~~ شــــــتــــــات ~~ ♥ مُصرهـ علـى قــراري ♥..

[مصره على قراري]

المشاركة الأصلية كتبت بواسطة د.نورهـ إدارة منتديات طلاب و طالبات جامعة الملك عبدالعزيز ، شكراً لكم على الثقة و بإذن الله نكون عند حسن ظنكم و عون لكم بعد الله في جميع أقسام المنتدى ،، فائق احترامي و تقديري لكم ،،،

ما شاء الله تبارك الله
تستاهلين يا الغاليه
بكل امانه الشخص المناسب بالمكان المناسب^^
والله يوفقك بكل مهامك الجايه ويعينك علينا^_^
وعلى فكره اللون الازرق رهيب عليك
استانسي فيه كثر ما تقدرين
لانك قد الثقه ان شاء الله ورح تودعينه قريب<<متوقعه ان الكل هلالي مثلي

موفقه يا بعدي ومبروك علينا اشرافك

وفي شغله صغنونه بقولها لك على الجوال^_*
بس اول يعطوني الي حوله فرصه اتفرغ لنفسي

[مصره على قراري]

قلقانه عليه

الله يحفظه لي يارب
ويريح باله على قد مو مريح بالي ومسعدني

اميييييين يارب

[مصره على قراري]

اختي سافرت لكندا قبل ساعه
وحامل وبأخر شهرها الله يحفظها يارب
من جد شايله همها من جده لألمانيا وانتظار 4 ساعات ومن المانيا لكندا
ريحونا سوا طيران مباشر
من جد تعقدنا واحنا نص وقتنا بكندا
يعني تعب ما بعده تعب

بتوحشني هيا وبنتها يا ناسو عليها تهبل ربي يحفظها
متحمسه تروح لـ(الدي كير)حقتها <<نذله ساحبه علينا

الله يسهل امرهم ويوصلون بالسلامه

مع البيبي الجديد رح تزيد جوازات السفر الاجنبيه بعايلتنا

احس انا عايله تجميع
ما يحلالنا ننولد الا برا<<

//

[مصره على قراري]

توصيه اخيره من استاذي البلالي~

لا تحصري نفسك في اي قالب مهما كانت جودة هذا القالب وخدمتة لهدفك الاكبر
فأن الحدود هي التي تقتل الابداع نوعي في حياتك حتى تستحق ايامك كلمة(حياه)
لا مقرر او رتم او روتين
الرتاااابه قاتله وخانقه

//

وانا اقول يجب ان تكون حياتنا كـ(علبة الالوان)
نجمع من هذه الحياه كل لون لأننا نتحتاجها في تحديد معالم لوحتنا

[مصره على قراري]

مستمعه جيده
قارئه ابداعيه
ناقله للمعرفه
صاحبة تحليل ابداعي عالي جدا
من اسرع الشخصيات تقبل لتغير
ومن اكثر الشخصيات استطاعه على تغير مفاهيم الاخربـ(المنطق)
كل معرفه مكتسبه لديك تأخذ من اسلوبك وتتطور بمفرداتك الخاصه
اصرار مع اقتناع تام
لبقه بما يكفي لتكون واجه ترويجيه لأي صرح انتاجي
سريعة الاخذ والرد ولديها قدره عاليه على استحداث مخارج منطقيه لنقاشات العقيمه
شخصيه ذات جذور عميقه وفروع ناضجه وملفته


مريم في سطور...

//

شكرا من كل قلبي لك استاذي


..

ما قال سلبياتي لكن وعدني بكره يقولها لي
وانا بنتظارها
ورح اكتبها هنا بدون ادنى تعديل(نسخ,لصق) زي ما سويت مع الايجابيات

رأيه نابع من فترة تواصل وعمل لأكثر من سنه ونصف

[مصره على قراري]

مسلسل العولمه(لعامر الحمود+ليلى الهلالي)<<ما اطيقهم
بس تذكرت جمله فالمسلسل لـ(بكر الشدي) الله يرحمه

(هدوء حكمه ريلاكسسيون)<<ويقعد يفرك خشته

وانا الحين اقول لنفسي
هدوء حكمه الصبر مفتاح 14 الي ودي افكبه جبهت العدو<<تربية شباب

الجد الجد
الصبر يارب ابي اتعلم اعد للمليون قبل ما اتصرف<<بالعاده اعد للعشره وانقز ارقام

