تجمع طالبات بحث وتدريب - موارد بشرية / أ.سمر عناني

[طيبه جدة]

السلام عليكم ورحمة الله وبركاته

كيفكم ياحلوين وشو أخبار السنترا معاكم ...

" مع أنه ما في أحد منكم شارك بالاستبيان اللي أرسلته ، بس حـ أحاول مساعدتكم قد ما أقدر "


ما أعتقد أحد راح ، أنا كنت بروح بس انشغلت

بنات بالسنترا موجود محاضرات ذي المادة بس الاستاذة ماجات تقدرو تتواصل مع البنات على الأقل

[روابي نجد]

بنات ياليت احد يفيدنا عن موعد المناقشه وعادي لو اخرته مع الاختبارات لاني صعب اجي جدة

[طيبه جدة]

السلام عليكم ورحمة الله وبركاته

كيف أحوالكم ياحلوين ... وشو اخبار تقاريركم

من جد ياليت وحده تسوي فينا خير وتقول لنا ( لأني سمعت من وحدة معاي بالتدريب تقول استاذتها دلال فتيحي حددت لهم نهاية شهر ابريل )

وكمان انا احضر مع البنات بمحاضرات السنترا ويقولو (انهم راحو لها وماكانت موجوده بمكتبها اصلاً بالساعات المكتبية وجوالها مقفل ولا ترد على الايميلات )


شو الحل ؟؟؟؟؟؟؟؟

[ريفال]

كيفكم صبايا رحت يوم الاثنين في الساعات المكتبية و ما كانت موجوده وكتن موجود كم بنت تسال عنها في مكتب استادة سامية مقبول طلبت مننا ان نتظرها برا اتصلت وكلمتها والظاهر اتهتوشة معاها رجعنا دخلنا لها قال اذا متضررين منها اكتبوا اسمائكم ووقعوا ونحن نتخذ الاجراء الازم وما ادري اايش اسوي ارسلت لها ايميل اني اكثر من مره رحت لها المكتب و مالقيتها و بمواضيع البحث عشان اعرف ابدا فيه وما ردت علي بعد مررره محتاسه ماني عارف انا اختار العنوان وابد في البحث او انتظر الى الاحد الجاي .

[طيبه جدة]

السلام عليكم ورحمة الله وبركاته
بنات انا روحت لها اليوم ولقيتها الحمدلله

المهم قالت انه الاسبوعين اللي فاتت كانت مشغولة منشان كذا ما قدرت تحضر بساعاتها المكتبية بس ان شاءالله اللي بتراجعها تلاقيها كمان ( ان شاءالله )
المهم
المهم
المهم
خبر جديد ( بالنسبة للمناقشة والتسليم التقرير النهائي " ما تحدد الموعد بابضبط بس " قالت غالباً حـ يكون بداية شهر رجب ( طبعاً التسليم والمناقشة قالت لي بنفس اليوم " )


ايوا كمان سألتها عن محاضرات السنترا قالت أنا قلت لهم ما أبغى محاضرات سنترا ( وتقول أصلا كيف عندكم محاضرات سنترا باسمي " المهم ما علينا منهم ، الهرجه المهمه انها ما لها اي محاضرة سنترا منشان كذا ما تحضر اصلا " )

وبس هذا تقريري اليوم من الجامعة ( صرت مراسلة لكم 😅

الله ييسر لنا أجمعين ويوفقنا يارب

سلامووووووووو💗💭

[هدوش]

يعطيكي الف عافيه حبيبتي ما قصرتي

[ريفال]

وانا بعد رحت اليوم ولقيتها و اعتمدة موضوع بحثي ومكان تدريبي فعلا المناقشه بعد ما حددة موعدها بس طلبة ان اخلص الجزء الاول من البحث و اراجعها الاح\د اوالاثنين الجااي عشان لو في اي غلط تنبهني اسلوبها حلو في التعامل وتفاجئة ان د/ سامية مقبول خالتها وانهم مسويين تغطيع على بعض بمعنى شيلي عني واشيل عنك بس اهم شي يخلصونا

[طيبه جدة]

السلام عليكم ورحمة الله وبركاته

كيف حالكم يا بنات وليش ما في أي أخبار ؟؟؟؟

أنا رحت لها يوم الإثنين و اعذروني انشغلت وما قلت لكم شو الجديد

المهم

سألتها متى موعد المناقشة وقالت ليا لسى ما حددته بالضبط بس حـ تعلن عنه تقول ( فين ما أعرف بس شكله على الباب كالعادة الله يعين ) المهم قلت لها كيف نعرف ولا زم نجي عندك ووو قالت برسل ايميل للطالبات اللي أرسلو لي ايميل -- أنا طبعاً ما أرسلته لها ولا ايميل منشان كذا حـ أرسل لها اليوم ان شاء الله --

ومرا كانت مشغولة وزحمة بنات عندها ، وسألتها عن البوربوينت قالت يكون عن كل نقاط التقرير و مختصر جداً
ووريتها التقرير تبعي قلت لها خلاص أطبعه قالت اطبعيه (( اللي قهرني ما كانت مركزة مرا يعني تحسوها ما قرأت حاجه يااااادوب تتصفح )) بس بكمل أضبطه وإذا عجبني طبعته


بس هذا أخر تحديثاتي لكم
سلاااااااااااااااااااامو

[طيبه جدة]

السلام عليكم ورحمة الله وبركاته

خبرررررر مهم
عن تسليم التقرير ارسلت لي الاستاذة ايميل تقول :


السلام عليكم ورحمة الله وبركاته
بالنسبة للتسليم بالإمكان البدء بالتسليم غدا الاحد والإثنين الساعه العاشرة
ومن لم تنتهي بالامكان عمل موعد للاسبوع القادم
مع تمنياتي لكن بالتوفيق

Date: Wed, 1 May 2013
وهذا تاريخ الايميل

وبالتوفيق للجميع يارب

سلامووووووووو

[y-o-y-o]

السلام عليكم
بنات ابغا اعرف ضروري بليز التسليم فين يكون
وحتكون المناقشه في نفس اليوم ولا في يوم تاني
ولازم اروحلها الاحد اسلمو ولا في يوم تاني عادي؟؟
بلييز الي تعرف تقلي

شكرا