سؤال مهم جدا.

Y.S · #1 04-06-2009, 12:48 AM

^^

ثانكس

so0ona · 04-06-2009, 01:19 AM

السلام عليكم ورحمة الله وبركاته

اوف اوف اوف عليكم يا طلاب وطالبات جامعة الملك عبد العزيز

حرام عليكم كدا خوفتو الواااااد حسستوني انو الحين كل الشعب راسب في الجامعة

صح السنة دي كانت ملخبطة وفي قرارات هبلة بتنزل في وقت مرة مو وقتها
بس والله برضو جامعتنا مافي زيها

يعني والله لو ما كنا احنا فاللين في السنة دي معدلاتنا ما كانت حتكون عالية وبس حتى مع النظام دا لو شدينا حيلنا كان جبنا درجات مرة حلوة وفي ناس سوو الحركة دي وماشاء الله معدلاتهم 5 و4,9 يعني في امل

نصيحتي لك اتوكل على الله اول شيء

وثاني شيء شوف لو تبغى الهندسة فا جامعة الملك فهد هي افضل جامعة في المملكة في القسم دا
ولو تبغى الطب فاجامعة الملك سعود بالرياض هي افضل جامعة في المملكة في القسم دا وفي مصادر اخرى يقال انو كلية البترجي الجديدة دي حتكون هي الافضل في العلم ولكن مو في الشهادة لأنو مو حكومية بس طلابها بينزلو في المستشفيات من اول سنة

المهم بس انت لو تبغى تقعد عند اهلك وما تبغى الغربة فا مرحبا بك في جامعتنا لأنو الجامعة مرة جيدة والمنهج مرة سهل ما عدا مادة الاحياء فا انا بصراحة المادة الوحيدة الي نجحت فيها ومادري اش هو المنهج

بس لو قررت اي جامعة اهم شيء انو لازم تشد حيلك ومرة لا تاجل شيء ودعاء الوالدين

اتمنى اكون افدتك ومعليش على الاطالة

ahmed_al0lyan · 04-06-2009, 03:24 AM

اتذكر ايام ما جاتنا القبول في الجامعات انا انقبلت في هدي الجامعه وما انقبلت في جامعة البترول والمعادن وصاحبي انقبل هنا وهناك سألني قبل ما يحدد الجامعه اللي يدرس فيها ... يروح البترول والمعادن ولا الملك عبد العزيز ..? قلتله روووح البترول والمعادن ولا تتردد.. وفعلن راح البترول والمعادن والى هدا اليوم صاحبي يحمد ربه انو ما دخل جامعتنا

It`s me · 04-06-2009, 04:40 AM

أحوب إني أضيف كم نقطة..
شوف يا باش موهندس..السنة التحضيرية دي لها ايجابيات ولها سلبيات..

إيجابياتهاا : تعلمك كيف الحياة الجامعية..وتطور الانقلش تبعك..وتعلمك الاعتماد على النفس..وتعلمك كيف تفكر في مستقبلك..وكيف تزاكر..واكتر شئ انا استفدتو من دي السنة.. أتعلمت كيف اتحمل الضغط النفسي والضغط الدراسي..
طبعن دا كلو في صالحك..عشان لا تدخل التخصص وتتنكب في حياتك..وماتعرف كيف تتحمل الضغط ولا تعرف كيف نمط الحيااة الجامعية..

أما السلبيات :
القرارات الفوجائية دي..وهيا بسبب ان نحنا اول دفعة..بالعربي فيران تجارب..

ومن السلبيات كمانا..ممكن يكون صعوبة الاختبارات..ودا كلو عشان يخلو جامعتنا جامعة محترمة وعالمية..على حساب راحة عقولناا..
وحط في بالك..انتا مادخلت دي الجامعة الا وانتا مستعد لانك تتحمل الضغط ...وتكون طبعن قريب من ربنااا عشان ييسرلك امورك..يعني لاتحط الصعوبا حاااجزز..لانو مافش شئ سهل في دي الدونياا..واللي يبغااا الدحااا مايقول أحآآآ
جســــت..

بس زي ماقالو اللي قبلي..أستخيــــــــــر..ولو انتا تبغا هندسا روح للبترول والمعادن..ولو تبغا طب..روح لسعود..

ولو كانت ظروفك ماتسمحلك بالغرباا..فا اهلن وسهلن بك في جامعتنا العزيزااا..

وسوري على الاطالة :)

الله يوفقك