

[m.k]

وعليكم السلام

هذا إيميلها اعتقد ...
Taghreed.alsulimani@gmail.com

[طنط خضراء]

هيا ماحددت يوم للمناقشه اللي تخلص تروح الله يوفقنا ويسهل علينا ونعدي هالترم اللي تتناقش تعلمنا كيف

[m.k]

المشاركة الأصلية كتبت بواسطة طنط خضراء هيا ماحددت يوم للمناقشه اللي تخلص تروح الله يوفقنا ويسهل علينا ونعدي هالترم اللي تتناقش تعلمنا كيف

طيب عزيزتي ممكن تعلمين كيف اسلم التقرير ومتى اخر مدة لتسليم
مع العلم انا من الشرقية يعني ضروري أتواجد في الجامعة ولا راح يكون في مناقشه في اختبار المناطق

انا أرسلت للاستاذة بس ماردت علي
ياليت تفيدني

[طنط خضراء]

انا لمن ارسلت لها قبل فتره اسالها عن موعد التسليم قالت معاك لين قبل الاختبارات تجين وتسلمينه وتتناقشي بس لسى مارحت والله لاني ماخلصت هيا طالبه عرض الله يهديها

[m.k]

طيب عزيزتي يعطيك العافيه
وبالتوفيق ان شاء الله

[هـدوووء]

بناات ياليت تساعدوني :(
فيه اشياء موفاهمتها في الخطه
مثلا قائمة الجداول يعني لازم اسوي جداول في التقارير ؟!
ومنهج التقرير اللذي تتبعه (وصفي/اجرائي/تجريبي/تاريخي..) مافهمت ايش تبغا بالتحديد !!
ومصادر المعلومات و حدود الدراسه كلها موعارفه ايش تبغاني اكتب فيها !!!

ياليت اللي تعرف لاتبخل علينا ابغا اخلصو وارتاح عشان عندي مواد غير البحث :(

[هـدوووء]

للـــرفــع

[D E E M]

سألت الاستاذه عن نقطة
[ ومنهج التقرير اللذي تتبعه (وصفي/اجرائي/تجريبي/تاريخي..) مافهمت ايش تبغا بالتحديد !!]
فردة عليا وقالت ( لقد قامت الباحثه بالاعتماد على المنهج التحليلي الوصفي في كتابة تقريرها و ذلك من خلال الملاحظه بمكان التدريب و بالرجوع للكتب و المجت العلميه )

شكلها تبانا نكتبه كذا بالبحث !!!!!!

[طالبه الخبر]

بنات في احد سلم البحث ومتى اخر موعد للتسليم لآني ما اقدر أجي قبل الاختبارات

[D E E M]

مرحبا بنات
كيفكم مع البحوثات

اليوم الحمدلله سلمت البحث و ناقشت و افتكيت
اول شي موعد البحث قبل الاختبارات باسبوع او وقت الاختبارات

اسئلة المناقشه كانت
عن مكان التدريب و ايش ادربت و ايش المشكله اللي واجهتني بالمنظمه
و سألتني عن الحل الامثل و ايش تقترحي حلول و سألتني عن التوصيات

طريقتها بالمناقشه انو تخليكي تتكلمي كأنك بتلقي محاضره اللهم الوقت قصير طبعا
ضروري ضروري ي بنات تعرفوا التوصيات و النتائج و تتكلموا عن المشكله بشكل عام
الاستاذه اليفه مره بس من يوم تبداء المناقشه تتوتري و ترتبكي
فانتي خذي نفس و لا تستعجلي خذي راحتك بالكلام انا غلطي مع التوتر من مستعجله كثرة الارتباك

اشياء مهمه في البحث
الغلاف يا بنات يكون نسخه مكرره عن الصفحه الاولى اللي فيها عنوان البحث و اسمك و شعار الجامعه و غيره
انا بعد ما طبعت البحث اليوم بالجامعه انتبهت ان الصفحه الاولى مافي هههههههه تناحه وربي
المهم ركزوا ع الغلاف و التوصيات و النتائج في البحث
الفهرس اللي هي المحتويات ، المراجع ، الملاحق ،
انا الغلاف و الملاحق ما كانت فيه الغلاف غلط المطبعه و الملاحق اصلا ما اعرفها
فلمن وحت قالت مو مشكله ارسليها بالايميل عشان ما تنقصي و كذا فرسلتها ايميل
ما عدا الملاحق لان والله ما اعرفها بس بشوف و اضبطها لها لو كا عرفتها خلاص
امممم ايش كمان ايوا الغلاف عادي لو نايلون انا سألتها ايش تحبي يكون غلاف البحث قالت نايلون بس
لا تنسو تقيم المنظمه تاخذوه مع البحث

البوربوينت انا رحت و معايا ثلاث بنات طيب
انا خيرتني تبيني افتح لك الشرائح تشرحي منها او لا ، انا قلت ما احتاجه
صاحبتي برضوا خيرتها و فتحت و شرحت منو
صاحبتي الثالثه ما خيرتها و لا فتحت لها الشرائح
يعني يختلف من بنت لبنت

ركزوا يا بنات ع الفصل الاول و الثالث و على المشكله و اتفلسفوا عادي بس لا تتوتروا

و بس يارب ما نسبت شي و بالتوفيق للكل