تغيير الدوام

[afnan.a.n]

مو لو نحنا رحنا كلنا و قلنالهم الكلام دا اكيد حيغيرو


لانو مو معقولة العميد او المسؤولين يكونو موافقين انو بنات الناس لين نص الليل برة البيت

[ضربة شمس]

Bio 110 u1 أحياء عامة (1) 3 .s.t... 21.00 22.20 tba tba p
هيا شوفو اخلص على 10 وتلت وعلبال ما يحضر ونخرج 10 ونص وعلى بال ما اركب السياره واخلص من الجامعة هادي ربع ساعه كمان وعلى بال ما امسك الخط السريع وانزل على بيتي ومع زحمة جدة هذي نص ساعه يعني مارح ادخل البيت إلا 11 ونص

[sounzr zr]

هي المشكلة في نظري انو ميييييين الدكتورة الكويسة اللي حتعطي للبنات محاضرة من 7 ل 8 ؟؟؟؟ في مادة زي الفيزياء ولا الكيمياء !! اكيد واحدة معيدة ولا ماهي كفء !! مافي دكتورات ينحطو في الوقت دا و طبعاً عطاء الأستادة حيكون أقل بكثير !! و طبعاً بنات الأنتظام يكون هما الأفضل و بعدينا يتفلسفوا و يقولوا انو بنات التأهيلي مستوهم أقل !! طبعاً وهما السبب .. ولعلمكم حركة الجداول دي من ضمن حركات التصفية !!

[afnan.a.n]

يمكن عشان البنات يسحبو و يكون العدد قل عليهم ما تعرفو

و اصلا ما اتخيل انو في دكتورة حتجلس لين 8 او 9 الليل

[sounzr zr]

هيا شوووووووف أحياء الساعة 9 و 10 باللللللللله ميين اللي حيفهم ولا الدكتور حيكون لو نفس يششششرح !!!!!!!!! الجامعات في كا العالم معروف فب الصباح و الين العصر هادا المتعارف عليه !! ليش !! لأنوا الواحد يكون مصحصح و مخو فاضي و نفس الشى للدكتور !! فكيف الساعة 10 في الليل منجد شئ غريب !!

[sounzr zr]

مافي داكترة يجلسوا للوقت دا و كل يوم !! اللي حيدرسونا ناس أقل كفاءة من الناس اللي بيدرسوا الأنتظام و دا شي غلط المفروض يعدلوا , عشان منجد لما يسوا التصفية يكون تصفية عادلة !!

[Confused]

لا معليييييييييييييييييييش مرة معليييييييييييييييييش
ايش الدوام دا ؟؟؟ خير ان شاء الله ؟؟؟؟
ايش الي ارجع البيت على 11 ؟؟؟ معاكم لاااااااااااااخر الموضوع
واذا تبغوا تروحوا رايحة معاكم ..
بناااااااااااااااااات و شبااااااااااااااااااب لو سكتنا رح يركبوا فوووق راسنا .. خير الناس ما عندها اهل؟؟ ما وراها نوووم
مذاكرة جلوووس رواااق ولا شي؟؟؟؟ ما ورانا غير جامعة؟؟؟؟
و البنات الي راحوا امس ايش صار معاكم؟ مو كانت في شلة بتروح تشوف الموضوع؟؟
ترا بدأول ينزلوا المباني و الغرف اذا ما تكلمنا دحين
مافي فايدة بعديييين.
قرروا ايش تبغوا تسووا متى نروح و اذا رايحيين شباب و بنات
وين نروح و مين نكلم.
الموضوع ضروووووووووووري يخلص قبل السبت.

[ضربة شمس]

والله هوا من ناحية الوقت لازم فعلا نخلص قبل السبت
لكن انا ماني عارف ليه مافي اولاد هنا متضامنين معايا
حاسس شكلي غلط بينكم
على كل حال روحوا انتو بكره شوفوا ايش يصير معاكم
وانا بكره عندي اختبار تحديد مستوى على الساعة 3 حشوف مع اصاحبي يا إننا طلعنا طوالي على العماده يا إني حستنى اشوف ايش صار معاكم

[sounzr zr]

ايوة لازم بسرعة !!

[afnan.a.n]

لو مافي احد يبى يروح مجموعة مو مشكلة

كل وحدة تروح لمن يشوفو انو في بنات جايين حيعرفو انو نحنا معارضين

اهم شيء نروح لانو لو سكتنا على بالهم انو نحنا راضيين