تجمّع طآلبآت وطلآب إدآرة الأعمال دفعة 2010 حيآكم ..

[Bayan.J.S]

يديكم العافية يا عزيزاتي ،

و ان شا الله حرجعلكم بالأسماء الي تنزل وقتها (:

و أنا مستعدة أحفظ مافي مشاكل ان شا الله ، بس لا تدوني أرقام و معادلات ، أفطس xD

مدري كيف عديت المحاسبة والتمويل ، الحمدلله على كل حال

ربنا يسهلها ~

[adnans]

صباح الهجوله والاختبارات لكم جميعا

أخت بيان عندي نصيحه صغيره : بخصوص موادك الأخوات أفادوكي وباذن الله لو نزلتي عند دكاتره أقدر أفيدك أن شاء الله .. بس نصيحتي فمادة الاستثمار : هي آخر ماده حسابيه حتقابلك + تاااااااااافهه بمعنى الكلمه كنت أدرسها عند الدكتور حسام ملكاوي هي باختصار من أول ما يبدأ الترم أكتبي كل القوانين اللي معكم فكل الشباتر وحاولي تتدربي على مسائل بحيث أن هذي المسأله أحلها بالقانون ذا وذيك المساله بالقانون ذاك
( شرح مبوووش ) وزي كذا أنا مذاكرة الكتاب كله أخذ مني 3 أيام أقصد بالكتاب كله الشباتر اللي معنا فالترم القانون قداااامك وأحنا خلونا ندخل ورقة القوانين معنا فالاختبار أنتوا أظن حيخلوكم كمان ممكن يجيبوا لكم أختيارات من السلايدات الشغل كله حتى المسائل وشوفي أي شي حتشوفيه صعب حتى لو كان الثقافه حيصير صعب والعكس بالعكس .. والسلاااااممممم ختااامممم

[girl.k.s.a]

الله_يعافيك_ياعسوله

----

أهلا_عدنان
هيا_صح_المادة_حلوة_بس_أنا_كرهتها_=(
يبغالها_تدررريب_زي_ماقال_عدنان
(نحنا_للأسف_حفظنا_كل_القوانين_وعلى_حظي_لما_جيت_أحل _نسيتها
ولما_رجعت_البيت_بس_حطيت_راسي_على_المخدة_رجعت_القوا نين_كلها_حسبي_الله_بس)

لكن_الحمدلله_إني_نجحت_في_المادة

[Mno 3sal]

مادة تطوير تنظيمي نازله في الصيف نقدر ناخدها اختياريه ؟؟

[girl.k.s.a]

^

أتوقع لا بس اللي مكتوب في الخطة الدراسية هوا المسموح

[girl.k.s.a]

http://www.skaau.com/vb/showthread.p...10#post6573910

ادارة_الجودة_زي_ما_اتفقنا
^_^

[يارب افرجها من عندك]

بنات الله يسعدكم ممكن احد يشرحلي دكتور فهد العيتاني بالتفصيل
شرحه_اسلوبه_تعامله مع البنات_اسئلة الاختبارات _طريقة المذاكرة_ درجاتكم اذا نزلت

اعرف زودتها

بس الله يسعدكم لاني حاخد معاه ادارة اعمال دولية
في الصيف وحنبدأ السبت مو بعد بكرة لا اللي بعده
واحتاج اجيب درجة عالية باذن الله وابي ارفع معدلي



وكمان الحضور كيف ؟ملتزم فيه ولايغيب ويكنسل؟؟

[adnans]

المشاركة الأصلية كتبت بواسطة يارب افرجها من عندك بنات الله يسعدكم ممكن احد يشرحلي دكتور فهد العيتاني بالتفصيل شرحه_اسلوبه_تعامله مع البنات_اسئلة الاختبارات _طريقة المذاكرة_ درجاتكم اذا نزلت اعرف زودتها بس الله يسعدكم لاني حاخد معاه ادارة اعمال دولية في الصيف وحنبدأ السبت مو بعد بكرة لا اللي بعده واحتاج اجيب درجة عالية باذن الله وابي ارفع معدلي وكمان الحضور كيف ؟ملتزم فيه ولايغيب ويكنسل؟؟

تدخل من جانب الشبااااااااااااااااااااااب ..

