هنا قروب تجمع مادة بحث وتدريب 496 طلعت سندي ,,,,,,

[abdulr7man]

يا شباب اي جديد يا ليت يكون في صورة

الكتاب موجود عندي اللي يبي صورة يبشر

[abdulr7man]

اخوي شقاوي اي جديد ولا عليك امر لا تنساني

وانا شغال مع واحد في جامعة الملك عبدالعزيز وان شاء الله تضبط الامور خلال اليومين القادمة
واي جديد راح يجي راح انزله في نفس الموضوع .

المشاركة الأصلية كتبت بواسطة شقاااوي السلام عليكم ورحمة الله وبركاته يااخوان مافي شي جديد ؟؟ انا رحت قبل يومين لمكتبة جامعة الملك سعود وللاسف لم استطيع الحصول على اي مقاله او مجله وكانت اليه البحث عندهم سئية جداً .. ان شاء الله اليوم اروح مكتبة الملك فهد لعلنا نجد اي شي هناك . تحياتي

[abdulr7man]

هل من جديد

[مخلص بحول الله]

اخوي شقاوي انا رحت لجامعة الملك سعود امس وقعدت فيها اربع ساعات ومثل ما قلت الية البحث مو الي انت تبي

بس يسرلي الله واحد وماقصر الله يجزاه عني خير علمني كيف ابحث وابشرك لقيت بعض المجلات لكن ما لقيت الاصدارات القديمه لان الدكتور طلب من اخون القيصر انه يبحث بلاصدارات من تاريخ 1990/1994
بس للاسف اني ما لقيت شي واكثر الوقت راح بتطريقة البحث واليوم ان قاله الله بروح ولاني طالع من دون لا اخلص يعني اسم على مسمى
والي يبغى يخاويني حياه الله
وعلى فكره المجلات موجوده بمكتبة الامير سلمان الدور الرابع

وهذي اماكن الي طلعتهم لان كل شي تبحث عنه اكتروني ما عدا المجلات يدوي

م ا س 330 مجلة الاقتصاديه السعوديه
م ع ل 350 المجلة العربيه للعلوم جامعة الكويت
ا ب ي 378 ابحاث اليرومك

م ج ا 350 مجلة دراسات للعلوم الاداريه الجامعة الاردنيه
اقا 320 مجلة جامعة الملك عبدالعزيز لا تحرصون عليها لاني ما لقيت شي فيها

تاكدوو انكم ترجعون الكتب مكانها علشان يستقيد منها غيرك

وهذا رقم جوالي الي يبغى نتقابل في مكتبة الامير سلمان نساعد بعض في البحث طبعا مكتبة الامير سلمان في جامعة الملك سعود

[%وجهة نظر%]

والله والنعم اخوي مخلص


الله يوفقك عز الله ماقصرت بيض الله وجهك وفرج عنك من كرب يوم القيامه

[شف شنكو]

ياشباب هل العاده ان يكون فيه مناقشه في البحوث من قبل الدكاتره ...

[مخلص بحول الله]

صباح الخير
امس رحت لمكتبة الامير سلمان من الساعه 4 حتى الساعه 10:30 بحثت في مجلتين المجله الاولى مجلة جامعة الملك عبدالعزيز
والمجله الثانيه مجلة اليرموك

لقيت ثلاث مواضيع في مجلة عبدالعزيز

اما ابحاث اليرموك لحد يدور فيها ما فيها ولا موضوع من المواضيع الي حددها الدكتور

الهمه الهمه ياشباب ترانا محتاجياً الوقت الله يوفقنا وياكم

[مخلص بحول الله]

يا اخوي شف شنكو المقالات الي تبي تطلعها راح تكتب مقال عنها معتمد على فهمك و النموذج الي راح تعبه موجود في

موقع الدكتور ادخل على صفحة الدكتور تروح لسيره الذاتيه وبعد كذا تلقى المواد والمحاضرات وبعدين بحث وتدريب 494فيه علامة + اظغط عليها راح يطلع لك الرابط فيه نموذج الطلبات في الترم الصيفي الماضي


انتبه تمشي على الطلبات الي موجوده ابغاك تستفيد من النماذج الي فيها اما بنسبه للمواضيع شف اخوي القيصر حاط المواضيع الي طالبها الدكتور

اتمنى من الله اني فدتك يا اخوي شف شنكو
يالله التوفيق لي ولكم

[abdulr7man]

مرحبا اخوي ملخص
يعطيك العافية على جهودك والله يوفقك ويوفق الجميع
ياليت ولا عليك امر تعطيني صورة من المجلات ، لأني بصراحة ما اقدر اطلع وابحث موظف بنك ودوام طويل ما نطلع الا بعد المغرب , وخلها على ربك
اذا ممكن .

المشاركة الأصلية كتبت بواسطة مخلص بحول الله صباح الخير امس رحت لمكتبة الامير سلمان من الساعه 4 حتى الساعه 10:30 بحثت في مجلتين المجله الاولى مجلة جامعة الملك عبدالعزيز والمجله الثانيه مجلة اليرموك لقيت ثلاث مواضيع في مجلة عبدالعزيز اما ابحاث اليرموك لحد يدور فيها ما فيها ولا موضوع من المواضيع الي حددها الدكتور الهمه الهمه ياشباب ترانا محتاجياً الوقت الله يوفقنا وياكم

[شقاااوي]

السلام عليكم

ياشباب انا رحت اليوم الى مكتبة الملك فهد وللاسف كانت مقفله للتجديد
ورحت بعدها الى مكتبة الامير سلمان وماقصر الاخ مخلص ارشدنا عسى الله يوفقه ويوفق الجميع

وبصراحه دورت في مجلة واحده فقط وهي مجلة ابحاث اليرموك وكانت اكثر من 51 مجلد
ووالله العظيم اني تعبت لان كل مجلد لا يقل عن 600 صفحه وفيه مجلدات بين 200- 300

وللاسف لم اتمكن ان اجد اي موضوع يخص البحث

على العموم الله لايوفق طلعت سندي وان شاء الله ابحث بكره فلي المجلات الاخرى وسوف نجد بحول الله الموضوعات