|| تم فتح التحويل من الانتساب الى الانتظام بالاودس||

[نوسو]

المشاركة الأصلية كتبت بواسطة نجود المزيني السلام عليكم ورحمة الله وبركاته انا معدلي 3,5 وكنت محمله الترم الاول انجليزي المستوى الاول والترم الثاني اختبرتوه ونجحت فيه يعني باقيلي المستوى الثاني ولما افتح في الاودس التحويل والتسكين مايطلعلي لا تخصصات ولا التحويل من انتساب الى انتظام سؤالي مافي امل على السنه الجديده احول انتظام وهل ياترا بتخصص ولا اول اخلص المستوى الثاني من الانجليزي وبعدين اتخصص جاوبوني بليييز عشان قربت استخف

للاسف حبيبتي لاتشملك شروط التحويل حاليا
ولكن بعد ان تجتازي جميع مواد السنه التحضيري وبمعدل تراكمي من اربعه ومافوق إن شاء الله تتحولي
والتحويل يفتح كل نهاية سنه دراسيه مو بين الاترام
ونعم تتخصصي حتى لو مااجتزتي جميع مواد التحضيري بما انك انتساب ولكن بما ان تعثرك في مادة الانجليزي فماتقدري تتخصصي انجليزي

[نوسو]

المشاركة الأصلية كتبت بواسطة هاجس الشوق اختي مي انا الحين تخصصت المشكله مو هنا المشكله انهم يقولون مايفتح الا كل سنه مره ! يعني اذا الترم الاول نجحت بموادي حق التحضيري ايقونة التحويل مرح يفعلونها الا بعد سنه كامله وبعدين النسبه دي 3.5 هي 3ونص ولا 3و5 وضحيلي تكفين التحضيري هو اللي خبصت فيه ولا التخصص مرره كل درجاتي تمام يعني الترم الجاي لو ماقبلوني ماعد بيقبلوني عشان بتجازو نص المنهج والساعات المطلوبه فهمتي علي \

التحويل لايفتح الا نهاية السنه الدراسيه مره واحده فقط ولايفتح بين الترمين
وللمعلوميه معدل ثلاثه ونص مجرد حبر على ورق ولايحولو الا من معدل اربعه ومافوق بالنسبه للطالبات طبعا لان في بعض التساهل مع تحويل الطلاب ولقلة عدد الطلاب المحولين بالنسبه للطالبات المحولات

[نوسو]

المشاركة الأصلية كتبت بواسطة هاجس الشوق والله احس اني متنحه الحين تقولون مافي تحويل الا بعد سنه !يعني مافي احول بين الترمين !*ــ* انا الحين توي تخصصت ونجحت باول ترم ليا لا وكمان حامله من مواد التحضيري يعني احباط قوي *ـــــ* ماظن بيعطوني وجه صح ؟ افتحوا نفسي بالله ! دحين تكفون قولولي لازم انجح من مواد التحضيري ولا مو شرط ؟ ناس تقول على حيب الدفعه قسمن مليت من الانتساب الله يعيين

مافي تحويل بين الترمين ولايفتح التحويل الا نهاية السنه الدراسيه
وللاسف التحويل لايشمل في شروطه من تحمل مواد من التحضيري فمن شروطهم الاساسيه اجتياز جميع مواد التحضيري بنجاح

[الهااارون]

السلام عليكم
حتى انا نفس الشي لايوجد فصل دراسي متاح ياليت توضحووا وشكرا

الهاارون

[نوسو]

المشاركة الأصلية كتبت بواسطة كنكت فوشي عزيزتي oxo انا معدلي 4,13 وكل شروطي مستوفاه بس انو شهادتي الثانويه قديمه مرره هل يقبلوني ولا ..؟ وهل اقدر احول لكلية الاقتصاد المنزلي ..لانو ودي بقسم فنون .. شاكره لك ..

