تجمع المتقدمين والمتقدمات لماجستير تقنية التشريح وعلم الأنسجة .

[عِشْقْ]

السلام عليكم ورحمة الله وبركاته

اول شي مبروووك لكل المقبولين والمقبولات والله يوفقكم يااارب ويسهل أموركم جميعا ويبارك لكم

بالنسبه للبرنامج و( لأم زياد ) خاصه

للاسف البرنامج لسه ما اعتمد ويمكن يطول اعتماده حتى احنا الدفعه الخامسه يمكن ما يعتمدوها ولكن أملنا بالله كبير

وعاجلا أم آجلا راح يعتمدوه وراح يكون له صيته وديعه يا عزيزتي .. فقط أحسني الظن بالله

ثانيا :

البرنامج جدا جدا جمممممميل وممتع ورااائع وما ندمت اني سجلت فيه ولو رجعت بيا الزمن برضوا راح ادخله

الدوام سابقا كان الاربعاء من 4- 8 والخميس من 9-1 وأحيانا أطول

مثلا ما قالت لكم صديقتي اللي تجنن ( أحلى رحله )

بس دحين مع القرار الجديد ما نعرف متى

الدراسه في كلية طب الأولاد المبنى الثامن << احلى رحله كانت بتوديكم في داهيه هههههههه

اول ترم راح تدرسوا مادتين

تشريح 1 وأنسجه 1

نصيحه لكم من دحين ذاكروا بعض المصطلحات حقت الجسم عشان تتسهل لكم

كلها المادتين ممتعه وجميله بس يبغالها مذاكره وتركيز

انا دحين سنه ثانيه ولله الحمد

وإذا بدء الدوام راح نساعدكم أكيد وما راح نبخل عليكم بشي

بالنسبه للي تسأل عن الحضانه ماراح تحتاجي حضانه

وإذا تحتاجوا أي معلومات أنا جاهزه لكم وأي أسئله راح أجاوب لكم عليها بحول الله وقوته

وبالتوفيق لكم جميعا

[ام اياد]

بطول بعد اعتماده لش الى متى الداكترة و رئيس القسم قال على هذي السنة تعبنا من الانتظار حابه أحلل تعب المذاكرة و نستفيد من هالشهادة الله يعين

[ام اياد]

ردو ايش صار على التصنيف

[عِشْقْ]

ام اياد اللي عندي قلته ومو معقول يصنف البرنامج ونخبي عنك وكمان مو معقول راح يصنف البرنامج في يوم وليله

لما يصنف البرنامج راح تلاقي خبره في كل مكااان

والى هنا اعتذر عن الرد عليك بااي شي واول ما يصنفوا البرنامج

راح اخبرك

والله يوفقك ويفتح عليك يااارب

وياليت ما تنتظري التصنيف وحاولي تستفيدي من شهادة البكالوريس في اي مكان

وتذكري دائما ( بأن رزقك لن يأخذه أحدا غيرك وأنه لن تموت نفسا قبل أن تستكمل رزقها )

[وينك يا حظي ؟]

مرحبا
رمضان كريم ع الجميع

لو سمحتوا أنا جاتني رسالة على الجوال مكتوب فيها أن علينا مراجعة مشرف البرنامج بالكلية لتسجيل الجدول الدراسي قبل العيد

أخذت بكلامهم و رحت لهم قبل يومين طبعا رحت لكلية الطب (طالبات) بما أن البرنامج تابع لهم

قالوا لي البرامج الخاصة المسؤول عنها قسم الطلاب بكلية الطب احنا ( قسم الطالبات ) بس مسؤولين عن البرامج العامة فيما يخص الطالبات و قالت اصلا الدكاترة في إجازة كيف يرسلوا لكن رسايل و هم في اجازة ؟

المهم حاولت الموظفة تكلم قسم الطلاب بس محد رد عليها ، و قالت لي أن اسم المشرف على البرنامج ( رائد ) نسيت اﻻسم الثاني له

السؤال / دحين من فين نسجل الجدول ؟ و متى راح نسجله اذا كل الدكاترة في اجازة ؟ و بعدين ما فهمت كيف نتواصل معهم احنا يا البنات اذا كان المسؤول عن البرنامج قسم الطلاب ؟؟