من ناحية شرح الدكتور يهتم فأنه يفهم مادته ما يهتم بأنه يشرح الاختبار وكيف يجي .. الخ وكل ما أحد كلمه عالاختبار أتاكدوا حيقول أنا أبغاكم تفهموا أنا ما أهتم فالاختبار بالنسبه لنا هالترم أتفق معانا أنه يعطينا الاختبار الدوري والمقالي سؤال واحد مقالي أجابته مفتوحة : أذكر كل ما تعرفه عن المادة بالانقليزي والموضوع هنا فالمنتدى ومتلخص فيه الماده كلها أنقلش وعربي .. وكلها 8 صفحات بالانقلش من أول الترم أحفظيها هذي للنهائي 8 صفحات لو للدوري حتكون تقريبا 4 أو شي زي كذا .. الحضور أهممممممممممممممممم نقطه عنده أياني وأياكي تغيبي عنده جدا يحرص عالحضور وأكثر من غياب واحد فالترم حياخذ فكره عنك هو الدكتور هذا كويس للي يحضروا من ناحية المادة سهلة ومو كويس للي يسحبوا .. من ناحية الدرجات هو ما يعطي الدرجات الكاملة يعني يعطي 18 بالكثير من 20 فالدوري والبقيه أغلبهم فوق العشره لكن يقول ال 17 من عشرين أعتبرها ممتاز على حد تعبيره .. أيش كمان أقلك خلاص شدي حيلك من ناحية المذاكرة سهالة أنا حاخذ أن شاء الله معه مادة قيادة فالصيف والأمور ماشية .. سلام

[يارب افرجها من عندك]

شكرا اخ عدنان لردك الجميل من جد كفيت ووفيت

بس حبيت اعرف طريقة تعامله مع البنات لان بعض الدكاترة مايعبرونا ولاكاننا موجودين
واذا هو متفق معاكم على دا السؤال شي جميل وان شاءالله يتفق معانا على نفس الاسلوب مايغير ويجبلنا اسئلة وكده

وبعدين ان شاءالله ناخد تفاصيل اكتر عن الواجبات والبروجكت في موضوعك التاني
حطفشك

وكمان درجاتكم النهائية نزلت؟؟

يعني حابة اعرف الدكتور ايش اقل درجة اعطاها b اوc ولا كلو في الa

[adnans]

المشاركة الأصلية كتبت بواسطة يارب افرجها من عندك شكرا اخ عدنان لردك الجميل من جد كفيت ووفيت بس حبيت اعرف طريقة تعامله مع البنات لان بعض الدكاترة مايعبرونا ولاكاننا موجودين واذا هو متفق معاكم على دا السؤال شي جميل وان شاءالله يتفق معانا على نفس الاسلوب مايغير ويجبلنا اسئلة وكده وبعدين ان شاءالله ناخد تفاصيل اكتر عن الواجبات والبروجكت في موضوعك التاني حطفشك وكمان درجاتكم النهائية نزلت؟؟ يعني حابة اعرف الدكتور ايش اقل درجة اعطاها b اوc ولا كلو في الa

العفو أختي ما سوينا شي صحيح كلامك دائما ردودي جميله ما شاء الله علي ربي يحفظني

ما تخافي يالطيبه ولا تقلقي قلتلك خذيها عنده وما عليكي أنا خليت كم واحد ياخذوها عنده فالصيف فحجيبولي التطورات كلها اول بأول أنتي أتوكلي على الله وراح تتوفقي أن شاء الله ..

قلتلك لا تقلقي بالدرجات خذيها عنده وديتها 8 أوراق أحسن من أنك تاخذيها عند غيره سلايدات وتست وخمبقات مالها لزمه ..

بخصوص أنك تطفشيني لا ما عليكي حتونسيني أنا أصلا ماعندي لا شغله ولا مشغله فحياتي بس أطالع فهالمنتدى أشوف أحد يكلمني أرد عليه أو أحد معدي يسلم وأرد السلام هلابك أنتي وكل الأخوان والأخوات الوضع جدا فرندلي فخذي راحتك عالاخر ..

فالختام دعواتكم كلكم اللي يشوف واللي يسمع بكره آآآآآآآخر أختبار .. جااانااآآ ماتااانيه ازكااااا