لبنااااااات جدة فقط الي تقدر تروح الشلال يوم الأثلاتاء بنات فقط تدخل

[عصر الحاسب]

ماشاء الله متأكدة مافيه حرمة بالموضوع؟؟؟؟
ترى مو حلو الواحد عارف انو في غلط ويمشي عليه..
انا ما اتكلم عن صحبة الجامعه تقدري تسوي قد ماتبغي محد حيقولك شئ .. لكن اتكلم عن اللي قاعده تنشر خبر الفيلم ؟؟؟ وهوا عيونك محتشهد عليكي يوم الدين ولا ايش؟؟؟ ولا الشلال اللي كلها اغاني ومحرمات وتصوير وبنات في حالة عري واستخفاف بالحجاب والملابس وكل شئ حتى لو كان يوم بنات اغلب اللي بيصير هناك حرااااااااااااااااااااااااااااااااااااااااام...... ....
تأكدي من مواقع الافتاء من الكلام اللي قاعده اقوله ..

[ساكنه في بيتنا]

ههههههههههههههههههههههههههههه

وربي في ردود تحــــــــــــــــــفه

[evil girl]

المشاركة الأصلية كتبت بواسطة عصر الحاسب ماشاء الله متأكدة مافيه حرمة بالموضوع؟؟؟؟ ترى مو حلو الواحد عارف انو في غلط ويمشي عليه.. انا ما اتكلم عن صحبة الجامعه تقدري تسوي قد ماتبغي محد حيقولك شئ .. لكن اتكلم عن اللي قاعده تنشر خبر الفيلم ؟؟؟ وهوا عيونك محتشهد عليكي يوم الدين ولا ايش؟؟؟ ولا الشلال اللي كلها اغاني ومحرمات وتصوير وبنات في حالة عري واستخفاف بالحجاب والملابس وكل شئ حتى لو كان يوم بنات اغلب اللي بيصير هناك حرااااااااااااااااااااااااااااااااااااااااام...... .... تأكدي من مواقع الافتاء من الكلام اللي قاعده اقوله ..

انتي بتتكلم عالفيلم الي بتقول عليه سوار

اعتقد انه قالتها على سبيل المزاح واذا كان صح بتقولك في مركز الثقافة يعني اكيد فيلم وثائقي ولا ثقافي

واذا عالشلال

بقولك شيء

دحين لو قعدنا في بيوتنا وقلنا حرام نروح هنا وحرام نروح هناك حنعطي فرصة للناس الي ماهي طيبة انها تزيد ليش ما نروح باحترامنا ونجبر الكل يحترمنا
بالنسبة للاغاني صح حرام بس لو كنا مجموعه وطلبنا انها تنقفل باسلوب حلو حتنقفل وياما حصلت معايا مو في الشلال في اماكن تانيه ولك اجر انك نهيتي عن منكر وعن باقي الي تقوليه زي لبس البنات همن احرار في لبسهم وذنبهم عليهم مو عليا وممكن الواحد برضه ينصحهم باسلوب حلو وبلبسه وشكله واذا عالتصوير ما عمري سمعت عن ناس راحت حالها في حال نفسها واحد اتعرض لها
المهم الي باوصله انه مو لازم نحبس نفسنا وما نعيش حياتنا عشان غيرنا بيسوي غلط ليش ما نطلع ونفرض عالكل الصح واغلب الي هناك مراهقات ما بيشوفوا غيرالفنانات ويقلدوهم خلينا نروح نصحح لهم نظرتهم وننصحهم ...

اتمنى فكرتي تكون وصلت بلاش نقفل على نفسنا واحنا الصح عشان الي حوالينا غلط :)

[سوار العسل]

حبيبتي عصر الحاسب اقرئي جريدة عكاظ حقت أمس الهيئة زارت مكان العرض و قالت نو بروبليم (:

[سوار العسل]

أهلين إيفل .. كيفك يا بت (:

لا ما أمزح الفيلم سعودي و بطولة راشد الشمراني و عارضينه ضمن مهرجان العيد و فيه قسم سيّدات طبعًا .

عصر الحاسب أمي ماهي معترضة على الشلال أمي معترضة على التعرف على بنات (:

[evil girl]

يا سلام بس مين راشد الشمراني



انا تمام التمام يا سوار

انتي كيفك ؟

واذا عالبنات تتعرفي عليهم في الجامعة

يبغالنا لقاء في الجامعة بس في يوم اقدر اجي فيه عندكم

[سوار العسل]

راشد الشمراني اللي كان يطلع في طاش ما طاش بس خلاص يمكن ما راح أروح ..

ايفل حبيبتي هي اعتراضها مو على المكان على مبدأ إني تعرفت عليهم من هنا من المنتدى هههههه عمومًا أمي و على كيفها و أنا اللي نفسي أجي عندكم أختي انفجعت يوم شافت شطر الطالبات هي عندك طب بشري ، و الله نفسي أشوفكم (:

قد قابلتي أحد هنا ؟

[evil girl]

لا ما قابلت احد ولا اعرف احد معرفة شخصية



تبغي تجينا تعالي انا ادخلك


هو ممنوع بس انا مافي شي صعب عليا قبل كدا جوا صحباتي ودخلتهم واخدنا جوله ورحنا المشرحه ووحده كان حيغمى عليها وننفضح

[*لانا*]

فكره أكثر من رائعة ........

[سوار العسل]

إذا أختي ما تعدّي جنب المشرحة تبغيني أنا أسوّي كذا هي الحين سنة ثاني بس أظن يبدون تشريح هالسنة... و إن شاء الله إذا فقت في يوم من الأيام و رحت معها أكلمك قبل يا ستّي و فرصة سعيدة نشوفك طبعا (:

أنا قابلت ثنتين في المنتدى و تخرجت و ماشفت البقية .