تدفع فلوس رسوم دراسة وتدفع تذاكر تعال شوف الظلم الي يتعرضه له طالب وطالبة الانتساب

[$ الـجـوهـرهـ $]

المشاركة الأصلية كتبت بواسطة يويو ون اهــــــــــــ يالقهر لو بيدي شي كان سويته واللي يقول منت مجبور لا مجبور علشان ابغى اتعلم وتكون شهاده بيدي وافيد غيري من رغم معدلي يدخلني انتظام بس الظروف سمحت لي ادخل انتساب مااقول غير حسبي الله ونعم الوكيل وعلى اللي شايف الموضوع هذا بكل غرور وشوفت نفس

صدقتي ياغاليه حسبي الله ونعم الوكيل وبقوووووووووووه

[alreeemi]

العجيب ان كثيرين ذهبوا الى الابتعاث الخارجي والله يوفقهم وييسر امرهم وتدفع لهم الدولة مبالغ طائلة جدا بل التامين الصحي من افضل التامينات الموجودة حتى ان الشخص الواحد له تامين صحي يصل الى مليون ريال غير العائلة يعني على كل شخص مليون ريال
غير المكافااااااااات اللي توصل لكل شخص مايقارب 10000ريال ونصف الميزانية هذه السنة ذهب للتعليم العالي
كلام كثير من المفترض انه يكون له حل صاحب الموضوع اضم صوتي اليه واتمنى وضع طرق طيبة لوصول الكلمة ملكنا الغالي
اختبارات المناطق ان شاء الله اننا منتهين منه وباذن الله راح تشوفونها السنة الجاية ولكن الرسوم الادارية للجامعة هي المشكلة ونحن هنا لانحب انفسنا فقط حتى اهل جدة يجب الوقوف معهم بذلك
اضعف الايمان خصم الرسوم 50% بصرف النظر عن المعدل
حضورنا وترك اطفالنا وزوجاتنا هذه بحساب
ايجار البيت والجوال والمدرسين والفنادق والكتب والطيران هذه بحساب
الوقت والجهد والرسوب هذه بحساب

الاخوان اللي يقولون يخافون نحن لم نطلب المستحيل بل نطلب ماهو حق لنا وشرعي مثل غيرنا اذا تكاتفنا وكلمتنا واحدة باذن الله راح يقفون معنا
مدير الجامعة والد ويقدر هذا الشي
هيئة التدريس ايضا ولاة امور ويقدرون هذا الشي

والله من المحزن ان نشاهد شخص يدفع في الترم الواحد مايقارب 10000ريال
يعني في السنة 20000 ريال ووالله لو كانت هذه المبالغ تدفع من جيوبهم لابنائهم والله لم يرتضوها

هنا كلمة حق يجب ان تقال
انا بفضل الله تعالى راتبي طيب ولكن المصروفات هذه ابدا واولى بها ابنائي
الاولى بها ايجاري الذي يقارب 35000
الاولى بها مصاريفي الشخصية كخادمة وسائق ومدارس اطفال ومصروفاتنا الكمالية

هذه بعض الكلمات اتمنى ان تستفيدوا منها
واسال الله العظيم ان يحنن قلوب المسؤولين في الجامعة بان لا يجعلونا نذهب الى غيرهم
والله ولي التوفيق

[hamo0od30]

والله طفشنا ولا احد بيسمع اصواتنا الا لين نسوي زي تونس ومصر

[مجموعة إنسان 1405]

المشكلة الادهي والامر انك بتعلق الشهادة في البيت

لاوظايف ولااعتراف بشهادة الانتساب اصلا الانتظام ماهم لاقين وظائف اجل كيف الانتساب

البلد كله يبغاله فرمته

[جامعة المؤسس]

اتفق مع النقطة الرابعه, ان طلاب الانتساب مايحصلون على خدمات الجامعه مثل طلاب الانتظام؟

[الـمـقـاول]

انا قترح عليهم انهم يرفعون المبلغ علينا بألف ريال يسمونه بدل اختبار مناطق .. ميخالف موافقين اهم شي مانتكبد خساير زود وارهاق سفر وسكن ماندري احنا نلقى سكن نظيف او نضطر ندفع زود

انا اول مادخلت شقتي بايدي اليمنى شنطتي وبايدي اليسرى كيس فيها كلوركس وديتول .. خليت الهندي ينظف الكرسي الفرنجي بالكلوركس .. وخليته ينظف الارضيه بالكلوركس والديتول .. وعروة الباب ايضا .. وريموت التلفزيون .. وكل شي كل شي

