تجمع المقبولين في ماجستير اقتصاد

[.,.نيــــــــــــــــــــران.,.]

^
رسلوا رسالة قبل فترة انه كل شي الكتروني ،، بس ماصار شي لحد الآن ،، ننتظر ويارب خير

[.,.نيــــــــــــــــــــران.,.]

يابنات افتحوا الايقافات شوفوا اتغير عندكم شي ؟

[همس المشاعر$$]

السلام عليكم..
بنااات امسرحت استلمت البطاقه من مبنى 3 وبعدين رحت لأستاذه عهود في نفس المبنى وشالت عني الأيقاف عشان أقدر اسوي الجدول..
بالنسبه للدوره البديله للغه الأنجليزية المسئولين عنها في اجازه
ابغى اعرف مواعيدها عشان اقدر انزل المواد .. الله يخليكم ساعدوني الي تعرف ترد بأيامها وساعاتها..
وشكرااا

[soso139]

ما شاء الله تبارك الله
يارب يبقى الموضوع حيوي كذا على طوووووووووول
أنا اليوم رحت مبنى 3 و أخذت بطاقتي وخليتهم يشيلوا الإيقاف
ودحين أبغى أسوي الجدول وماني عارفة كيف
لقيتهم حاطين رموز المواد وباقي الخانات فاضية
في أحد يعرف ؟!!

[بيان_]

المشاركة الأصلية كتبت بواسطة .,.نيــــــــــــــــــــران.,. يابنات افتحوا الايقافات شوفوا اتغير عندكم شي ؟

انا لما افتح على عرض الايقافات يطلعلي :( ايقافات سريه ) من تعرف سبب الايقافات ؟

[student4ever]

[QUOTE=mola;6616022]هوة فيه فترة معينه المفروض ما نتجاوزها في الدراسة اتوقع اربع سنوات اذا مو غلطانه
والمكافئة مع بداية الترم تطبعي جدولك وتروحي مبنى 13 غرفه 9 يمكن اذا مو ناسية المهم تسألي عن الغرفه تبع المكافأت وتعطي الموظفه الجدول وتقولي لها انك ماستر وتبغي تقدمي على المكافأة وتعطيكي موعد تراجعيها وتاخذي البطاقة وتروحي تفعليها من بنك الجامعه. . طبعا المكافأة 890ريال ولمدة سنتين فقط
ما فيه صيفي في الماستر واحنا كلمنا رئيس القسم علشان نبغى صيفي ورفض
تقسيمك حلو بس انتي عارفه يمكن الجدول ما يضبط معك على هذا التقسيم وتضطري تغيري على العموم انتي شوفي الشعب الدراسية من الاودس للسنه الماضية وغالبا المواد ما تتغير مواعيدها وظبطي جدولك كله. . وممكن تاخذي مشروع بحثي بدل الرساله وتخلصية في الترم بس في هذي الحاله لازم تدرسي اربعة عشر مادة مع المشروع
بالنسبة ﻷمواد الاختيارية في المشروع البحثي المطلوب مننا اربعه حقول وفي الرساله حقلين والحقول المفتوحه واللي تدرس بالقسم خمسة حقول وانا عن نفسي قاعدة ادرس الحقول اللي وقتها مناسب معاية واغلب الحقول اذا فيها دكتور كويس تلاقي المادة الثانيه دكتورها مو تمام يعني كلها في الهوا سوا. . بس انتي بما انك ناوية على رساله فيه عندك امكانية تختاري وارشح لك حقل تقييم وجدوى وانتي اختاري الحقل الثاني لما تداومي وتكتسبي خبرة من البنات[/QUOTE

اختي mola تسمحيلي اضيف لردك على الاخت soso ؟
طيب ؟ أولا كل عام وانتم بخير وعيدكم مبارك. لاحظت ان الاخت soso وضعت ترتيب مبدئي للمواد اللي تنوي دراستها بحيث تكون الرسالة في الفصل الأخير . لكن اللي أعرفه بحكم اني طالب ماجستير في قسم الاقتصاد ولي حوالي سنتين ان الطالب او الطالبة لازم يسجل رسالة الماجستير بعد ما يخلص 50 % من الساعات المطلوبة يعني بعد اكمال 20 او 22 ساعة. لانك لو اخرتي الرسالة الى الفصل الأخير يمكن تستغرق كتابتها اكثر من فصل او فصلين وبالتالي قد تحتاجين الى طلب التمديد لا سمح الله

[.,.نيــــــــــــــــــــران.,.]

ياجماعة قدرت اسجل المواد من الحذف والاضافة

بس اذا في شعب ندرسها مع دكاترة رجال كيف نعرف ؟؟ لأني لقيت شعب في المركز الرئيسي للطلاب بس مو قادرة اضيفها

[Grassroot]

المشاركة الأصلية كتبت بواسطة .,.نيــــــــــــــــــــران.,. ياجماعة قدرت اسجل المواد من الحذف والاضافة بس اذا في شعب ندرسها مع دكاترة رجال كيف نعرف ؟؟ لأني لقيت شعب في المركز الرئيسي للطلاب بس مو قادرة اضيفها

اختي تقدري تعرفي بمعرفة مكان المحاضرة. عندكم المحاضرات المشتركة (اللي يدرسوها دكاترة رجال) العادة تكون في مبنى التلفزيون عندكم وهذا يذكر في معلومات مواعيد المواد

[soso139]

مشكور أخ student4ever وأختي mola
وكل زملائي و زميلاتي في القسم
البكالوريوس عدا بالتساهيل الحمد لله
الفضل لله ثم لمساعدة الطلاب والطالبات لبعض في المنتدى وفي الجامعة
وألحين في الماستر أحس نفسي تايهة زي لمن اتخرجت من الثانوي
وأحتاج توضيحات وتوجيهات من الجميع
أنا ألحين نزلت مادتين بس في جدولي
الأولى : مناهج البحث في الاقتصاد
الثانية : نظرية اقتصادية جزئية
وكنت أبغى أنزل معاهم مادة اختيارية , لكن مارضي شيء ينزل معايا
هل الاختياري ينزل من الأوديوس , أو من الجامعة ؟!
أشكر تواجد الجميع

[جنون الطفولة]

المشاركة الأصلية كتبت بواسطة soso139 مشكور أخ student4ever وأختي mola وكل زملائي و زميلاتي في القسم البكالوريوس عدا بالتساهيل الحمد لله الفضل لله ثم لمساعدة الطلاب والطالبات لبعض في المنتدى وفي الجامعة وألحين في الماستر أحس نفسي تايهة زي لمن اتخرجت من الثانوي وأحتاج توضيحات وتوجيهات من الجميع أنا ألحين نزلت مادتين بس في جدولي الأولى : مناهج البحث في الاقتصاد الثانية : نظرية اقتصادية جزئية وكنت أبغى أنزل معاهم مادة اختيارية , لكن مارضي شيء ينزل معايا هل الاختياري ينزل من الأوديوس , أو من الجامعة ؟! أشكر تواجد الجميع

انا نزلت صناعي ونزلت معايا , وهي اختياري