بـــعــد أخــلاء الــجـــامعة اليوم ... هل سوف تدوام غــداً ؟!

[نادين]

المشكله اللي عنده اختبارات اش يسوي ..انا عندي عربي ومو عارفه حيأجلوه مثل الثقافه ؟؟

[سواليف ليل]

وانا كماااااااان عندي عربي

[m!ss lala]

المشاركة الأصلية كتبت بواسطة حورية 666 ماراح ادوام طبعا الجو مرة زفت والامطار قوية حاليا بشمال جده

اختي لا تقولي زفت !!

الامطار نعمة من الله مو نقمة

بس احنا في جدة الامطار مسببة لنا رعب وخوف

قولي اللهم اجعلها امطار خير وبركة

اللهم اغثنا غيثنا هنيئاً نافعاً غير ضار

مايصير نسب نعمة الله

اتمنى الكل يحافظ على كلامة

[m!ss lala]

توني اشوف نشرة اخبار الطقس في القناة السعودية

يقولوا احتمالية هطول امطار في مدينة جدة اليوم ضئيلة

ومكة مطر خفيف

[روحي لها جنحان...]

أرجوكم أبغى أحد يرد لي الخبـــــــــــــــر


عندي اختبار سلوك انساااني


ما ادري اررررررررروح والا لا ؟؟؟؟؟؟؟

خلاص احترت ومني عارفه ايش اسوي

[روحي لها جنحان...]

المشاركة الأصلية كتبت بواسطة m!ss lala توني اشوف نشرة اخبار الطقس في القناة السعودية يقولوا احتمالية هطول امطار في مدينة جدة اليوم ضئيلة ومكة مطر خفيف

أهلين يا عسسسسسسسسسل


طيب يعني ايش تتوقعين تتأجل الاختبارات ؟؟؟

[Haiofa]

صباح الخير ياحلوووين :) ..

كيفكم ؟؟

أنا رحت الجامعه الساعه 7 ونص الطريق شبه فاااضي والبوابه أول ما دخلت دعست عالأرض سمعت صوت ( طشششش ) البوابه بحالهااا غراقانه مويه .. المهم كملت وسألت الأمن فيه بنات جواا ؟؟ قالت لي أمم !! بصراحه نرفزتني لأن أطالع جواا أحس مافيه غير أنا والدادات !!

المهم دخلت وشمّرت العبايه لأنوو الأرض غرقاااانه وفيه تراب وطييين كثيرررر والناموووس حدث ولا حرج .. ومشيت إلييين مبنى الثاني ( مبنى اقتصاد وإداره ) دخلته وكمان مافي غيري أنا ودادا تمسح الأرض .. طلعت ورحت على 420 .. الطريق اللي يودي على 420 من بعد الباب الأسود ساير مسبح .. سرت أمش عالرصيف وأدعس في الطين ( والله تعبت نفسي ) .. المهم وصلت 420 من دخلت إليييين وصلت الكلاس ( 107 ) وأنا أدعس على بركة مويه !! مو كم وحده يعني متفرقه .. لا والله بررركه كبيررررره يعني كأنووو مسبح بس مو عميق ..

المهم وفيه دادات يمسحوو بس اش يشيلو واش يخلوو !! وصلت الكلاس وأول ما فتحت الباب لقيت مستنقع سعنووون عند الباب .. ومافي ولا بنت .. شوي قالت لي الفلبينيه ( نووو كلاااااس ) قلت شوكررررن .. ومشيت وطلعت .. حتى الأمن ما وقفووني وقالو باقي ما جات الساعه 9 عشان تطلعي .. لأ عادي طلعت ولا قالو لي شئ ..
ومريت الـ 12 ولقيت فيه كم مستنقع لطيف ..


صاحبتي راحت عندها اختبار الساعه 9 ودوبها كلمتني تقولي الكلاس فاااضي ورجعت .. وحتى دكتورتها ما جااات .. ونفس الشئ تقول إنقهرت وأنا طالعه أشوف الأمن كل ما سألتها وحده في دوام تقولها ايوووه ، طيب حرااام والله الناموووس جوااا ملياااان يمكن أكثر مننا !! والمويه مغرقه الجامعه والطين وبهذذذذذله !! ترا ما تسووواا علينااا ، يعني يوم واحد ما بتفرق عالأقل إلييين ينظفوو الجامعه من المويااات ويروحوو الناموسااات .. !!

أنا بصراحه قابلت كم وحده داخله تقولي فيه دوام ؟؟ قلت لها والله المباني معدووومه والبنااات قليييل ..

أتمنى أكوووون أفدّتكم :) ...


* إجازة سعيده *

[دلوعة الإقتصاد المنزلي]

المشاركة الأصلية كتبت بواسطة سواليف ليل أنا دوبني كلمت السواق حق سركة الخالد قال اليوم مافي رحلات لأنه الجامعه غرقانه مويه بس ما أدري عاد كلامه صحيح

حتى انا اتصلت على سائق الباص قال موية بس متر ونوس
مافي بنات روه
...

[m!ss lala]

المشاركة الأصلية كتبت بواسطة روحي لها جنحان... أهلين يا عسسسسسسسسسل طيب يعني ايش تتوقعين تتأجل الاختبارات ؟؟؟

يا حلوه اتصلوا علي 4 بنات عندهم اختبارات ماهم رايحيين

ووحدة كان عندها اختبار الساعه 9 رجعوها

لأن اصلا في التلفزيون يحذروا من البقاء في الادودية ( هذا كلام التلفزيون )

فأتوقع يتأجل الاختبار صدقيني

لا تشيلي هم

استخيري الله وشوفي اذا حتروحي ولا لاء

[جنات حياتك]

انا عندي امتحان بس اجلته وغبت ع يدي
لانو بصراحة ما احد يدري ايش الاوضاع