[عماد الحسن]

المشاركة الأصلية كتبت بواسطة وينك يا حظي ؟ مرحبا ..رمضان كريم ع الجميع لو سمحتوا أنا جاتني رسالة على الجوال مكتوب فيها أن علينا مراجعة مشرف البرنامج بالكلية لتسجيل الجدول الدراسي قبل العيد أخذت بكلامهم و رحت لهم قبل يومين طبعا رحت لكلية الطب (طالبات) بما أن البرنامج تابع لهم قالوا لي البرامج الخاصة المسؤول عنها قسم الطلاب بكلية الطب احنا ( قسم الطالبات ) بس مسؤولين عن البرامج العامة فيما يخص الطالبات و قالت اصلا الدكاترة في إجازة كيف يرسلوا لكن رسايل و هم في اجازة ؟ المهم حاولت الموظفة تكلم قسم الطلاب بس محد رد عليها ، و قالت لي أن اسم المشرف على البرنامج ( رائد ) نسيت اﻻسم الثاني له السؤال / دحين من فين نسجل الجدول ؟ و متى راح نسجله اذا كل الدكاترة في اجازة ؟ و بعدين ما فهمت كيف نتواصل معهم احنا يا البنات اذا كان المسؤول عن البرنامج قسم الطلاب ؟؟

كل عام وأنتم بخير جميعاً ونبارك لكم صولكم لهذه الدرجة العلمية

حالياً لا اعرف التفاصيل المطلوبة منكم ، ولكن بما أنكم مجموعة فلابد الكلية تكون مسئولة عنكم
حسب علمي أن الجدول يكون جاهز لكل الدفعة في الفصل الأول ، ولكن رابح أسأل وأرد عليكم بحول الله

وأتمنى أي واحدة من الأخوات تعرف شئ تنبهنا في هذا الموضوع
دعواتنا لكم بتيسير الأمور.

[Durrah11]

سلام عليكم ورحمة الله وبركاته أنا كمان جاتني الرسالة ورحت الجامعة وقالواي نفس الكلام أروح لدكتور رائد وأخدت تحويلتو ورقم جوالو من موقع الجامعة وللاسف مابيرد عليا لاعالجوال ولاعالتحويلة وارسلتلو مسج بس للاسف مارد الظاهر فعلا في اجازة زي ماقالوا في الكلية شفت وحدة من الاخوان كانبة انو الدراسةفي كلية الاولاد مبنى 8 ماقدامنا الا اننا نروح هناك خلونا نتفق على يوم ونروح مع بعض ونسأل

[عِشْقْ]

وعليكم السلام ورحمة الله وبركاته

لا تشيلوا هم لان الجداول تنزل جاهزه وحتي لو ما سجلتوها دحين تقدروا تسجلوها اول يوم في الدوام
احنا سجلناها بنفسنا وما رحنا الكليه ولا شي بس ناسيه طريقة التسجيل اول ماافتكرها راح ارد عليكم
والبرنامج مشرف عليه قسم الاولاد
والدراسه كمان راح تكون في كلية الاولاد مبنى 8
والله يوفق الجميع يااارب

[Durrah11]

الله يعطيكي العافية أختي طمنتيني
بس مافهمت كيف نسجلها بنفسنا من غير مانروح ؟؟
قصدك عن طريق odus?
لأني دخلت عليه وشفت تسجيل مواد بس المشكلة ماأعرف الكود تبعها
وعندي سؤال بخصوص الدراسة
هل حنشرح حيوانات وصراصير الله يكرمكم لاني بصراحة مااحب الحيوانات والحشرات واقرف منهم ؟؟؟

[وينك يا حظي ؟]

بالنسبة أن الجدول ينزل جاهز سألت الموظفة عن هالشئ قالت لي لا ﻻزم أنتوا تسووه بنفسكم

صراحة أحس الكل متبري منا قسم الطالبات يقولوا احنا ما لنا شغل فيكم و قسم الطلاب ما يردوا علينا :(