انا بالسنه التحضيريه كنت اختبر بالرياض تبعد عن بريده 300 كيلو اروح لها بالسياره وارجع وانا فرحان وسعيد وادعي لمدير الجامعه .. بس فعلا عانينا بالمستوى الثالث والرابع ماش الامر صعب وصرنا نروح بالشحاته من الاقارب والاهل عشان نغطي تكاليف الرحله

المشكله يبون ينعشون اقتصاد جده .. وش هالاقتصاد الي يطيره المطر بنص ساعه .. الله يعين بس

[$ الـجـوهـرهـ $]

المشاركة الأصلية كتبت بواسطة مجموعة إنسان 1405 المشكلة الادهي والامر انك بتعلق الشهادة في البيت لاوظايف ولااعتراف بشهادة الانتساب اصلا الانتظام ماهم لاقين وظائف اجل كيف الانتساب

يعني تعبنا في المذاكره والشحططه بالسفر ورايحين وجايين ومصاريف ونترجى فلان في الحجوزات وعلان لسكن

بالاخيييرررر <<< كله هذا يطلع على الفاضي




ياويلي الله لايقولو

[mo0onm]

السلام
صح اللسانك ومع احترامي للاخوان المعارضين
جامعة فيصل اختبار مناطق لسنه التخرج وما في رسوم لدفع لاختبار المناطق
تدفع رسوم بس للمواد إلى نزلتها هذا الترم .......
بس عليهم تخصصات استغفر الله بس حليوه
للاخوان المعارضين (احنا مو من جماعت خالف تعرف) ولا طلبنا شي مستحيل .
تخفيف الرسوم ... قلنا اختبار مناطق وبدال الف اريال الفين يطلع علينا ارخص من السفر تذاكرومرمطه ..
ومع احترامي للمعارضين وتشكراتي للمؤيدين

[sugar-lips]

الله يسعدك يابتال والله قلت اللي في خاطري يفكونا بس ماعليه ندفع 3000 و 1000 اختبار مناطق ولا ندفع 10000 ولا 11000 في الترم ونتمرمط يخلونا بس اختبار مناااااااااااااااااااااااااااااااااااااااااااااااا اااطق يفكونا من جده خلاص طاب الخاطر والله من بعد ماشفنا هالترم ،،،،

[أبو إبراهيم الرياض]

كلنا مع ما ذكر أخونا بتال القوس ونؤيدك وبقوه ونتمنى النظر في موضوعنا ومعاناتنا بالسفر والمصاريف وتأخر صدور الجداول وأشياء كثيره ،،، ومن الناس هنا من رد بردود لا تليق منبر الموضوع وسبقوني زملائي بالرد عليهم ممكن من ردو بهالردود من كان ربي مغنيهم وماخذين الأمور سهالات يعني ندرس أن مشينا مشينا والا ما ما ضرنا شي وممكن أنهم من سكان جده ومنتسب يعني تعتبر الجامعه بالنسبه لمن يأتي خارج جده تعتبر جنب بيته يعني جالس بين أهله أكل شارب نايم ويدرس ما شال هم بعده عن عياله إذا كان متزوج أو ضروف ترهقه وتجعل من سداد وسفر وسكن وأكل وشرب هم يتمنى أن يزيل وهو يعاني منها في جده ولم يتذوق طعمها وهو يتحمل هذي الصعوبات وأضف عليها الأن الأمطار والمخاطر المحتمله على جده كل سنه لأن لا حل من أوضاع جده ولو وجد لها حل سوف نشيب وهي من لجنه ولجنه لأصلاح ما بقي من جده لاكن ما نقول الا الله المستعان ،،،

أنا كل ما أتمناه هو نقل الأختبارات كلن على مكان أقامته أختبر بين أهلي وعيالي والله أنها أستقرار للنفس وليس بالغربه والله أني أعتبرها غربه مع أن حنا في نفس البلد وبين أخواننا لاكن غصب عليك تقنع نفسك بهالحكم ومثل ما قال أخونا نعطيهم 2000 مهوب 1000 مثل السنه التحضيريه بس أختبر بمكاني ولا أتغرب ،،،

كل الشكر لك أخوي بتال القوس في الأول والأخير والله يجعل ما طرحته يوصل لمسامع المسؤلين بالجامعه مع أني أعرف وكلنا يعرف أنهم يعلمون بما نعانيه ولاكن لامن مجيب ولامن سامع يرد الصوت وموضوعك وموضوع من طرحه من الزملاء في هذا الموقع كل ما هو الا خواطر نتحملها ونعانيها ونتبادلها بين أخواننا بالمنتدى والله يجزاك خير أخوي بتال فضفضنا شوي ،،، وتقبل تحياتي ...