عاد استفزازي الله يهديه

بس اثور بداخلي
وبالخارج (وش هالبنت الرزينه)<<تقريبا اشبه قدر الضغط

بالعموم احاول كثير اسيطر على انفعلاتي واحيانا انجح بهالشي
واحيانا احوس خامس جد لسالفه<<عرق نجد مركب
وياليتها حوسه سنعه ما اعرف احوس بعد
كل الي اسويه اتنرفز وبس لا طبنا ولا غدى الشر
ههههههههههههه

[مصره على قراري]

في شي شفته هنا
خلاني اروح هناك اتأكد منه
وارجع هنا
واقول

((سلالالالالامااااااات))




محتاجه مفتاح 14 الحيييييين<<هدوء حكمه يسلم راسك مافي شي يسوى

الحمد الله والشكر

[مصره على قراري]

مبروك الثلاث نقاط لزعيم

بصراحه ما شفت المباراه زين<<على الطاير بس

الي ودي اعرفه ايش الفرق بين الشاي اللبتون والشاي الورق؟؟
احس ان كلهم واحد بس تناحة شباب ودهم يعنوني وبس
يتشرطون نبي شاي ورق واغليه زين وسكر وسط عشان نمخمخ<<سلامات الفلكم سجارتين

عاد انا فاشله فالمطبخ على قولت ابوي (زين انك تعرفين ان في بيتنا شي اسمه مطبخ)
بس الشغاله بأجازه اسبوعين والعائله فجئه اكتشفت اني بنت وهاتك يا طلبات

تجربة شاي وحده خلتني اتصرف بسرعه
استلفت شغالة اختي<<حلوه استلفت ريال هي


ملاحظه:اخواني الشباب كلهم متزوجين-ما عدا يزيد باشا- وكل واحد عنده بيت بس فالمناسبات الرسميه(مباريات-حش-مقالب- جمعه وخميس-تطفير لبوي<<مسكين والله يعاني منهم بس ما يقصر هو بعد....الخ) يكون التواجد في بيتنا
عاد كلهم ساكنين حولنا على قولت ابوي سيطرنا على الحي
ههههههههههههههههه
ايش رايكم نسوي انقلاب على امام المسجد؟؟


والله حاله سوينا الشاي وطلع ممتاز بمقايس محمد وياخوفي تحلاله الشغله وكل شوي ينطلي يبي شاي


وراحت علينا مبارات اليوم

[مصره على قراري]

اليوم العصر خرجت ازور جدتي<<الله يطول في عمرها
وشفت سواقنا (انور)<<هذا السواق فله معنا من يوم كنا صغار
لابس قميص بيج وبنطلون بني
عاد يزيد استلمه استلام
يقوله تلبس بيج وبني على بالك بيصيرلك هيبه مثل جيوب الهيئه
والله لو تلبس نجده محد بيخاف منك
هههههههههههههههههههههه

صراحه ضحكني التعليق ما انكر
بس استفزني يزيد
يا اخي خل الرجال يلبس الي يبيه وش هاللقافه
وانور بعد ما قصر علق على لبس يزيد
بس برضو احسه كسر خاطري
ولما كلمة يزيد قال يا بنتي اتحدى لو فهم
تبرير مقنع صراحه<<لحد يصدق ما اقتنعت

//

سؤال جاء في بالي الحين

ليه الشباب دايما مزحهم ثقيل والالفاظ فالغالب لك عليها خصوصا بجلساتهم مع بعض؟؟

للأمانه ما عمري سمعت اخواني يتلفظون بألفاظ مو لايقه يمكن لوحدهم غيرلكن قدامي ما قد صارت
بس عندي عيال عمي الله يهديهم حدث ولا حرج بالمزح بالعصبيه بكل شي
ودي اركب لكل واحد منهم فلتر على لسانه
هههههههههههه

[مصره على قراري]

المشاركة الأصلية كتبت بواسطة أمير القلوب * الحاجة الثانية الوقت .. كما تفضلتي أختي مصرهـ أنا أعاني منهـ بشكل كبير جداً .. وممكن أقول ماعندي وقت فاضي ليش ماني عارف .. بين العمل والبيت ضاع اليوم .. دخولي للمنتدى صاير قليل جدا عن السابق .. وبالأخص في الدوام الصباح ضغط من الأسبوع الماضي بشكل غير طبيعي .. وكمان الأيام القادمة ممكن وبنسبة كبيرة راح يتضاعف الضغط ... أسأل الله أن يباركـ لنا في أوقاتنا ...

اللهم امين

الله يسهل امرك ياخوي وان شاء الله يخف عليك ضغط العمل<< كنت اعاني قبل فتره من هالشي هدت حيل والله
وبالنسبه للمنتدى لا تشيل هم وراك رجال



//