عند تقديمك للتحويل بتجيك الموافقه بااذن الله
ولكن عند مراجعتك لهم لمطابقة البيانات راح يرفضوك بسبب تقادم الشهاده
ولكن ليس نهاية الدنيا بامكانك تقديم خطاب مع صورة من شهادة الثانويه وكشف درجاتك للعميد بشطر الطلاب طبعا يقدمها ولي امرك والعميد راح يراجع موضوعك مع اللجنه الثلاثيه وفالغالب يتم الموافقه على الطلب
وانا شخصيا صار معاي نفس الشي لما حولت للانتظام واعرف كثير صار معاهم نفس الشي

[نوسو]

المشاركة الأصلية كتبت بواسطة ❤ α̲и̲єєи̲ وعليكمم السلام والرحممة كلية الاداب ( انقلش ،، تاريخ ،، جغرافيا ،، عربي ،، دراسات ) واحتمال يفتحو علم نفس وعلم اجتماع كلنا كيدا متحطمين فيه بنات من العام نقلو بعد تيرم تربية خاصة في كلية التربية انا متفائلة اني اقدر انقل تخصص علمي اذا مانزل معدلي بحكم ان الثانوية العامة علمي النقل لكلية الادارة والاقتصاد يحتاج معدل عالي جدًا احيانًا يقولو 5 من 5 واحيانًا اسمعهم يقولو فوق 4.75 دائمًا حتى للمنتظمات عملية التحويل بين الكليات تتطلب معدل عالي جدًا تحاول تحافظ ع معدلها اذا كان عالي ممرا او تحاول ترفعه وان شاءالله تقدر تنقل اذا ربي كاتبلها بس في ظاهر شروطهم انه ماتقدر تنقل بعد كدا من الاداب تقريبًا تخويف بس عشان لحد ينقل لكن زي ماقلت لك فيه بنات نقلو لكلية التربية تخصص تربية خاصة غير كدا مانعرف والله اذا فيه احد نقل ع كلية ثانية بالتوفيق للجميع ♥

مابي احطمك حبيبتي لكن بخصوص تحولي للعلمي فمستحيل
انا شهادتي الثانوي علمي وراجعت كلية العلوم وعمادة القبول شطر الطالبات وشطر الطلاب
وللاسف جميعهم رفضو طلبي واعتبروه من غير المعقول نهائيا ان اطلب التحويل للعلمي
وقالو هذا شي عمرنا ماسمعنا فيه رغم اني سمعت الكثير من الشائعات عن قبول من هذا النوع

[نوسو]

شروطهم عت التحويل للانتظام انو ماتقدري تحولي لكليه اخرى لكن هالشي مجرد تخويف
وانا من البنات اللي حولت للتربيه الخاصه ولكن اللي مالك امل فيه انك تحولي للسليمانيه
يعني لو بغيتي اقتصاد واداره او اي تخصص موجود فالسليمانيه فهذي مستحييييييييييله ماضنتي في احد تمرمط معاهم كثير عشان ارجع مقر الجامعه وجبت للعماده موافقه من رئيسة القسم اللي ابي ادرس فيه ورغم كذا رفضوني ويقولو دامك بالتحضيري كنتي انتساب مستحيل نرجعك هنا

[مى جده]

ليش نوسو فيه في الموقع التحويل من كلية لكلية معقول ماحولك بصراحة تحطيم نتعب ونسهر ونجيب نسب يمكن الانتظام ماجبونها وفي النهاية كذا مصيرنا انا السبب الوحيد القدرات درجة وحدة فصلت بيني وبين الانتظام ورضيت بقسمت ربي وشدت حالى بس بصراحة اذ ماحولني ناس ماتفهم ولاتحس فينا طيب نوسو انتى كنت منتسبة وصرتي منتظمة صح ؟

[نوسو]

المشاركة الأصلية كتبت بواسطة المتطلعة الله يعطيك العافيه على ذكر تجربتك بسألك لما انقبلتي انتظام طلبو منك اوراق او اي شي ..ياليت تذكري الأجرات اذا فيه والله يعطيك الف عافيه

نعم بعد ماتنقبلي يطلب منك مراجعك عمادة القبول والتسجيل فالفيصليه وتحضري شهادة الثانوي لمطابقتها وختمها

[نوسو]

المشاركة الأصلية كتبت بواسطة يارب العزه انصر اهل غزه لو سمحتي اختي انا اداره عامه انتساب لو بحول انتظام احول في نفس التخصص ولا في الكليات الادبيه ولو في الكليات الادبيه يعادلون لي المواد اللي درستها

تتحولي للاداب ويعادل لك المواد المشتركه كالثقافه والعربي والمواد اللتي لها نفس التوصيف وغالبا مايطلع في اي مواد قابله للمعاده غير الثقافه والعربي